ក្រចេះ ៖ លោក ស ចំរ៉ុង អភិបាលខេត្តក្រចេះមានប្រសាសន៍ព្រមាននៅថ្ងៃទី២ក្កដាថា នឹងដកនាយសង្កាត់រដ្ឋបាលព្រៃឈើ អូរគ្រៀងចេញ ។ ការព្រមាននេះបានកើតឡើងក្រោយពីនាយសង្កាត់រូបនោះមិនអនុវត្តច្បាប់ ជាក់ស្ដែងចំពោះ រថយន្ដយីឌុបមួយគ្រឿងដឹកឈើបណ្ដាលឲ្យបាក់ស្ពាន អូអង្គ្រងស្ថិតនៅភូមិកោះខ្ញែឃុំអូរគ្រៀងស្រុកសំបូរខេត្តក្រចេះ ។
កាលពីព្រឹកថ្ងៃទី២៨ខែមិថុនាកន្លងទៅថ្មីៗនេះ ចៅហ្វាយខេត្តក្រចេះឲ្យដឹងថា លោកបានទទូលពត៌មានភ្លាមលោកបានដាក់ផែនកាទៅ លោកសួម សារិត អភិបាលស្រុកសំបូរ ឲ្យដាក់បញ្ជាទៅលោក កែវ ចំណាន នាយសង្កាត់ព្រៃឈើឲ្យចុះទៅមើលឡានដឹកឈើបណ្ដាលឲ្យបាក់ស្ពាននឹងវាស់វែងរួចធ្វើរបាយកាណ៍ឡើងមកលោកវិញ។តែ រហូតមកដល់ថ្ងៃនេះទី២កកដ្ដាហើយនៅមិនទាន់មានរបាយការណ៍ណាមួយថាឈើនោះមានច្បាប់រីអត់ក៏នៅមិនទទូលបាន(ស៊ិក)។
ផ្ទុយទៅវិញ បើតាមកាសែតទទួលបានថា៖ឈើនោះត្រូវបានឈ្មួញស្ទូចរយៈពេលពីរថ្ងៃយកទៅអស់បាត់ហើយ។ឯស្ពានឈើមួយកន្លែងដែលបាក់នោះក៏ត្រូវបានមេឈ្មួញឈើល្បីឈ្មោះប្តីប្រពន្ធឈ្មោះ ឈ្មោះ នីនិង អាត ជួលគេជួសជុលចាក់ដីបន្ថែម នឹងធ្វើសកម្មភាពដឹកជញ្ជួនបន្តទៀតបាត់ទៅហើយ។ ជាក់ស្ដែងនៅព្រឹកព្រលឹមថ្ងៃទី២ក្កដាមានក្បួនឡានធំៗ របស់ថៅកែ នី ប្ដី ឈ្មោះអាតនោះបានធ្វើដំណើលើដងផ្លូវចំនួន ៣ឡានធំៗ ។
តែដោយសារការលើកដាក់ប្រើពេលយួរពេក មើលទៅថ្ងៃពេក ក៏ចេញទៅផុតបានតែពីគ្រឿង ចំណែកមួយគ្រឿងទៀត បានបើកបត់ចូលលាក់សំងំខ្លួននៅចំណុច ផ្លូវក្រុមហ៊ុនតុងមិនស្ថិតនៅភូមិស្រែត្រែងឃុំក្បាលដំរីស្រុកសំបូខេត្តក្រចេះ ឡានយីឌុបក៏ជាប់ផុងទៅមុខលែងរួចដោយសារផ្ទុកឈើច្រើនពេករហូតមកទល់ពេលនេះមិនមានសមត្ថកិច្ចជំនាញអើតករទៅត្រួតពិនិត្តទេ។ប្រភពនៅកន្លែងឡានជាប់ផុងរាយការណ៍មកថា ឡានដឹកឈើនោះជាឡានរបស់ ចែ នី ស្ពានទេ ។
នៅអាណាចក្រខេត្តក្រចេះគេហ៊ាននិយាយ សឹងតែដូចជារន្ធអាប៉ោងអាចបើកគ្របចាក់បានថា៖ មិនមានទេ សមត្ថកិច្ច អាជ្ញាធរ ជំនាញខាងណាដែលហ៊ានបង្ក្រាបបទល្មើសដឹកជញ្ជូនឈើរបស់ឈ្មួញ ប្រពន្ធឈ្មោះនី និងប្តីឈ្មោះអាត(នី-អាត) ឈ្មួញដ៏ល្បីប្រចាំខេត្តក្រចេះនោះទេ ។ផ្តុយទៅវិញគឺមានតែសមត្ថកិច្ច អាជ្ញាធរ ជំនាញ ជាច្រើនស្ថាប័នយកលុយពីឈ្មួញរូបនេះ យកលុយរបៀបជាក្បាលឡាន ជាប្រចាំខែ និងមានសមត្ថកិច្ច-អាជ្ញាធរខ្លះមិនត្រឹមយកលុយខែ យកលុយថ្លៃក្បាលឡានប៉ុណ្ណោះទេ ពួកគាត់ក៏ជាប់ពាក់ព័ន្ធចូលហ៊ុនខ្យល់រកស៊ីឈើជាមួយថែមទៀត។
សកម្មភាពដឹកជញ្ជូនឈើ(នី-អាត)ធ្វើឡើងជាប្រចាំរាល់យប់ ដោយប្រើឡានយីឌុបធ្វើជាមធ្យោបាយដឹកជញ្ជូន ជាក់ស្តែងនៅយប់ថ្ងៃទី១ ខែកក្កដា ឆ្នាំ២០១៧នេះ រថយន្តធុនយក្សរបស់(នី-អាត)និង ឈ្មួញឈ្មោះ (សាល)តំណាងអោយក្រុមហ៊ុនតុងមិន បាននិងកំពុងសម្រុកដឹកឈើចេញពីស្រុកសំបូរទៅកាន់ប្រទេសវៀតណាមយ៉ាងគគ្រឹកគគ្រែងនៅចំពោះមុខ ក្រសែភ្នែកសមត្ថកិច្ច-អាជ្ញាធរ-មន្ត្រីជំនាញ ដោយពួកគាត់ចាំតែគិតបូកទូរលេខឡានយកលុយប៉ុណ្ណោះ។
មជ្ឈដ្ឋានទូទៅពីពលរដ្ឋរស់នៅស្រុកសំបូរ ឃុំអូរគ្រៀងនិងជុំក្បាលដំរីកំពុងតែចោទប្រកាន់ទៅលើអាជ្ញាធរស្រុកសំបូរនិងលោកនាយសង្កាត់រដ្ឋបាលព្រៃឈើអូរគ្រៀងថ្មគ្រែ និងសណ្ដាន់ បានឃុបឃិតគ្នាជាមួយឈ្មួញនិង(នី-អាត) ពិសេសបទល្មើសឈើនៅកោះខ្ញែរ និងនៅអូរព្រះ (នី-អាត)ប្រើរថយន្តធុនធំផ្ទុកដឹកបំផ្លាញផ្លូវស្ពាន ជាក់ស្តែងការដឹកបំផ្លាញស្ពានគឺ(នី-អាត)បានធ្វើអោយបាក់ស្ពានយ៉ាងតិចចំនួន៣លើកមកហើយ តែអាជ្ញាធរឃុំ-ស្រុក-ខេត្ត សមត្ថកិច្ច ជំនាញ ពិសេសខាងសាធារណៈការខេត្តផងដែរក៏មិនដែលគិតគូរឿងនេះទេ។
ជាក់ស្តែងថ្មីៗនេះទៀត(នី-អាត)ដឹកបាក់ស្ពានទាំងព្រឹក បែរជាអាជ្ញាធរ សមត្ថកិច្ច ជំនាញពាក់ព័ន្ធបិទបាំងរឿងនេះ ការឆ្លើយតបជាមួយកាសែតក្នុងស្រុកគ្រាន់និយាយថាមិនដឹង មិនទាន់ទទួលដំណឹង ឬដោយពាក្យថា៖ ចាំអោយមន្ត្រីចុះចាត់ចែង ផ្ទុយទៅវិញបែរជាមានចេតនាឃុបឃិតជាមួយឈ្មួញផ្តល់ដំណឹងទៅកាន់ឈ្មួញអោយយកឡានផ្ទេរឈើនិងយកកម្មករទៅលើកឈើចេញពីកន្លែងកើតហេតុ ក្នុងបទល្មើសជាក់ស្តែងនេះបែបជាចំហរយ៉ាងព្រងើយ។ឈ្មួញឈើពីរនាក់ប្តីប្រពន្ធនេះរាល់សកម្មភាពឈើចេញទៅវៀតណាមគឺតាមច្រកវ៉ាលឺ ប៉ុស្តិ២ ប៉ុស្តិ៣ ប៉ុស្តិក្រញូង និងតាមទីតាំងដីគ្រប់គ្រងដោយទាហានវរះការពារព្រុំដែនលេខ២០៤ ។៕
