ក្រចេះ ៖ បន្ទាប់ពីអាជ្ញាបណ្ណ័នាំប្រេងពីស្រុកយួនក្រោមលេសលក់នៅខេត្តមណ្ឌលគីរីបានបញ្ចប់ឧកញ៉ាអ៊ឹងតាន់វិរៈហៅលក្ស័បាននិងកំពុងកាក់កបជំនួញឈើប្រណិតឆ្លងដែនទៅស្រុកយួនក្រោមលេសអាជ្ញាបណ្ណ័កែច្នៃនៅជិតព្រុំដែនក្នុងឃុំត្រពាំងស្រែ។ទោះបីក្រសួងសេដ្ឋកិច្ចនិងហិរញ្ញវត្ថុក្រោមការចាត់ចែងរបស់លោកបណ្ឌឹតសភាចារ្យអូនពន្ធ័មុនីរដ្ឋជារដ្ឋមន្ត្រីមិនប្រកាសថាឈើជាង៧ម៉ឺនម៉ែត្រគូបដែលលោកនាយឧត្ត្មសេនីយ៍សៅសុខាបង្ក្រាបបានកាលពីដើមឆ្នាំ២០១៦ ថាអ្នកណាជាអ្នកដេញថ្លៃបានក៏ដោយក៏មានសេចក្តីរាយការណ៍ម្សៀឧកញ៉ាលក្ស័គឺជាឈ្មួញដែលដែញថ្លៃបាន។
បើតាមសេចក្តីរាយការណ៍ពីប្រជាពលរដ្ឋបានឲ្យដឹងថាជាប្រមាណជា៥ខែកន្លងមកនេះ លោកឧកញ៉ា លក្ស័បានប្រើឡានយីឌុបធំៗសម្រុកដឹកជញ្ជូន ឆ្លងដែនទៅស្រុកយួនដោយមានការឃុបឃឹតលោក មុត ម៉េងហ៊ាង ប្រធានច្រកនឹងលោក អេលិតមេគយច្រកព្រុំដែនវ៉ាលឺ។
បានជាគេចោទថាឃុបឃឹតព្រោះឧកញ៉ាលក្ស័គ្មានទេអាជ្ញាបណ្ណ័នាំចេញឈើដុលគឺមានតែសិទ្ធដឹកនាំឈើដែលដេញថ្លៃបានយកទៅកែច្នៃនៅត្រពាំងស្រែតែប៉ុនណោះ។សូមបញ្ជាក់ថាៈបើតាមលោក វង សុខសិរីមេព្រៃខេត្តមណ្ឌលគីរីបញ្ជាក់ថា៖ យោងទៅតាមលិខិតអនុញ្ញាត្តិ ផ្តល់សិទ្ធទៅអោយក្រុមហ៊ុនឈើ ទាំងនោះត្រូវបានដាក់គោលដៅ អោយយកទៅកែច្នៃ នៅក្នុងទីតាំង ភូមិត្រពាំងស្រែតែប៉ុណ្ណោះ បើខុសកន្លែង និងបង្ក្រាប។តែឧកញ៉ាលក្ស័នៅតែដឹកឈើនៅតែចេញទៅស្រុកយួនដដែលធើប្រដាប់អី?។
រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ លោកវេងសុខុន បានចេញ សេចក្ដីប្រកាសស្ដីពីការអនុញ្ញាត ឲ្យក្រុមហ៊ុន Lim Royal Joint Stock Company Limited បង្កើតរោងម៉ាស៊ីនកែច្នៃឈើ និងផលិតគ្រឿងសង្ហារិម ជាបណ្ដោះអាសន្ន មួយកន្លែងដែល មានទីតាំងស្ថិតនៅក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ លើផ្ទៃដីទំហំ៨ហិកតារ ដោយមានរយៈពេល១ឆ្នាំ ខណៈរដ្ឋមន្ត្រី ក្រសួងបរិស្ថាន គ្រោងនឹងពិភាក្សាជា មួយក្រសួងកសិកម្ម លើការមិនអនុញ្ញាតឲ្យ មានអាជីវកម្មឈើ នៅក្នុងតំបន់ដីសម្បទាន។
ប្រភពបានបញ្ជាក់ថាឈើដែលក្រុមឧកញ៉ាលក្ស័ព្រមទាំងបក្ខពួកមកជ្រកក្រោមប័ណ្ឌអនុញ្ញាត្តិកែច្នៃរបស់ឧកញ៉ា លក្ស័ នោះ គឺគេនាំឈើរត់ពន្ធឆ្លងដែលរាល់ថ្ងៃដោយគ្មានធ្វើតាមប័ណ្ឌអនុញ្ញាត្តិឲ្យកែច្នៃអ្វីឡើយ។ពួកគេនាំគ្នាដឹកឆ្លងដែនចេញខុសច្បាប់ទៅទាំងហ៊ុបមុខ៣០×៣០មុខ៤០×៤០មុខ៥០×៥០មុខ៦០×៦០មុខ៧០×៧០ ប្រវ៉ែងចាប់ពី៣-៤-៥-៦-៧ម៉ែត្រតែម្តង។មានសេចក្តីរាយការណ៍ថាបានជាឧកញ៉ាលក្ស័យហ៊ានដឹកជញ្ជូនឈើដោយចំហរឆ្លងដែននាំចេញគឺឧកញ៉ាលក្ស័យត្រូវចាយលុយរតការណ៍។
នៅជុំវិញសកម្មភាពនឹងការរួមគំនិតប្រព្រឹតអំពើរពុករលួយ របស់លោកទាំងពីទាំងបីខាងលើ សង្ឃឺមថាលោកអ៊ុងសំអាតប្រតិភូរាជរដ្ឋាភិបាលទទួលបន្ទុករដ្ឋបាលព្រៃឈើថ្មី ក៏ដូចជាឯកឧត្តម ប៉ាន សូរស័ក្តិរដ្ឋមន្ត្រីក្រសួងពាណិជ្ជកម្ម នឹងពិនិត្យលើប័ណ្ណអនុញ្ញាត្តិសម្រាប់ ការធ្វើចរាចរណ៍ឈើរបស់ម្សៀឧកញ៉ាលក្ស័មិនខានប្រសិនបើអស់លោកអត់ទទួលបានលាភសក្ការៈអីពីឧកញ៉ាលក្ស័ទេនោះ។
គួបញ្ជាក់ផងដៃរថា ការចរាចរណ៍នាំឈើរត់ពន្ធឆ្លងដែនតាមច្រកអន្តរជាតិវ៉ាលឺរាល់ថ្ងៃនេះ មិនមែនមានតែឈើឧកញ៉ាលក្ស័ ម្នាក់នោះទេ គឺមានឈ្មួញធំៗជាច្រើនដែលមកសុំជ្រកក្រោមប័ណ្ណអនុញ្ញាត្តិរបស់ឧកញ៉ាលលក្ស័ផងដែរ។ក៏ប៉ុន្តែករណីអស់នេះវាមិនអាចធ្វើទៅបានដោយគ្មានការឃុបឃឹតពីលោក មុត ម៉េងហ៊ាង ប្រធានច្រកនឹងលោក អេលិតមេគយច្រកព្រុំដែនវ៉ាលឺនោះទេ។
សូមបញ្ជាក់ថា៖កាលពីថ្ងៃទី១៥ ខែមករា ឆ្នាំ២០១៦កន្លងមក ប្រមុខរាជរដ្ឋាភិបាលតេជោហ៊ុនសែនបានបង្កើតគណកម្មកាចំរុះមួយដើម្បីបង្ក្រាប់បទល្មើសព្រៃឈើនៅតាមបណ្តាខេត្តភូមិភាគឥសាន្តជាប់ព្រដឪុំដែនយួនដឹក ដោយលោកនាយ ឧត្តមសេនីយ៍ សៅ សុខា មេបញ្ជាការកងរាជអាវុធហត្ថផ្ទៃប្រទេស ។
ជាលទ្ធផលរឹបអូសបានឈើប្រណីតប្រមាណ៧ម៉ឺនម៉ែតគីបតែអត់ចាប់បានក្បាលឈ្មួញដែលជាឧក្រឹដ្ឋជនព្រៃឈើណាម្នាក់មកផ្តន្ទាទោសឡើយ។ ឈើប្រមាណ៧ម៉ឺនម៉ែតគីបនោះក្រសួងសេដ្ឋកិច្ចនិងហិរញ្ញវត្ថុដាក់ដេញថ្លៃចំនួ១២លានដុល្លារអាមេរិក។ ទោះជាយ៉ាងណាករណីដេញថ្លៃឈើនេះអត់ឮខាងក្រសួងសេដ្ឋកិច្ចនិងហិរញ្ញវត្ថុប្រកាសឲ្យដឹងពីនីតិវិធិដេញហើយមានមានអ្នកណាចូលរួមខ្លះនិងបានលុយប៉ុន្មាននោះឡើយ។
ឥឡូវនេះស្រាប់តែឃើញមានឡានឧកញ៉ាលក្ស័ដឹកជញ្ជូនចេញដោយចំហរដែលមេព្រៃប្រាប់ថាឈើដេញថ្លៃបាន។មានប្រភពខ្លះនិយាយថាឧកញ៉ាលក្ស័ដេញក្នុងតម្លៃតែ៧លានដុល្លារអាមេរិកប៉ុណ្ណោះបង់ចូលរដ្ឋ។ឯ៥លានដុល្លារទៀតគឺសម្រាប់សេវារត់ការ? ។ មិនអាចសុំការបកស្រាយពីលោកឧកញ៉ាលក្ស័និងសមត្តកិច្ចពាក់ពន្ធបាននៅឡើយតែសង្ឃឹមថានឹងមានការពន្យល់អំពីមូលហេតុដែលឧកញ៉នាំចេញឈើប្រណីតទៅស្រុកយួនយ៉ាងសកម្មនោះឡើយ ៕