ភ្នំពេញ៖ លោក ទៀ ទីហា ដែលត្រូវជាកូន ប្រុសបង្កើតរបស់នាយឧត្តមសេនីយ៍លោក ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ ត្រូវបានតែងតាំង ជាអភិបាលរង ខេត្តសៀមរាប ជំនួសតំណែងលោក គឹម ឆៃហៀង ដែលត្រូវបានផ្ទេរឲ្យ ទៅកាន់ការងារនៅ ទីស្តីការគណៈរដ្ឋមន្ត្រី។យោងអនុក្រឹត្យចុះហត្ថលេខា ដោយសម្តេចអគ្គមហាសេនាបតី
តេជោ ហ៊ុន សែន ចុះថ្ងៃទី២០ ខែមិថុនា បញ្ជាក់ថា «ផ្ទេរភារកិច្ចលោក គឹម ឆៃហៀង ឋានន្ដរស័ក្ដិវរមន្ដ្រី ថ្នាក់លេខ១ នៃក្របខ័ណ្ឌមន្ដ្រីគ្រប់គ្រងរដ្ឋបាល ទីស្ដីការគណៈរដ្ឋមន្ដ្រី ពីអភិបាលរងខេត្តសៀមរាប ឲ្យទៅបម្រើការងារនៅក្របខ័ណ្ឌដើមវិញ។ តែងតាំងលោក ទៀ សីហា ឋានន្ដរស័ក្ដិឧត្តមមន្ដ្រីថ្នាក់លេខ៣ ឲ្យកាន់មុខតំណែងជាអភិបាលរង នៃគណៈអភិបាលខេត្តសៀមរាប»។។
លោក ទៀ ទីហា ជាសមាជិកគណកម្មាធិការកណ្តាលគណបក្សប្រជាជនកម្ពុជានិងជាប្រធានសហភាពសហព័ន្ធយុវជនកម្ពុជា ខេត្តសៀមរាប។ការកែសម្រួល និងបន្ថែម សមាសភាពដឹកនាំថ្មីនេះគឺបានកើតឡើងក្រោយពីភរិយាលោកឃឹមប៊ុនសុងអភិបាលខេត្តសៀមរាបផ្ទុះរឿងអាស្រូចដីធ្លីជាមួយប្រជាពលរដ្ឋនិងម្យ៉ាងទៀតក្នុងការបោះឆ្នោតក្រុមប្រឹក្សាឃុំសង្កាត់កាលពីថ្ងៃទី៤មិថុនាឆ្នាំ២០១៧កន្លងមកនេះខាងគណបក្សប្រឆាំងទទួលបានមេឃុំចៅសង្កាត់ច្រើនផងដែរដែលមិនយូមិនឆាប់លោកឃឹមប៊ុនសុងក៏មិនធានាជម្ងឺផងដែរ។
ជាក់ស្តែងអភិបាលខេត្តក្រុង៤រូបត្រូវបានដកចេញហើយដាក់មនុស្សនៅវ័យក្មេងជំនួស។ក្នុងនោះមានអភិបាលរាជធានីភ្នំពេញខេត្តកំពង់ចាប់ខេត្តត្បូងឃ្មុំនិងខេត្តកោះកុង ។ ខេត្តកោះកុងលោកស្រីមិនថុនាភូថងដែលនៅវ័យក្មេងនិងជាចៅលោកសាយភូថងសមាជិកអចិន្ត្រៃគណបក្សប្រជាជននិងត្រូវជាកូនលោកយុទ្ធភូថងអតីតអភិបាលខេត្តកោះកុងបច្ចុប្បន្នជារដ្ឋលេខាធិការក្រសួងកសិកម្មត្រូវបានតែងតាំងជាអភិបាលខេត្តជំនួលោកប៊ុនឡឺតដែលជាសាច់ញាតិលោកនាយឧត្តមសេនីយ៍ទៀបាញ់ផងដែរ។.