រតនគិរី៖ ខ្យល់កន្ទ្រាក់ធ្វើអោយខូចខាតផ្ទះជាច្រើនខ្នងនិងទ្រព្យសម្បត្តិ មួយចំនួនរបស់ប្រជាពលរដ្ឋកាលពីវេលាយប់ថ្ងៃទី០៩ខែ០៦ឆ្នាំ២០១៧។
ប្រភពពីស្រុកអណ្តូងមាសបានអោយដឹងថា ផ្ទះប្រជាពលរដ្ឋចំនួនប្រាំគ្រួសារ ត្រូវបានរងការខូចខាតដោយសារខ្យល់កន្ទ្រាក់រួមមានផ្ទះខ្ទមចំការសម្ភារផ្ទះបាយ អង្គរ សូឡាពីរផ្ទាំង និងចំការចន្ទីចំនួនពីរហិចតា។
ទាំងប្រាំគ្រួសារនោះ មានឈ្មោះ ទី១ លោកជុំ ថារ៉ាន់អាយុ៤៩ឆ្នាំជនជាតិខ្មែរ សមាជិក៥នាក់ ស្រី៣នាក់។ទី២ លោក យុន ថា អាយុ៣៥ឆ្នាំជនជាតិខ្មែរ សមាជិក៥នាក់ ស្រី៣នាក់។ទី៣ លោក រចំ ពោត អាយុ៣២ឆ្នាំជនជាតិកាចក់ សមាជិក៥នាក់ស្រី១នាក់។ទី៤ លោកសល់ ធឿនអាយុ៣៦ឆ្នាំជនជាតិកាចក់ សមាជិក៦នាក់ស្រី៤នាក់។ទី៥ លោកជុំ ចំរើនអាយុ៣២ឆ្នាំជនជាតិកាចក់សមា ជិក៣នាក់ស្រី២នាក់។ប្រាំគ្រួសារខាងលើរស់នៅភូមិតាណងឃុំតាឡាវស្រុក អណ្តូងមាសខេត្តរតនគិរី។
លោកមេឃុំស្រុកអណ្តូងមាសបានអោយដឹង តាមទូរស័ព្ទកាលពីរសៀល ថ្ងៃទី០៩ ខែមិថុនា ឆ្នាំ២០១៧ថា បញ្ហាខ្យល់កន្ទ្រាក់នៅស្រុកអណ្តូងមាស មិនមានការខូចខាតធ្ងន់ធ្ងរទេរឿងនេះលោកបានរាយការណ៍ជូនដល់ថ្នាក់ខេត្តហើយ។ ប៉ុន្តែនៅថ្ងៃនេះដែរនៅពុំទាន់មាន អាជ្ញាធរឬខាងកាកបាទក្រហមចុះ
មកចែកអំណោយនៅឡើយទេ ៕