ភ្នំពេញ ៖ ប៉ុន្មានថ្ងៃនេះ ករណីនៃការតែងតាំងតម្លើងឋានៈលោក ឃឹម វុទ្ធី ជាអគ្គនាយកទូរទស្សន៍ជាតិ(ទទក)ជំនួសលោក កឹម គុណវឌ្ឍន៍បានក្លាយជាពតិមានក្តៅក្នុងចំណោមបណ្តាញឃោសនានានា ។ មូលហេតុដែលការតែងតាំងតម្លើងឋានៈ លោក ឃឹម វុទ្ធី ជាអគ្គនាយកទូរទស្សន៍ជាតិ (ទទក) ដោយព្រះរាជ្យក្រិត្យចុះថ្ងៃទី១១មិនថុនាឆ្នាំ២០១៧និងចម្លងដោយ អគ្គលេខាធិការររាជរដ្ឋាភិបាលចុះថ្ងៃទី១២មិថុនាឆ្នាំ២០១៧ហើយត្រូវបានគេបង្ហោះក្នុងបណ្តាញសង្គមហ្វេសប៊ុកអបអរសាទរ ។ តែក្នុងចំណោមខមិន (comment) នានា តាមហ្វេសប៊ុក គឺមានខមិនមួយរបស់លោក ខៀវ កាញារិទ្ធ រដ្ឋមន្ត្រីក្រសួងពតិមានដែលជាអាណាព្យាបាលរបស់ទូរទស្សន៍ជាតិបានសសេរថា ហេតុអីខ្ញុំអត់ដឹងសោះចឹងតើវាចេញតាមណា ? ដែលធ្វើឲ្យមានការចាប់អារម្មណ៍និងដកស្រង់មកផ្សព្វផ្សាយតាមបណ្តាញព័តិមានព្រោងព្រាតចាប់តាំងពីថ្ងៃទី១២ មិថុនា ឆ្នាំ២០១៧មក។
ដោយសារឃើញករណីយ៍នេះកាន់តែរីកធំរាលដាលនៅថ្ងៃទី១៣មិថុនាឆ្នាំ២០១៧នេះសម្តេចអគ្គមហាសេនាបតីតេជោហ៊ុសែននាយកដ្ឋមន្ត្រីដែលទើបបញ្ចប់ពីការចូលរួមជាអធិបតិក្នុង សន្និសីទអន្តរជាតិស្តីពី ទេសចរណ៍ប្រកបដោយនិរន្តរភាព និងទីក្រុងបេតិកភណ្ឌ នៅខេត្តសៀមរាបបានចេញប្រតិកម្មបកស្រាយ។
សម្តេចនាយករដ្ឋមន្ត្រីតេជោសែនបានសសេរថា៖តើនាយករដ្ឋមន្ត្រីមានសិទ្ធិបដិសេធសំណើរបស់រដ្ឋមន្ត្រីក្នុងការសុំតែងតាំងមន្ត្រីឬទេ?ហើយនាយករដ្ឋមន្ត្រីមានសិទ្ធិជ្រើសរើសមន្ត្រីជំនួសមន្ត្រីដែលខ្លួនមិនឯកភាពឬទេ?តើនាយករដ្ឋមន្ត្រីមានការចាំបាច់អង្គុយរង់ចាំពិគ្រោះជាមួយរដ្ឋមន្ត្រីដែលហៅទូរសព្ទ័៥ដងមិនចូលឬទេ?និងនាយករដ្ឋមន្ត្រីពិគ្រោះយោបល់ជាមួយរដ្ឋមន្ត្រីក្រសួងមុខងារសាធារណះដែលជាអ្នកធ្វើសំណើតាមការស្នើសុំរបស់ក្រសួងព័ត៌មានសុំតែងតាំងលោក ខ្វៃ អាទិត្យាបន្តពីលោកកឹម គុណវឌ្ឍន៍ដែលត្រូវនិវត្តន៍គ្រប់គ្រាន់ឬទេ?(សុំមើលលិខិតក្រសួងមុខងារសាធារណះនិងចំណារនាយករដ្ឋមន្ត្រី)។
តើមានគ្រាប់ភ្នែកមើលព្រះរាជក្រិត្យដែលចែងថា ( បានទ្រង់យល់សេចក្តីក្រាបបង្គំទូលថ្វាយរបស់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាណាចក្រកម្ពុជា ) ឬទេ បានជាម្នាក់និយាយថា កាតែងតាំងនេះចេញពីណា?ម្នាក់ទៀតនិយាយថាបើវាមិនមែនចេញពីរដ្ឋមន្ត្រីរូបនេះ គួរតែចេញពីនាយករដ្ឋមន្ត្រីដែរ ។
( សូមមើល ខេមបូ ដេលី ចេញផ្សាយថែ្ងទី ១៣ ខែ មិថុនាឆ្នាំ២០១៧)។បើពុំមានសំណើពីនាយករដ្ឋមន្ត្រីព្រះមហាក្សត្រព្រះអង្គនិងមិនឡាយព្រះហស្តលេខាទេ។សុំចងចាំ កុំល្ងង់ពេក ។ ពន្យល់ប៉ុណ្ណឹងគ្រប់គ្រាន់ហើយឬនៅ?ឬចាំបាច់ឲ្យខ្ញុំពន្យល់ពីច្បាប់ស្តីពីការរៀបចំនិងការប្រព្រឹត្តទៅនៃគណះរដ្ឋមន្ត្រី និងច្បាប់ផ្សេងទៀតដែលទាក់ទងដល់ការងារគ្រប់គ្រងរដ្ឋ?។
សូមបញ្ជាក់ថា៖បើយោងតាមឯកសាដែលបង្ហោះតាមហ្វេសប៊ុកនាយករដ្ឋមន្ត្រីបង្ហាញថា៖នៅថ្ងៃទី២៣មិនាឆ្នាំ២០១៧លោកខៀវកាញ៉ារីទ្ធរដ្ឋមន្ត្រីក្រសួងពតិមានបានធ្វើលិខិតមួយទៅលោកពេជ្រប៊ុនធិនរដ្ឋមន្ត្រីក្រសួងមុខងារសារធារណៈដោយស្នើសុំតែងតាំងលោកលោក ខ្វៃ អាទិត្យាពីអគ្គនាយករងទៅជាអគ្គនាយកទូរទស្សន៍ជាតិបន្តពីលោកកឹម គុណវឌ្ឍន៍ដែលត្រូវនិវត្តន៍នៅថ្ងៃទៅ១០តុលាឆ្នាំ២០១៧ខាងមុខនេះមិនមែនស្នើលោកឃឹមវុទ្ធីទេ។
នៅថ្ងៃដដែលលោកពេជ្រប៊ុនធិនបានធ្វើលិខិតស្នើសុំការតែងតាំងបញ្ជូនទៅនាយករដ្ឋមន្ត្រីក៏ប៉ុន្តែមិទទួលបានការពិនិត្យនោះទេគឺទុករហូតដល់ជាង២ខែគឺនៅថ្ងៃទី៧មិថុនាឆ្នាំ២០១៧ក្រោយការបោះឆ្នោតឃុំសង្កាត់ចំនួន៣ថ្ងៃបានសម្តេចពិនិត្យមានចំណារឲ្យតែតាំងលោកឃឹមវុទ្ធីវិញហើយនៅថ្ងៃទី៨មិថុនាបានធ្វើសំណើរថ្វាយព្រះមហាក្សត្រសុំចេញព្រះរាជក្រិត្យតែងតាំងលោកឃឺមវុទ្ធីពីអគ្គនាយកលរងឡើងជាអគ្គនាយកដែល។
បើតាមសម្តេចតេជោការដូរមកតែងតាំងលោកឃឺមវុទ្ធីដោយលោករដ្ឋមន្ត្រីខៀវកាញារីទ្ធមិនដឹងគឺដោយសារហៅទូរសព្ទមិនចូល!!!??។
