ភ្នំពេញ ៖ កាលពីថ្ងៃទី២ក្កកដាឆ្នាំ២០១៧លោករដ្ឋមន្ត្រី វេង សាខុនរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទចុះពិនិត្យមើល កសិដ្ឋានចិញ្ចឹមជ្រូករបស់ក្រុមហ៊ុន ស៊ី ខេ វ៉ាយ អី បានសន្យាប្រាប់កាសែតថា នឹងរៀបចំសេចក្តីជូនដំណឹង ដល់គ្រប់បណ្តារាជធានី-ខេត្តទាំងអស់ អំពីការលុបបំបាត់ការនាំចូលខុសច្បាប់ នៅតាមច្រករបៀង និងស្នើសុំឲ្យអាជ្ញាធរមូលដ្ឋាន ចូលរួមទប់ស្កាត់ទាំងអស់គ្នា!។ទោះជាយ៉ាងណា លោកឧកញ៉ា ម៉ុង ឬទ្ធី ដែលមានកសិដ្ឋានចិញ្ចឹមជ្រូកធំជាងគេក្នុងស្រុកខ្មែរ ចាត់ទុកប្រសាសន៍លោករដ្ឋមន្ត្រីក្រសួងកសិកម្មថាគ្រាន់តែជាការដើរសន្យាប៉ុណ្ណោះ។
ផ្តល់សម្ភាសន៍ដល់កាសែតលោកឧកញ៉ា ម៉ុង ឬទ្ធី បញ្ជាក់ថាថាការបិទការនាំចូលជ្រូកខុសច្បាប់ គឺមិនអាចទៅរួចទេ បើក្រសួងកសិកម្មនៅតែចេញច្បាប់ អនុញ្ញាតឲ្យនាំជ្រូកចូលនោះ។“…ចេះតែនិយាយថាជ្រូកនាំចូលខុសច្បាប់ ចុះបើក្រសួងកសិកម្មចេញច្បាប់អនុញ្ញាតឲ្យវាមានអីខុសច្បាប់ទៀត…ហើយចេះតែសន្យាថា ចាំពិនិត្យសិក្សាសិន ណបើថែមពាក្យមួយឃ្លាទៀតថា រហូតដល់ដួលរលំអស់សិន…”។
មានការកត់សម្គាល់ថា៖ មួយរយៈកាលចុងក្រោយនេះ អ្នកចិញ្ចឹមជ្រូកក្នុងស្រុកខ្នាតតូចជាច្រើនបាននាំគ្នាឈប់ចិញ្ចឹម ដោយសារតែមិនអាចប្រកួតប្រជែងជាមួយជ្រូកនាំចូលពីប្រទេសជិតខាងមិនរួចព្រោះ ថ្លៃខុសគ្នាឆ្ងាយ ។
សូមបញ្ជាក់ថាដោយប្រឈមនិងការតវ៉ាពីអាជីវករចិញ្ចឹមជ្រករឿងការនាំចូលជ្រកពីប្រទេសជិតខាងច្រើននោះ លោករដ្ឋមន្ត្រីក្រសួងកសិកម្មបានប្រកាសថាក្នុង១ថ្ងៃឲ្យនាំចូលតែជាង១ពាន់ក្បាលតែប៉ុណ្ណោះ។ទោះជាប្រកាសកាត់បន្ថយក៏ដោយតែលោកវេងសុខុនមិនអាចរកវិធានការណ៍ទប់ស្កាត់ការលួចនាំចូលជ្រូកបានឡើយ។ចឹងបានជាលោកឧកញ៉ាមុងថាលោកវេងសុខុនបានតែសន្យាចោលនោះ!៕