ភ្នំពេញ ៖ តារាកំប្លែងក្នុងក្រុមនាយកុយអ្នកមេម៉ាយកូនមួយនាងស្រីនិចហៅប្រឹមប្រីយ៍នៅព្រឹកថ្ងៃទី១៦ មិថុនា នេះរកបានឪពុកឲ្យកូនស្រីហើយដោយបានបានសម្រេចចិត្តភ្ជាប់ពាក្យហើយជាមួយលោក សៅ រ៉ានីត តារាចម្រៀងជាអណិកជនអាមេរិកនិងជា សមាជិកមួយរូបក្នុងក្រុមកំប្លែងរបស់អ្នកនាងដែរ។ទោះជាយ៉ាងណា អ្នកនាងប្រឹមប្រីយ៍មិនទាន់ច្បាស់ពី គម្រោងរៀបការទេរង់ចាំឲ្យការងារធូរស្បើយបន្តិចសិន។
ប្រភពពីអ្នកសិល្បៈដែលចូលរួមក្នុងពិធីភ្ជាឆប់ពាក្យឲ្យដឹងថាចំណងស្នេហ៍ដែលនាំឲ្យនាងប្រឹមប្រីយ៍ហ៊ានភ្ជាប់ពាក្យនេះ គឺគេត្រូវរ៉ូវគ្នាមិនក្រោម៧ឆ្នាំ ទេរហូតធ្វើឲ្យលោកសៅ រ៉ានីត ចុះឡើងៗមកកាន់ស្រុកខ្មែររហូតលែងចង់ទៅវិញ។
ទាក់ទងនិងជីវិតជាស្រីមេម៉ាយ អ្នកនាងប្រិមប្រិយបានឲ្យកាសែតដឹងថា ក្រោយពីបរាជ័យស្នេហាជាមួយតារាកំប្លែងម្នាក់រួមក្រុម បណ្ដាលឲ្យអ្នករស់នៅចិញ្ចឹមកូនស្រីតែម្នាក់ឯងធ្វើឲ្យអ្នកនាងរាងចាលនឹងស្នេហាយ៉ាងខ្លាំង បើទោះជាពេលបន្តបន្ទាប់មានម្ចាស់ហាងភោជនីយដ្ឋានធំមួយក៏តាមចែចង់រូបនាងក៏ដោយ។
ចំពោះលោក សៅ រ៉ានីតនាងបានស្គាល់ ក្នុងពេលលោកចុះមកលេងបងប្អូន និងសម្ដែងសិល្ប:កាលពីច្រើនឆ្នាំមុន។លោកសៅ រ៉ានីតមិនដែលប្រកាន់រឿងអ្នកនាងភ្លាត់មានកូនស្រីម្នាក់តែមិនមានអ្នកទទួលខុសត្រូវ ទើបអ្នកនាងស្រឡាញ់ពេញចិត្ត ហើយសប្បាយចិត្តក្នុងការទទួលយក។ ក្នុងពិធីភ្ជាប់ពាក្យ នៅថ្ងៃទី១៦ មិថុនានេះធ្វើមិនមិនធំដុំទេ គឺត្រឹមតែអញ្ជើញចាស់ទុំ និងមិត្តភក្តិរួមក្រុមដែលជិតស្និទ្ធិតិចតួចឲ្យចូលរួមធ្វើជាសាក្សីប៉ុណ្ណោះ។
អ្នកនាងថាលោកសៅ រ៉ានីត ជាតារាចម្រៀងនៅក្នុងហាងមួយនៅអាមេរិក ហើយលោកចាប់ផ្ដើមឡើងចុះស្រុកខ្មែរញឹកញាប់នាពេលចុងក្រោយឆ្នាំ២០១៦។ ក្រោយពេលសិក្សាស្វែងយល់ជាមួយនាងក្នុងនាមជាគូស្នេហ៍។
