នាព្រឹកថ្ងៃទី១២ ខែមករា ឆ្នាំ២០១៥ នៅសាលាខេត្តបាត់ដំបង បានប្រារព្វធ្វើព្វិធីប្រកាសតែងតាំងប្រធានមន្ទីរ
ធម្មការ និងសាសនាខេត្តបាត់ដំបងថ្មី និងប្រកាសទទួលស្គាល់នូវសាខា អនុសាខាសមាគមអាចារ្យខ្មែរ នៅទូទាំងខេត្តបាត់ដំបង
ក្រោមអធិបតីភាព ឯកឧត្តម មិន ឃិន រដ្ឋមន្ត្រីក្រសួងធម្មការ និងសាសនា ឯកឧត្តម ច័ន្ទ សុផល អភិបាលនៃគណអភិបាលខេត្ត បាត់ដំបង និងមានការចូលរួមពីលោកប្រធានមន្ទីរអនុប្រធានមន្ទីរ នានាក្នុងខេត្ត និងអង្គភាព ពាក់ព័ន្ធជាច្រើនរូបទៀត។
ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង មានប្រសាសន៍ក្នុងពិធីនោះថា ៖ ដោយផ្តោតការយក ចិត្តទុកដាក់ ចូលរួមគ្រប់សកម្មភាពផ្សេងៗ សំដៅពង្រឹង និងលើកកំពស់វិស័យព្រះពុទ្ធសាសនា ពាហិរសាសនា ជាពិសេសការ អភិវឌ្ឍន៍ និងការអភិរក្ស សម្រាប់អរិយធម៌ ការអប់រំ ចរិយាធម៌ និងធានានូវសាមគ្គីភាព ដែលទាំងនេះជាមូលដ្ឋានគ្រឺះ ដ៏ចាំ បាច់របស់សង្គមជាតិស្របតាមឆន្ទះដ៏មោះមុត របស់រាជរដ្ឋាភិបាល ដែលតែងតែខិតខំប្រឹងប្រែងគ្រប់បែបយ៉ាង ដើម្បីអភិវឌ្ឍន៍ សង្គមជាតិមួយប្រកបដោយ សុខសន្តិភាព សុខុដុមរមនា និងវីរភាព។
ឯកឧត្តម កោតសរសើរចំពោះលោក សួន ប៊ុនជឿន ប្រធានមន្ទីរធម្មការ និងសាសនាចាស់ ដែលបានចូលនិវត្តន៍ ដែល បានបំពេញភារៈកិច្ចរបស់ខ្លួនរយៈកាលកន្លងមកបានល្អប្រសើរ និងសូមអោយលោក គុណ សម្បត្តិមុនីរតន៍ ដេលឡើងកាន់ តំណែងថ្មី ធ្វើយ៉ាងណាដឹកនាំ ទទួលភារៈកិច្ចបន្ត អោយទទួលបានជោគជ៏យបន្ថែមទៀត។
ក្នុងពិធីប្រកាសចូលកាន់តំណែងថ្មី ឯកឧត្តម មិន ឃិន រដ្ឋមន្ត្រីក្រសួងធម្មការ និងសាសនាមានប្រសាសន៍ថា ៖ សូមសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំមន្ត្រីរាជការបុគ្គលិក នៃមន្ទីរ ធម្មការ និងសាសនាខេត្តបាត់ដំបង ដែលមានឆន្ទះស្រួចស្រាល់ និងការប្តេជ្ងាចិត្តមោះមុតយកអស់កម្លាំងកាយចិត្ត និងបញ្ញា ក្នុងការបំពេញតួនាទី ភារៈកិច្ច និងកាតព្វកិច្ចដើម្បីបម្រើដល់វិស័យការងារធម្មការ និងសាសនានៅក្នុងដែលសមត្ថកិច្ចរបស់ខ្លួន
ប្រកបដោយស្មារតីទទួលខុសត្រូវខ្ពស់។
ព្រមពេលជាមួយគ្នានេះ យើងទាំងអស់គ្នាក៏កំពុងប្រារព្វពិធីប្រកាសតែងតាំងសាខា-អនុសាខា សមាគមអាចារ្យខ្មែរ ផងដែរ ដែលពិធីនេះត្រូវបានរៀបចំឡើង ក្នុងគោលបំណងចងសម្ព័ន្ធភាពជាសហគមអាចារ្យខ្មែរផងដែរ ដែលពិធីនេះត្រូវបាន រៀបចំឡើង ក្នុងគោលបំណងចងសម្ព័ន្ធភាពជាសហគមន៍អាចារ្យ ដើម្បីឱ្យអាចារ្យ-អាចារិនី បានផ្លាស់ប្តូរមតិយោបល់ និងចែក រំលែកចំណេះដឹងព្រមទាំង ក្តាប់យកនូវសំណូមពរនានារបស់ប្រជាពលរដ្ឋមកបំភ្លឺ និងរៀបចំឡើងដើម្បីផ្តល់ភាពងាយស្រួលដល់ អាចារ្យ-អាចារិនីទាំងអស់អាចរឹតចំណងសាមគ្គីភាព និងភាតរភាពរវាងគ្នា និងគ្នាឱ្យកាន់តែប្រសើរឡើងជួយអប់រំអាចារ្យ ទូទៅឱ្យុយល់ដឹងពីអត្ថន័យក្របសីលធម៌អាចារ្យ និងខ្លឹមសារព្រះធម៌ ពិធីការ ពិធីបុណ្យទាន ទម្រង់អាពាហ៍ពិពាហ៍ និងពិធីកម្ម ផ្សេងៗក្នុងព្រះពុទ្ធសាសនា ជួយឧបត្ថភ្ភគ្នាទៅវិញទៅមកនៅពេលមានទុក្ខលំបាក ឬមានបញ្ហាផ្សេងៗដែលមិនអាចដោះស្រាយបាន ៕
