វៀតណាម៖ មនុស្សប្រាំមួយនាក់បានស្លាប់និង ១២ នាក់ផ្សេងទៀតត្រូវបានបញ្ជូនទៅព្យាបាលបន្តបន្ទាប់ពីការលាងតម្រងនោមនៅមន្ទីរពេទ្យខេត្តមួយ នៅប្រទេសវៀតណាម។ ប្រព័ន្ធផ្សព្វផ្សាយរដ្ឋវៀតណាមបានរាយការណ៍ថា៖ ជនរងគ្រោះត្រូវគេសង្ស័យថា បានជួបអាការៈមួយដែលពាក្យបច្ចេកទេសហៅថាអាណាហ្វីឡាស្ទិកស្ហុក( Anaphylactic Shock) ។ មន្ត្រីសុខាភិបាលវៀតណាមបានបើកការស៊ើបអង្កេតឧបទ្ទេវហេតុនេះ។
អ្នកជំងឺទាំង ១៨ នាក់បានទទួលការព្យាបាលខ្សោយតម្រងនោមនៅពេទ្យរដ្ឋឈ្មោះហ្វាប៊ិញ( Hoa Binh Province General Hospital) ហើយបន្ទាប់ពីការលាងតម្រងនោម ៤៥ នាទី អ្នកខ្លះមានអាការៈចង់ក្អួត ឈឺពោះ និងពិបាកដកដង្ហើម។
សេចក្ដីថ្លែងការណ៍មួយចេញដោយក្រសួងសុខាភិបាលវៀតណាមបាននិយាយថា “មន្ទីរពេទ្យនិងប៉ូលិសរុំស្កុតបិទរាល់ម៉ាស៊ីន សម្ភារៈ និងថ្នាំនៅនាយកដ្ឋានតម្រងនោម” ។ នាយកដ្ឋាននេះក៏បានបញ្ឈប់ទទួលអ្នកជំងឺថ្មី ហើយក្រុមគ្រួសារសពនឹងត្រូវទទួលបាន ៦៦០ ដុល្លារជាសំណង។ ក្រសួងបានបញ្ជូនក្រុមស៊ើបអង្កេតដើម្បីស្រាវជ្រាវពីឧបទ្ទេវហេតុ។
សូមបញ្ជាក់ដែរថាក្នុង១ឆ្នាំមានប្រជាលរដ្ឋខ្មែររាប់ពាន់នាក់ចាយលុយទៅព្យាបាលចម្ងឺនៅប្រទេសវៀតណាម។អាឡូវនេះខ្មែរយើងមួយចំនួនទៀតបានបង្វែរទៅស្រុកសៀមវិញដោយសារមិនសូវទុកចិត្តពេទ្យវៀតណាម៕
This picture taken on May 29, 2017 shows officials and family members standing next to patients undergoing kidney dialysis in an intensive care unit at hospital in the northern city of Hoa Binh.
Six people are dead and 12 others have been sent for treatment after undergoing kidney dialysis at a hospital in Vietnam on May 29, health officials said. / AFP PHOTO / Vietnam News Agency / STR
