ខេត្តក្រចេះ ៖ ជនសង្ស័យ១នាក់ ត្រូវនគរបាលស្រុកសំបូរ សហការជាមួយ កំលាំងនគរបាលប៉ុស្តិ៍រដ្ឋបាលអូរគ្រៀងឃាត់ខ្លួនគ្រោយពីប្រើអំពើហិង្សាដោយយកកាំបិត ចាក់ជនរងគ្រោះបណ្តាលឲ្យរងរបួសធ្ងន់ហើយត្រូវ ក្រុមគ្រួសារបញ្ជូនទៅសម្រាកព្យាបាល នៅមន្ទីរពេទ្យខេត្តស្ទឹងត្រែង ។
ហេតុការណ៍នេះកើតឡើងកាលពីរសៀលថ្ងៃទី២៧ខែមិថុនាឆ្នាំ២០១៧នៅចំណុច ក្រុមហ៊ុនដុងភូរក្រចេះ អភិវឌ្ឍន៍កៅស៊ូ ស្ថិតក្នុងភូមិអូរគ្រៀងឃុំអូរគ្រៀងស្រុកសំបូរខេត្តក្រចេះ។
លោក ណយ ស៊ីថាអធិការរង ព្រហ្មទណ្ឌ័ស្រុកសំបូរបានឱ្យដឹងថា ជនសង្ស័យឈ្មោះ ភិន សុផាភេទប្រុសអាយុ២៤ឆ្នាំជនជាតិខ្មែរ មានទីលំនៅ ចំណុចក្រុមហ៊ុនដុងភូរក្រចេះអភិវឌ្ឍន៍កៅស៊ូ ស្ថិតក្នុងភូមិអូរព្រះ ឃុំអូរគ្រៀងស្រុក សំបូរខេត្តក្រចេះរីឯជនរងគ្រោះ ឈ្មោះភុក ភី ភេទប្រុសរស់នៅក្នុង ភូមិឃុំជាមួយគ្នា។
លោកបានបន្ថែមទៀតថាករណី ប្រើអំពើហិង្សានេះដោយជនដៃដល់ យកកាំបិតជិតបន្លែមកចាក់ចំពោះជនរងគ្រោះឈ្មោះ ភុក ភីឲរបួសធ្ងន់បែបនេះ គឺបណ្ដាលមកពី ឈ្មោះ ភុក ភី បានរករឿង លើក្រុមគ្រួសារ លោក ភិន សុផាហើយឈ្មោះ ភុក ភីបានវាយម្តាយក្មេកលោក ភិន សុផាចំនួួនពីរដៃ ពេលនោះលោក(ភិនភា)បាន ចូលឃាត់ ស្រាប់តែឈ្មោះ ភូមិ ភី និងបក្សពួក ពីរនាក់ទៀតបាន ព្រួតវាយ ឈ្មោះ ភិន សុផា ហើយ ឈ្មោះ ភិន សុផា ខឹងពេកក៏ទៅយកកាំបិតចិតបន្លែមកចាក់ ឈ្មោះ ភុក ភី ចំពោះមួយកាំបិតតែម្ដង។
បច្ចប្បន្ន ជនសង្ស័យត្រូវបានឃុំខ្លួនបណ្ដោះអាសន្ននៅ ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តដើម្បីកសាងសំណុំរឿងបញ្ជូនទៅតុលាដើម្បីចាត់វិធានការតាមនីតិវិធីច្បាប់ ៕