ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង នាបញ្ជាក់ថាស្ថានភាពនៃការផ្ទុះឡើង នូវការធ្វើតេស្តឈាម របស់ប្រជាពលរដ្ឋ ៦ ភូមិក្នុងឃូំរការ មានភូមិរកា ភូមិអំបែងថ្ងៃ ភូមិពោធិ៍បាត់ដំបង ភូមិតាហែន១ ភូមិតាហែន២ និង
ភូមិឈូងត្រដក់ ត្រូវបានរដ្ឋបាលខេត្ត មន្ត្រីជំនាញ បានសហការជាមួយ ក្រសួងមន្ទីរសុខាភិបាលខេត្ត ស្រុកសង្កែ ចុះពិនិត្យស្រាវជ្រាវ លើករណី នៃការផ្ទុះឡើង នៃការធ្វើតេស្តឈាមនេះ។ តាមលទ្ធផលដោយក្រុមគ្រូពេទ្យឃើញថា ប្រជាពលរដ្ឋបានមកធ្វើតេស្តឈាម នៅមណ្ឌលសុខភាពឃុំរកា តាំងពីថ្ងៃទី៨ ខែធ្នូ ឆ្នាំ២០១៤ រហូតមកដល់ថ្លៃទី៥ ខែមករា ឆ្នាំ២០១៥ នេះមានចំនួន ១៧០០នាក់ជាង ក្នុងនោះស្រីជាង ៩៨ នាក់។
ប្រធានគណប្រតិភូលោកជុំទាជ មាន សំអាន បានបញ្ជាក់ពីគោលបំណង ក្នុងបេសសកកម្មរបស់គណកម្មការទី៨ នៃព្រឹទ្ធសភានាពេលនេះ គឺចង់ដឹងពីមូលហេតុ ហេតុផលបណ្តាលឱ្យបញ្ហានេះកើតឡើង ក៏ដូចជាចង់ដឹងពីផែនការ ដោះស្រាយបញ្ហា ទាំងរាជរដ្ឋាភិបាល អាជ្ងាធរគ្រប់លំដាប់ថ្នាក់ ត្រូវតែមានវីធានការច្បាស់លាស់ ក្នុងការទប់ស្កាត់កុំឱ្យបញ្ហានេះកើតមានជាបន្តទៀត ជាងនេះទៀតគណកម្មការទី៨ នៃព្រឹទ្ធសភា និងទៅជួបផ្ទាល់ជាមួយ បងប្អូនអ្នកផ្ទុកនៅឃុំរកា ដើម្បីធ្វើការអប់រំជួយជាកម្លាំងចិត្ត កុំឱ្យអ្នកទាំងនោះអស់សង្ឃឹម។
ឯកឧត្តម ច័ន្ទ សុផល បានបញ្ជាក់ថាក្នុងស្ថានភាព ដែលកំពង់កើតឡើងបែបនេះរដ្ឋបាលខេត្ត រួមជាមួយក្រសួងមន្ទីរសុខា ភិបាល សាខាកាកបាតក្រហមកម្ពុជាខេត្ត បានយកចិត្តទុកដាក់ពិនិត្យតាមដាន និងបានចុះមកធ្វើការអប់រំផ្សព្វផ្សាយ ណែនាំជាបន្ត បន្ទាប់ ដល់ប្រជាពលរដ្ឋដែលមានបញ្ហាកង្វល់ពីសុខភាព កុំឱ្យអស់សង្ឃឹមក្នុងជីវិត កុំមានការភ័យព្រួយបារម្ភពីបញ្ហាសុខភាព ព្រោះ ទាំងរាជរដ្ឋាភិបាល ក៏ដូចជាក្រសួងពាក់ព័ន្ធ អាជ្ងាធរជាតិ ប្រយុទ្ធនិងជម្ងឺអេដស៍ រួមជាមួយស្ថាប័ណ្ណពាក់ព័ន្ធបាននិងកំពង់រិះរក គ្រប់ មធ្យោបាយក្នុងការដោះស្រាយ ជូនប្រជាពលរដ្ឋកំពង់មានបញ្ហាទាំងនេះ រួមមានផែនការ អភិវឌ្ឍន៍ផ្លូវ ការកសាងមន្ទីរពេទ្យ ត្រៀមរថយន្តដឹកជញ្ជូន ក្នុងការផ្តល់សេវាសុខភាព មានការផ្តល់ថ្នាំ ការអប់រំផ្សព្វផ្សាយ និងការប្រឹក្សាពិគ្រោះយោបល់ជាដើម។
លោកជុំទាវ មាន សំអាត បានសំដែងការសោកស្តាយ អាណិតអាសូរដល់ប្រជាពលរដ្ឋរងគ្រោះទាំងនោះ និងថ្លែងអំណគុណ កោតសរសើរ និងវាយតម្លៃខ្ពស់ ដល់ការខិតខំ របស់អាជ្ងាធរខេត្ត និងសំណូមពរដល់ប្រជាពលរដ្ឋ ដែលមិនមានផ្ទុកមេរោគអេដស៍ ទាំងអស់ សូមកុំរើសអើង និងសូមផអាជ្ងាធរគ្រប់លំដាប់ថ្នាក់ ធ្វើយ៉ាងណាផ្តល់ភាពកក់ក្តៅ ក្តីសង្ឃឹម ជូនដល់ប្រជាពលរដ្ឋ និងគ្រោះ ទាំងនោះ មានរយៈពេលយូរ ដោយផ្តល់ នូវការរងគ្រោះយោបល់ អប់រំពីសុខភាព ពិសេសផ្គត់ផ្គង់ផ្តល់ថ្នាំពន្យាឱ្យបានទៀងទាត់ សំរាប់ពួកគាត់ ៕
