កំពង់ឆ្នាំង៖មានសេចក្តីរាយការណ៍ថា៖ កាលពី ថ្ងៃទី១៩ខែមិថុនា ឆ្នាំ២០១៧ មានរថយន្តដឹកឈើខ្នាតធំ១គ្រឿង បានដឹកចេញពីខេត្តពោធិ៍សាត់ ទៅកាន់រាជធានីភ្នំពេញ ដោយបានឆ្លងកាត់សង្កាត់រដ្ឋបាលព្រៃឈើ ស្រុកបរិបរូណ៍ដែលមានទីតាំងនៅឃុំត្រពាំងចាន់ ត្រូវបានមន្ត្រី រដ្ឋបាលព្រៃឈើខ័ណ្ឌម្នាក់មានឈ្មោះ ឌីនជាមន្ត្រីបណ្ដែតដែលជាប្អូនរបស់ លោក ថោង រ៉ាវីរ៉ាវុឌ្ឃី ជានាយខ័ណ្ឌរដ្ឋបាលព្រៃឈើខេត្តកំពង់ឆ្នាំង គោះបានប្រាក់៣៥០០ ដុល្លារអាមេរិកយ៉ាងស្ងាត់ ទើបអនុញ្ញាតឲ្យបន្តដំណើរទៅមុខទៀត ។
ករណីនេះបើបើយោងតាមប្រភព ផ្តល់ឲ្យកាសែតមួយបានដឹង ថា មានភស្តុតាងជាក្រដាស់ វេលុយ តាមប្រព័ន្ធវីង(wing) ចំនួន៤ សន្លឹកដែល ក្រុមឈ្មួញដឹកឈើបានវេលុយក្នុងថ្ងៃតែមួយ គឺនៅថ្ងៃទី១៩ខែមិថុនា ឲ្យទៅខាងមន្ត្រីរដ្ឋបាលព្រៃឈើខេត្តកំពង់ឆ្នាំង។
លើកទី១ ចំនួន ៤.០០០.០០០ រៀល (បួនលានរៀល) លើកទី២ចំនួន ៤.០០០.០០០ រៀល (បួនលានរៀល) លើកទី៣ចំនួន ១០០០ដុល្លារ និងលើកទី៤ ចំនួន ៥០០ ដុល្លារ បើគិតសារុបលុយដុល្លារទាំង៤លើក គឺមានចំនួនទឹកប្រាក់ ស្មើនឹង (៣៥០០ដុល្លារ បីពាន់ប្រាំរយដុល្លា)។ការវេលុយ ជូនដល់មន្ត្រីរដ្ឋបាលព្រៃឈើ ខេត្តកំពង់ឆ្នាំងនេះ គឺមានលេខទូរស័ព្ទអ្នកផ្ញើរ និងអ្នកទទួលត្រឹមត្រូវ។
ករណីខាងលើនេះ គួលោកចាន់ឌឿនអភិបាលខេត្តកំពង់ឆ្នាំង និង លោក ងិន ហ៊ុន ប្រធានមន្ទីរកសិកម្មខេត្ត ធ្វើការស្រាវជ្រាវ ស្វែងរកការពិតផងតើមន្ត្រីរដ្ឋបាលព្រៃឈើម្នាក់ណាដែលបានធ្វើខុសច្បាប់ដូច្នេះ?ព្រោះ មន្ត្រីដែលបានប្រព្រិត្តអំពើពុករលួយ ឃុបឃិតគ្នា មិនបង្ក្រាបបទល្មើស ដោះលែងរថយន្តដឹកឈើជាថ្នូរនិងទឹកប្រាក់៣៥០០ដុល្លារ ស្ងាត់ៗចឹងគឹផ្ទុយនិងច្បាប់ប្រឆាំងអំពើពុករលួយហើយ ។
សូមបញ្ជាក់ដែរថា៖បញ្ជូនក្រដាស់ វេលុយ ទាំង៤សន្លឹក របស់ក្រុមឈ្មួញឈើ ត្រូវបានខាងកាសែតផ្តល់ឲ្យខាងមន្ត្រីរដ្ឋបាលព្រៃឈើ ជូន អភិបាលខេត្ត និងប្រធានមន្ទីរ កសិកម្ម ដើម្បីធ្វើការស្រាវជ្រាវហើយ។
សារព័ត៌មានយើងមិនអាចសុំការទំនាក់ទំនងពីការអធិប្បាយបំភ្លឺណាមួយបាននៅឡើយទេ ពីលោក ថោង រ៉ាវីរ៉ាវុឌ្ឃី ជានាយខ័ណ្ឌរដ្ឋបាលព្រៃឈើខេត្តកំពង់ឆ្នាំង ដោយទូរស័ព្ទមិនអាចទំនាកទំនងបាន។សង្ឃឹមថានឹងមានលទ្ធផលប្រកាសចេញឲ្យដឹងជាមិនខាន៕
