កំពង់ឆ្នាំង ៖ រថយន្តយីឌុបផ្លូវ៥មួយគ្រឿងដឹកឈើប្រណិតប្រភេទឈើធ្នង់បង្កប់ក្រោមបាវអង្កាមដែលហក់ឆ័ត្រពេលយប់ចេញពីទឹកដីខេត្តពោធិសាត់ឆ្លងកាត់ខេត្តកំពង់ឆ្នាំងត្រូវមេព្រៃឈើនៃមន្ទីរកសិកម្មខេត្តកំពង់ឆ្នាំងសហការជាមួយកម្លាំងនគបាលការិយាល័យប្រឆាំងបទល្មើសសេដ្ឋកិច្ចខេត្តស្ទាក់ចាប់បានកាលពីវេលាម៉ោង៩និង៤០នាទីយប់ថ្ងៃទី២២ខែមិថុនា ឆ្នាំ២០១៧ ត្រង់ចំណុចភូមិជន្លាត់ដៃ ឃុំស្វាយ ស្រុកសាមគ្គី មានជ័យ ខេត្តកំពង់ឆ្នាំង។
ប្រភពព័តិមានបែកធ្លាយបានអោយដឹងថា រថយន្តដឹកឈើខាងលើជាកម្មសិទ្ធរបស់ឈ្មួញឈ្មោះតាហយនៅភូមិបំណក់ ឃុំឈើតុំស្រុកក្រគរ ខេត្តពោធិ៍សាត់ដែលជាឈ្មួញដ៏ល្បីដុះស្លែខាងរកស៊ីឈើជាយូរយា ណាស់ មកហើយ។ បច្ចុប្បន្ន វត្ថុតាងទាំងរថយន្តនិងឈើប្រណិតត្រូវបានសមត្ថកិច្ចនាំយកមករក្សាទុក នៅផ្នែករដ្ឋបាលព្រៃឈើកំពង់ត្រឱឡាចដើម្បីកសាងស។ណំរឿងទៅតុលាការចាត់ការតាមនិតិវិធីច្បាប់ ៕
