មណ្ឌលគិរី ៖ មានសេចក្តីរាយការណ៍ថា មន្ត្រីនគរបាលវរៈព្រុំដែនលេខ៦២១ខេត្តមណ្ឌលគីរីឈ្មោះ គួយ សុ ឃុន ដែល គេដឹងថាជាប្អូនប្រុស លោក ស្វាយ សំអ៊ាង អភិបាលខត្តមណ្ឌលគិរី នៅតែធ្វើ សកម្មភាព ប្រមូលទិញឈើទុកឲ្យឈ្មួញយួនដឹកជញ្ជូនចេញទៅ តាមច្រកដាក់ដាំដែលមានលោក យ៉ូ សុធា ដែលជាមេនគរបាល អន្តោប្រវេសន៍ជួយសម្រួល និង ច្រករបៀងកង់ឡង់ ក៏ដូចជា ច្រក ផ្សេងៗទៀតយ៉ាងងងើល ដដែលព្រោះគ្មានអ្នកណាហ៊ានប៉ះគាត់ ។
ជាក់ស្តែងសមត្តកិច្ចចំរុះខេត្តមណ្ឌគីរីកាលពីថ្ងៃទី១៤ ខែមិថុនា ឆ្នាំ២០១៧បានឆែករកឃើញកន្លែងស្តុកឈើមួយគនរធំចំនួន២កន្លែងដែលមានពតិមានថាមានឈើប្រមាណ១០០ម៉ែត្រគូបដែលគេដឹងថាជាឈើរបស់ឈ្មួញឈ្មោះ គួយ សុឃុន ។
បន្តែអ្វីដែលហួសចិត្តគឺថាការរកឃើញគំនរឈើនេះគ្រាន់តែជារឿងលេងសើចឥតប្រយោជន៍ដូចបាយឡុកបាយឡកូនក្មេងព្រោះអាជ្ញាធរខេត្តបានប្រកាសថាប្រែក្លាយឈើប្រមាណ១០០ម៉ែត្រគូបទៅជាឈើត្រម១០ម៉ែត្រគូបនិងបន្ទាប់មកទៀតឡើងដល់ជាង២០ម៉ែត្រគូបប៉ុណ្ណោះ។
ឯជនសង្ស័យពាក់ពន្ធ័ក្នុងការប្រព្រឹត្តបទល្មើសព្រៃឈើមានភស្តុតាងជាក់ស្តែងដែលគេស្គាល់ថាឈ្មោះគួយសុឃុនមន្ត្រីនគរបាលនិងជាប្អូនប្រុសចៅហ្វាយខេត្តក៏មិនឮមានចំណាត់ការអ្វីឡើយដោយគេទម្លាក់ទៅលើឈ្មោះភក្រ័ដែលជាជនស៊ីវិលឯណាឆ្កុយទៅវិញ។ប្រភពពីសមត្តកិច្ចនៅស្រុកអូររាំងបានឲ្យដឹងទៀតថា ឈើដែលឈ្មួញជាមន្ត្រីមានសមត្តកិច្ចហើយជាប់សាច់ឈាមម្ចាស់អាណាចក្រខេត្តមណ្ឌលគីរីប្រមូលទិញនោះ ត្រូវបានគេដឹកចេញពីតំបន់ ព្រៃការពារ ព្រៃ អភិរក្ស និងតំបន់ដែនជម្រក សត្វព្រៃតាមបណ្តាស្រុក នានាក្នុង ខេត្តមណ្ឌលគិរី ហើយម ន្ត្រីជំនាញ និងសមត្ថកិច្ចពាក់ ព័ន្ធមិនហ៊ានបង្ក្រាបឡើយ ។
មន្ត្រីនគរបាលតូចតាចក្នុងខេត្តមណ្ឌលគិរី បានឲ្យដឹងទៀតថាមន្ត្រីជំនាញនិងសមត្ថិច្ច ពាក់ព័ន្ធក្នុងខេត្តមណ្ឌលគិរី មិនហ៊ានប៉ះពាល់ឈ្មួញឈើឈ្មោះ គួយ សុឃុន និងបក្ខពួកជា ច្រើននាក់ នោះទេព្រោះពួកគេខ្លាចឥទ្ធិពលលោក ម្ចាស់អាណាចក្រខេត្តមណ្ឌលគិរី ។ ចឹងហើយហើយទើបថ្មីៗនេះឈ្មួញ គួយ សុឃុន អាចប្រមូលទិញឈើក្នុងតម្លៃជិត១០ម៉ឺនដុល្លារទុកលក់ឲ្យឈ្មួញយួននាំចេញតាម ច្រកដាក់ដាំ ច្រករបៀងកង់ឡង់ ច្រកកោះញែក ប៉ុស្តិ៍៧ និងប៉ុស្តិ៍កែវសីមា ។
គេចង់ឃើញលោកនាយឧត្តមសេនីយ៍ នេត សាវឿន អគ្គស្នងការនគរបាល ជាតិពិសេស លោកឧត្តមសេនីយ៍ឯក ហ៊ូ សាគុណ ប្រធាននាយកដ្ឋានគរបាលព្រុំដែនដែលជាសមាជិកក្រុមការងារបង្ក្រាបបទល្មើសព្រៃឈើថ្នាក់ជាតិនឹង ចាត់វិធានការពិនិត្យមើល ទង្វើមិនប្រក្រតីរបស់ មន្ត្រីនគរបាលជាឈ្មួញឈើឈ្មោះ គួយ សុឃុន និងមេនគរបាល ច្រកដាក់ ដាំលោក យ៉ូ សុធានិងនគរបាលនៅ ស្រុកអូររាំង ខេត្តមណ្ឌលគិរី ជាមិនខាន។
សូមបញ្ជាក់ដែរថា៖ នៅថ្ងៃទី១៨ មិនុនា ២០១៧ វេលាម៉ោង១១និ១៥នាទី កម្លាំងអធិការដ្ឋាននគរបាលស្រុកកោះញែកសហការជាមួយកម្លាំងការិយាល័យអន្តរាគមន៍និងកម្លាំងការិប្រឆាំងបទល្មើសសេដ្ឋកិច្ចគោលដៅស្រុកកោះញែកដោយមានការចូលរួមពីជំនាញការយាល័យបរិស្ថានស្រុកបានចុះបង្ក្រាបការដឹកជញ្ជូនឈើខុសច្បាប់នៅចណុច បណ្ដោយផ្លូវជាតិលេខ76Aមុខប៉ុស្ដិ៍រយ៉នៅភូមិរយ៉ឃុំរយ៉ស្រុក កោះញែកខេត្តមណ្ឌលគិរី។
លទ្ធផលរឹបអូសបានវត្ថុតាងរួមមានរថយន្ដ១គ្រឿងម៉ាកកាម៉ារីស្វិតកាត់ទ្រុងពណ៌ទឹកប្រាក់ពាក់ស្លាកលេខភ្នំពេញ 2B-5262 ដែលមានផ្ទុកឈើប្រណីតប្រភេទធ្នង់ចំនួន25ដុំ ។
រថយន្ដនិងវត្ថុតាងត្រូវក្រុមការងារយកទៅប្រគល់ជូនស្នាក់ការបរិស្ថានត្រពាំងត្រាចដើម្បីចាត់ការតាមនិតិវិធីបន្ត។
នៅវេលាម៉ោង១២និង២០នាទីថ្ងៃខែដដែលនៅចំណុចផ្លូវចូលផ្សាកោះញែកស្ថិតនៅភូមិរង្សីឃុំស្រែសង្គមស្រុកកោះញែកក្រុមការងារស្ទាក់ចាប់បានរថយន្ត1គ្រឿងទៀតម៉ាក់VIGOពណ៌ស្លាទុំគ្មានស្លាកលេខមានផ្ទុកឈើប្រណីតប្រភេទធ្នង់នៅក្នុងឡានហើយអ្នកបើក បរបានរត់គេចខ្លួនបាត់។ប្រការនេះបង្ហាញថាបទល្មើសព្រៃឈើនៅខេត្តមណ្ឌលគិរីគ្មានថយទេព្រោះមេក្លោងធំចាប់មិនបាន៕
