ក្រចេះ៖មិនមែនជារឿងថ្មីអីនោះទេអារឿងកាប់ព្រៃឡង់យកឈើលក់ដោយសមត្តកិច្ចសម្ងំទទួលលាភសក្ការៈនោះ។តែអ្វីដែលក្តៅនិងថ្មីនោះគឺថាព្រៃឡង់ដែលគេកាប់យកឈើលក់នោះត្រូវបានគេដាក់គ្រឿងចក្រឈូសឆាយយកដីវិញម្តង។យោងតាមការសង្កេតនិងសេចក្តីរាយការណ៍របស់ប្រជាពលរដ្ឋឲ្យដឹងថា៖គំរបដីព្រៃឡង់គេឃើញមានគ្រឿងចក្រកំពុងសំងំ ឈូសឆាយយកដីព្រៃ ពណ័បៃតង ដែលជាដីរណបតភ្ជាប់ទៅនិងព្រៃឡង់ទាំងមូល ស្ថិតនៅចំនុច អូរបេង ក្នុងឃុំជ្រោយបន្ទាយ ស្រុកព្រែកប្រសព្វខេត្តក្រចេះយ៉ាងគគ្រឹកគគ្រឹងដោយមិនឃើញមានអាជ្ញាធរពាក់ពន្ធ័ទប់ស្កាត់ចុះចាត់វិធានការណាមួយចំពោះជនដែលល្មើសមុខអាដែលៗឈូសឆាយហ៊ំពទ្ធ័ទន្ទ្រានយកដីព្រៃអភិរក្សរបស់រដ្ឋមកធ្វើជាកម្មសិទ្ធនិងជុំនួញផ្ទាល់ខ្លួននោះឡើយ។
ប្រជាពលរដ្ឋនិយាយថា៖ការកើតឡើងនូវបទល្មើសយ៉ាងអណាធិប្បតេយ្យក្នុងស្រុកមួយនេះ គឺជារឿងធម្មតា។ ករណីនេះ លោកប្រធាន មន្ទីរបរិស្ថានខេត្តក្រចេះគាត់នៅតែអះអាងខ្ពស់កប់ពពកថាគ្មានបញ្ហាបើទោះជាក្រៅពីដីព្រៃឈើគ្រប់ប្រភេទនៅតែបន្តរហូរចេញពីតំបន់នេះយ៉ាងណាក្តី។គេសង្កេតឃើញថា៖ នៅទីតាំងសំខាន់ៗដែលត្រូវឈូសឆាយយកដីនេះ ពលរដ្ឋប្រាប់ថា ៖ មានមន្ត្រីយោធា ឈ្មោះយឹមណាតជាទាហ៊ានជើងចាស់ឈរជើងនៅស្រុកព្រែកប្រសព្វដែលតែងមានមធ្យោបាយគ្រឿងចក្រ ឈូសយកដីរដ្ឋពីមួយកន្លែងមួយទៅកន្លែងមួយរហូតមកដល់បច្ចុប្បន្ន។
ទោះយ៉ាងណា លោក យឹម ណាត អះអាងតាមទូរសព្ទ័ថា ៖ វាជាដីចុះបញ្ជីលេខ០១និងកន្ទុយដីចំការពលរដ្ឋ។ចំណែកលោកឌួងឆាយសាវុធប្រធានមន្ទីរបរិស្ថានខេត្តក្រចេះបាននិយាយប្រហើថា៖ចាំ ចាត់អោយកំលាំងចុះទៅដល់គោលដៅមើល?។ យើងនិងរង់ចាំមើលបន្តរទៀតថាតើកំលាំងលោកចុះទៅចាប់បានឬទៅរកមិនឃើញព្រោះកន្លងមកច្រើនតែទៅរកអត់ឃើញ(ស៊ិក) ៕