ឧត្តរមានជ័យ ៖ ផ្កាយមួយយោធាម្នាក់ឈ្មោះ ដួង ស៊ីណា ត្រូវបានលោកម៉ុតមនមេភូមិថ្នល់កែងនិងលោកឡុងប៊ុនថេងអនុភូមិអូរតាមែងចោទថាបាននាំកម្លាំងមកប្រើហឹង្សាលើរូបគាត់និងប្រជាពលរដ្ឋ។លោកម៉ុតមននិងលោកឡុងប៊ុនថេងបាននាំគ្នាមកដាក់ពាក្យបណ្ដឹងនៅទីបញ្ជាការមូលដ្ឋានកងរាជអាវុធហត្ថស្រុកអន្លង់វែងកាលពីរសៀលថ្ងៃទី៣០មិថុនាឆ្នាំ២០១៧ ។
មេភូមិនិងអនុភូមិបានឲ្យដឹងថា ៖ កាលពីរសៀលថ្ងៃទី២៩ ខែមិថុនា ឆ្នាំ២០១៧ស្ថិតនៅលើដីចំការរបស់ពួកគាត់ លោកលោកឧត្ដមសេនីយ៍ត្រីម្នាក់ឈ្មោះ ដួង ស៊ីណា បានចេញមុខកាងដីអោយក្រុមហ៊ុនទំរីងរ៉ាប់ប៊ើនិងក្រុមហ៊ុនដាតារ៉ាប់ប៊ើរស្ថិតនៅក្នុងភូមិអូតាមែងឃុំអន្លង់វែងស្រុកអន្លង់វែងខេត្តឧត្តរមានជយ័។
មូលហេតុដែលលោកផ្កាយមួយបានដឹកនាំទាហ៊ានមកវាយដំមកលើរូបរាងកាយរបស់ពួកគាត់គឺពួកគាត់បានទទួលដំណឹងថាឈ្មោះដួងស៊ីណាដែលជាយោធាពាក់ផ្កាយមួយបានវាយប្រជាពលរដ្ឋពីរូបដែលកំពុងបាញ់ថ្នាំស្មៅនៅក្នុងដីចំការរបស់ខ្លួនអោយសន្លប់នៅនិងកន្លែង។នៅពេលដែលពួកគាត់ទៅដល់លោកផ្កាយមួយបានដឹកនាំយោធាសឹករងខេត្តមួយក្រុមមកវាយដំនិងប៉ុនប៉ងបាញ់សម្លាប់ពួកគាត់បន្ថែមទៀត។
លោក ឡុង ប៊ុនថេងអនុភូមិអូតាមែងបានបន្ដថាខាងក្រុមហ៊ុនមិនបានអនុវត្តតាមអនុសាសន៍របស់សម្ដេចតេជោហ៊ុនសែននិងបទបញ្ជាសូន្យ១នោះទេដោយប្រមុខរាជរដ្ឋាភិបាលអោយកាត់ដីជួនដល់ពលរដ្ឋវិញដោយអនុវត្តទៅតាមរូបមន្តស្បែកខ្លា។តែផ្ទុយទៅវិញក្រុមហ៊ុនមិនគោរពបែជាប្រើប្រាស់កងកំលាំងយោធាយកអាវុធមកវាយធ្វើបាបទាំងពលរដ្ឋនិងអាជ្ញាធរ័ភូមិថែមទៀតដែលប្រជាពលរដ្ឋជាង១២០គ្រួសារទៀតដែលខាងក្រុមហ៊ុនមិនរកដំណោះស្រាយនិងក៍កំពុងរងគ្រោះដោយសាខាងក្រុមហ៊ុនមិនអោយចូលបង្កបង្កើនផលដូចពីមុន។
ករណីនេះលោកអនុសេនីយ៍ទោងួនធារិទ្ធមេបញ្ជាការកងរាជអាវុធហត្ថមូលដ្ឋានស្រុកអន្លង់វែងបានអោយកាសែតដឹងថា៖នៅពេលកើតហេតុក្រោយពីបានទទួលបណ្ដឹងពីជនរងគ្រោះលោកក៍បានចាត់កំលាំងអោយតាមចាប់ជនបង្ករឈ្មោះដួងស៊ីណាតែបានរត់គេចខ្លួនបាត់។កំលាំងសមត្ថកិច្ចចាប់បានមន្ដ្រីយោធាម្នាក់មកធ្វើការសាកសួរតែមិនមែនជាជនដៃដល់ក៍ធ្វើការដោះលែងទៅវិញ។
ពាក់ព័ន្ធនឹងបញ្ហានេះ លោកឧត្តមសេនីយ៍ត្រី តន់ ញាន មេបញ្ជាកការតំបន់ប្រតិបត្តិការ សឹង រងខេត្ត ឧត្តរមានជ័យ កាលពីថ្ងៃទី៣០ ខែមិថុនា ឆ្នាំ២០១៧ លោកបាន បដិសេធជាមួយកាសែតថាលោក ពុំបានដាក់ កម្លាំងទាហាន ឱ្យយាម ក្នុងក្រុមហ៊ុននោះទេ ! ហើយ បញ្ហាការ ប្រើប្រាស់អាវុធ ទៅគំរាមគំហែង និងវាយដុំទៅលើប្រជាពលរដ្ឋ លោកឧត្តមសេនីយ៍ត្រី តន់ ញាន បានឱ្យទៅសួរភាគីក្រុមហ៊ុនវិញ ក្រុមហ៊ុនដាតារ៉ាប់ប័រ មិនឱ្យឈូសឆាយដី និងបានចោទថា ក្រុមហ៊ុនបានឈូសឆាយបំភ្លេចបំផ្លាញដំណាំរបស់ពួកគាត់ ។
សូមបញ្ជាក់ថា នៅព្រឹកថ្ងៃទី២៧ ខែមិថុនា ឆ្នាំ២០១៧ ស្ថិតចំណុចអណ្តូង៣ ក្នុងភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យមានប្រជាពលរដ្ឋប្រមាណជាង ៣០នាក់ បាននាំគ្នាធ្វើការរារាំង និងហាមឃាត់ គ្រឿងចក្រ ដែលមកឈូសឆាយដី ព្រមទាំងមានក្រុមទាហាន ប្រមាណ ១០នាក់ ប្រដាប់ដោយអាវុធគ្រប់ដៃ ឈរ រពារគ្រឿងចក្រ និងបានហាមឃាត់ មិនឱ្យប្រជាពលរដ្ឋធ្វើដំណើរកាត់ផ្លូវក្រុមហ៊ុន ទៅកាន់ដីស្រែចំការពួកគាត់ នៅក្នុងដែន និងក្រៅក្រុមហ៊ុន។
បងស្រីឈ្មោះ អ៊ឹម ចន្ថា មានទីលំនៅភូមិអូរជញ្ជៀន ឃុំ-ស្រុកអន្លង់វែង ដែលជាតំណាងប្រជាពលរដ្ឋបានប្រាប់ថា ផ្ទៃដីចំនួន៥០០ហិចតា មានប្រជាពលរដ្ឋចំនួន ១២០គ្រួសារ បានកំពុងអាស្រ័យផលជារៀងរាល់ឆ្នាំ មានអ្នកកាន់កាប់ពីតាំងអំឡុងឆ្នាំ២០០០ និងមានប្រជាពលរដ្ឋមួយចំនួនទៀតចូលបង្កបង្កើតផលនៅឆ្នាំ១៩៩៨មកម្ល៉េះ។ តែនៅឆ្នាំ២០១២ ក្រុមហ៊ុនដាតារ៉ាប់ប័រ ទទួលបានសិទ្ធិ វិនិយោគលើដីសម្បទានសេដ្ឋកិច្ច ដែលបានប៉ះពាល់ដែនដីព្រៃសហគមន៍ និងប្រជាពលរដ្ឋ ។
បងស្រីបានបន្តថា ក្រុមហ៊ុនខាងលើ បានឈួសឆាយផ្ទះសម្បែង និងផលដំណាំប្រជាពលរដ្ឋអស់គ្មានសល។ ហើយប្រជាពលរដ្ឋបានដាក់ពាក្យបណ្តឹង ឱ្យលោកអាជ្ញាធរជួយដោះស្រាយ និងបាននាំគ្នាប្តឹងបន្ត ទៅដល់ថ្នាក់ដឹកនាំរដ្ឋាភិបាល ហើយសម្តេចតេជោ បានដោះស្រាយកាត់ដីចំនួន ៥០០ហិកតា ពីក្រុមហ៊ុនប្រគល់ឱ្យប្រជាពលរដ្ឋចូលមកកាន់កាប់ប្រើប្រាស់ដូចដើមវិញ។
