ការប្រកួតកីឡាសិស្សចំណេះទូទៅ បឋម និងមធ្យមសិក្សាជ្រើសរើសជើងឯកទូទាំងខេត្ត ប្រចាំឆ្នាំ២០១៤-២០១៥ រយៈពេល២ថ្ងៃ ត្រូវបាលរៀបចំពិធីបិទលកាលពីថ្ងៃទី ២៦ ខែមករា ឆ្នាំ២០១៥ នៅមន្ទីរអប់រំយុវជននិងកីឡាខេត្ត ក្រោមអធិបតីភាព ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង។
ក្នុងរបាយការណ៍ របស់អនុប្រធានមន្ទីរអប់រំយុវជននិងកីឡាខេត្ត បានឱ្យដឹងថាឆ្លងកាត់ប្រកួតយ៉ាងស្វិតស្វាញរយៈពេល ៨ថ្ងៃ កន្លងមកសំរេចបានលទ្ធផល បាត់ទាត់យុវជនផ្នែកអនុវិទ្យាល័យ ចំណាត់ថ្នាក់លេខ ១ បានទោលើក្រុមកីឡាករ ស្រុកបាណន់ លេខ២ វិទ្យាល័យព្រះមុនីវង្ស ផ្នែកនារីលេខ១ បានទៅលើក្រុមកីឡាការិនីឌូវី លេខ ២ ស្រុកសង្កែ លេខ ៣ ស្រុកបាណន់។ បាលទាត់យុវជនផ្នែកវិទ្យាល័យលេខ ១ បានទៅលើក្រុមកីឡាករ វិទ្យាល័យនេតយ៉ង់ លេខ ២ SOS លេខ ៣ ក្រុងបាត់ដំបង ផ្នែកនារី លេខ ១ បានទៅលើក្រុមកីឡាការិនី ឌូវី លេខ ២ ស្រុកថ្មគោល លេខ ៣ ក្រុងបាត់ដំបង។ បាល់ទះ
យុវនារី អនុវិទ្យាល័យ លេខ ១ បានទៅលើក្រុមកីឡាការិនី ស្រុកបាណន់ លេខ ២ ស្រុកសំឡូត លេខ ៣ ស្រុកសង្កែ ផ្នែកយុវជន លេខ ១ បានទៅលើក្រុមកីឡាករស្រុកសំឡូត លេខ ២ ស្រុកបាណន់។ បាល់ទះយុវនារីវិទ្យាល័យលេខ១ បានទៅលើក្រុមកីឡាការិនីស្រុកបាណន់ លេខ២ ស្រុកសំឡូត លេខ ៣ ស្រុកបវេល ផ្នែកយុវជនលេខ១ បានទៅលើក្រុមកីឡា វិទ្យាល័យសម្តេចឱ លេខ ២ វិទ្យាល័យព្រះមុនីវង្ស លេខ ៣ វិទ្យាល័យនេតយ៉ង់។ កីឡាបាល់បោះយុវជន លេខ១ បានទៅលើ ក្រុមកីឡាករ វិទ្យាល័យសម្តេចឱ លេខ ២ វិទ្យាល័យព្រះមុនីវង្ស លេខ ៣ ស្រុកថ្មគោល ផ្នែកយុវនារី លេខ ១ បានទៅលើក្រុមកីឡាការិនី វិទ្យាល័យព្រះមុនីវង្ស និងលេខ ២ វិទ្យាល័យសម្តេចឳ ។
ក្នុងប្រសាសន៍បិទ ឯកឧត្តម ច័ន្ទ សុផល បានបញ្ជាក់ថា យើងទាំងអស់គ្នា បានដឹងហើយថារាជរដ្ឋាភិបាលដែលមានសម្តេចអគ្គមហាាសេនាបតីតេជោ ហ៊ុន សែន ជាប្រមុខ បានយកចិត្តទុកដាក់ខ្ពស់ ក្នុងការរៀបចំ ការប្រកួតកីឡាជ្រើសរើសជើងឯក កំរិតបឋម និងមធ្យមសិក្សាទូទាំងប្រទេស តាមផែនការរបស់ក្រសួងអប់រំយុវជន និងកីឡា ដែលបានអនុវត្តជារៀង រាល់ឆ្នាំ។ ដូចនេះសូមឱ្យក្មួយៗជាកីឡាករ កីឡាការិនីដែលបានទទួលជ័យលាភី នាពេលនេះ ត្រូវខិតខំហ្វឹកហាត់បន្ថែមទៀត ដើម្បីចូលរួមប្រកួត ថ្នាក់ទូទាំងប្រទេសដែលត្រូវរៀបចំនៅ មណ្ឌលខេត្តបាត់ដំបង សំរាប់មធ្យមសិក្សា និងនៅមណ្ឌលខេត្តស្វាយរៀង សិស្សបឋមសិក្សា ពិសេសត្រៀមទទួលធ្វើជាម្ចាស់ផ្ទះ ការប្រកួតកីឡា ស៊ីហ្គេម ក្នុងឆ្នាំ២០២៣ ដើម្បីទទួលបានលទ្ធផលល្អ និងជ័យជំនះជូនជាតិរបស់យើង ។
ក្នុងនាមគណៈអភិបាលខេត្ត សូមអំពាវនាវដល់មន្ត្រី ដឹកនាំមន្ទីរស្រុកក្រុងនានា ជុំវិញខេត្ត សូមចូលរួម បំផុសចលនាកីឡាឱ្យបានទូលំទូលាយ ពិសេសសកម្មភាពអប់រំកាយ និងកីឡា តាមសាលរៀនដើម្បីជាគោលដៅ សំរាប់សុខភាព ទាំងផ្លូវកាយផ្លូវចិត្ត របស់ក្មួយៗ សិស្សានុសិស្សផង និងរួមចំណែកលើកស្ទួយកិត្យានុភាពជាតិលើឆាកអន្តរជាតិផង ។ ឯកឧត្តម បានជួយថវិកា មួយួលានទៀតដល់ការប្រកួតនេះផងដែរ។ ពិធីនេះត្រូវបានបញ្ចប់ក្រោយពី គណៈអធិបតី ចែកជូនរង្វាន់ជ័យលាភីដល់ក្រុមកីឡាករ កីឡាការិនីរួចមក ៕
