ក្រចេះ ៖ សមត្ថកិច្ចឃាត់ខ្លួនជនសង្សយ័ម្នាក់ករណីប៉ុនប៉ងរំលោភសេពសន្ថវៈលើក្មេងស្រីអាយុ១៥ឆ្នាំត្រូវជា ប្អូនស្រីបង្កើតរបស់ជន សង្សយ័ដែលក្មេងស្រីនោះកំពុងតែដេកសម្ងំក្នុងបន្ទប់ម្នាក់ឯងនៅ ចំណុចផ្ទះជនរងគ្រោះក្នុងភូមិសំរិត ឃុំគោលាប់ ស្រុកចិត្របុរីខេត្តក្រចេះកាលពីល្ងាចថ្ងៃទី២២ខែមិថុនាឆ្នាំ២០១៧នេះ។
លោក ស្រ៊ឺ ជាលី អធិការរងទទួលផែនព្រហ្មទ័ណ្ឌស្រុកចិត្របុរីខេត្តក្រចេះបានឱ្យដឹងថា ករណីរប៉ុនប៉ងរំលោភសេពសន្ថវៈលើក្មេងស្រីអាយុ១៥ឆ្នាំនេះបង្កឡើង ដោយ ជនសង្សយ៌ ឈ្មោះ អាអឹម សី ភេទប្រុសយុ២១ឆ្នាំ ជនជាតិខ្មែរមុខរបរកសិករ រស់នៅក្នុងភូមិសំរិតឃុំគោលាប់ ស្រុកចិត្របុរីខេត្តក្រចេះ។ ឯ ជនរងគ្រោះឈ្មោះ អឹម ពី ភេទស្រីអាយុ១៥ឆ្នាំ ត្រូវជាប្អូនស្រីបង្កើតរបស់ជនសង្សយ័រស់នៅក្នុងភូមិឃុំជាមួយគ្នា ។
លោកបានបញ្ជាក់ថា មុនពេលកើតហេតុជនសង្សយ័បានឡើងលើផ្ទះចូលទៅបន្ទប់ ជនរងគ្រោះកំពុងតែសម្ងំដេកហើយស្ទុះទៅ ចាប់អោបជនរងគ្រោះ សោយសារុងប៉ង រំលោភតែ ខណៈពេលនោះជនរងគ្រោះប្រឹង រើបំរះរួច ក៏រត់ចុះមកដី រួចរត់ទៅប្តឹង នគរបាល ប៉ុស្តិ៍រដ្ឋបាលគោលាប់ហើយកម្លាំង នគរបាលបានចុះទៅដល់កន្លែង កើតហេតុក៏បាននាំខ្លួនជនសង្ស័យ មកអធិការដ្ឋាន នគរបាលស្រុកចិត្របុរីដើម្បីសាកសួរ ។
បើតាមសម្ដីក្មេងស្រីជាជនរងគ្រោះ វ័យ១៥ឆ្នាំបានរៀបរាប់ ប្រាប់នគរបាលថា កាលពីខែ ឧសភា និងខែមិថុនា ឆ្នាំ២០១៦ បុរសជាប់ ចោទរូបនេះបានចាប់ រលោភនាងខ្ញុំសម្រេចពីរដងរួចហើយ( នៅលើផ្ទះ ជនរងគ្រោះ) ហើយខែតុលា ឆ្នាំ២០១៦ ដដែល ចាប់នាងខ្ញុំរំលោភបានសម្រេចម្តងទៀត (នៅពេលទៅកាប់អុសក្នុងព្រៃ) លុះដល់ខែមិនា ឆ្នាំ២០១៧ចាប់ រំលោភនាងខ្ញុំបានសម្រេចម្តងទៀត ។ តែយ៉ាងណាក៏នាងមិនហ៊ានប្តឹងប្តល់ ជនសង្ស័យជាបង ប្រុសបង្កើតរបស់នាងខ្ញុំទេ ក៏ព្រោះតែកន្លងមក ជនសង្សយ័រូបនេះបាន គំរាមកំហែងដល់រូបនាងខ្ញុំថា បើហ៊ានប្រាប់ម្តាយ ឬប្តឹងដល់ ប៉ូលីស គាត់នឹងសម្លាប់ចោល ។
ជនរងគ្រោះបាន រៀបរាប់ទៀតថា នាងខ្ញុំទ្រាំលែងបានទៀតហើយ នូវទង្វើរបស់បងប្រុសដែលធ្វើអំពើ មិនល្អមកលើនាងខ្ញុំកន្លងមក ហើយចុងក្រោយ នាងខ្ញុំសម្រេច ចិត្តសុំម្តាយ ទៅធ្វើការនៅ ខេត្ត រតនគីរី អស់រយៈពេលជាច្រើនខែមកហើយ ។ ជាក់ស្តែងនៅល្ងាចថ្ងៃទី២២ខែមិថុនាឆ្នាំ២០១៧នាងខ្ញុំ កំពុងសម្ងំដេកក្នុងបន្ទប់លើផ្ទះ ព្រោះនាងខ្ញុំទើបត្រឡប់មកពីខេត្ត រតនគិរី ស្រាប់តែឃើញជនសង្ស័យស្ទុះមកចាប់អោប និងសោយសារ៉ុង ហើយស្រាតខោក្នុងចេញ ប៉ងរំលោភ តែខណៈពេល នោះនាងខ្ញុំប្រឹងរើ បំរាស់រួច រត់ចុះមកដីហើយ រត់ទៅប្តឹងនគរបាលប៉ុស្តិ៍រដ្ឋបាលគោលាប់តែម្តង ។
ចំណែកជនសង្សយ័ក្រោយពីបានសាកសួររួចក៏បានសារភាពថា ខ្លួនបានរំលោភលើ ជនរងគ្រោះបានសម្រេចបានចំនួន៤ដងពិតមែន ។ បច្ចុប្បន្ន កម្លាំងជំនាញរបស់លោកកំពុងកសាងសំណុំរឿងបញ្ជូនជនសង្សយ័មក ការិយាល័យប្រឆាំងការជួញដូរមនុស្សនិងការពារ អនីតិជនខេត្តក្រចេះនៅរសៀលថ្ងៃទី២៣ ខែមិថុនា ឆ្នាំ២០១៧ ដើម្បីចាត់វិធានការតាមនីតិវិធីច្បាប់ ៕
