រតនគីរី ៖ នាព្រឹកថ្ងៃទី២៣ខែមិថុនា ឆ្នាំ២០១៧ ឯកឧត្តម មួង ប៉យ ប្រធានក្រុមប្រឹក្សាខេត្តឯកឧត្តមអភិបាលរងនៃគណៈអភិបាត្តរតនគិរីបានអញ្ជើញជាអធិបតីភាពក្នុងពិធីអបអរសាទរទិវាបរិស្ថានជាតិ និងទិវាបរិស្ថានអន្តរជាតិ ០៥ មិថុនា ។
ពិធីនេះក៏មានការចូលរួមពីលោក លោកស្រីប្រធាន អនុប្រធានមន្ទីរ អង្គភាពជុំវិញខេត្តមន្ត្រីសិស្សានុសិស្សសហភាពសហព័ន្ធយុវជនកម្ពជានិងយុវជនកាយរឹទ្ធិតំណាងសហគមន៍ការពារធនធានធម្មជាតិ អង្គការ សមាគមន៍ ជាដៃគូ ប្រជាពលរដ្ឋ សរុបប្រមាណជាង ៦០០នាក់ដែលធ្វើឡើងនៅមាត់បឹងកន្សែង ស្ថិតនៅភូមិ សង្កាត់បឹងកន្សែងក្រុងបានលុងខេត្តរតនគិរី ។
ទិវាបរិស្ថានជាតិនិងទិវាបរិស្ថានអន្តរជាតិ ០៥ មិថុនា ឆ្នាំ២០១៧ ត្រូវបានប្រារព្វធ្វើឡើងក្រោមប្រធានបទ “ការផ្សារភ្ជាប់ទំនាក់ទំនងរវាងមនុស្សនិងធម្មជាតិ”ក្នុងគោលដៅបំផុសចលនាប្រជាពលរដ្ឋគ្រប់រូបឲ្យចូលរួមថែរក្សាបរិស្ថាននៅតាមទីប្រជុំជនតាមរយៈការអនាម័យទុកដាក់សម្រាមឲ្យបានត្រឹមត្រូវ។ដើម្បីឲ្យប្រជាពលរដ្ឋមានស្មារតីចូលរួមនិងស្រលាញ់បរិស្ថាន។ក្នុងថ្ងៃប្រារព្ធពិធីនេះមន្ទីរបរិស្ថានខេត្តបានរៀបចំកម្មវិធីរត់កីឡាម៉ារ៉ាតុង ក្រោមប្រធានបទ កីឡាដើម្បីសុខភាពជុំវិញបរិវេណរមណីយដ្ឋានបឹងកន្សែងនិងបានចែកជូនធុងសម្រាមនិងកូនឈើមួយចំនួនសម្រាប់យកទៅចែកចាយនិងដាំនៅតាមទីកន្លែងមួយចំនួនក្នុងក្រុងបានលុង ផងដែរ៕
ដោយ ៖ ចាបសំអាន
