ខេត្តបន្ទាយមានជ័យ ៖ ប្រជាពលរដ្ឋអ្នករកទទួលទានដឹកទំនិញលើដងផ្លូវជាតិលេខ៥ និង៦៨បាននាំគ្នាលើកឡើងនិងសម្តែងការអាក់អន់ចិត្តចំពោះសមត្ថកិច្ចនគរបាលនៃស្នងការខេត្តបន្ទាយមានជ័យ ដែលបានប្រព្រឹតផ្ទុយនិងអនុសាសន៏របស់ថ្នាក់ ដឹកនាំ ជាពិសេសនាយករដ្ឋមន្ត្រីកម្ពុជាគឺសម្តេចតេជោ ហ៊ុនសែន បានប្រកាស់ជាសាធារណ ឲ្យគ្រប់ស្ថាបន័ជំនាញត្រូវតែបញ្ឈប់ការដាក់កុងត្រូលជជុះនៅលើដងផ្លូវជាតិ ។ល។ ប៉ុន្តែនាសព្វថ្ងៃនេះ ប្រជាពលរដ្ឋនៅស្រុកអូរជ្រៅនិងក្រុងប៉ោយប៉ែត ដែលប្រកបរបរដឹកទំនិញបាននាំ រិះគន់លើចំណាត់ការរបស់លោក ផ្កាយ២អាត់ ខែម ថា បានឲ្យសមត្ថកិច្ចក្រោមឱវាទដាក់កុងត្រូលជជុះដើម្បីទារប្រាក់ក្បាលឡានដឹកទំនិញរបស់ពួកគាត់ ដោយគ្មានការអៀនខ្មាស់ ។
ពលរដ្ឋថា កុងត្រូលជជុះដែលសមត្ថកិច្ចនគរបាលបានដាក់នោះរួមមានចំណុចក្បែរស្ពានផ្លូវចូលឃុំអូរបីជាន់ស្រុកអូរជ្រៅខេត្តប/ ជ ក្រោមដើមក្រខុបមួយទីតាំង ទីតាំងទី២នៅចំណុចសាលាក្រហមលើដងផ្លូវជាតិលេខ៥ ទីតាំង នេះ ប្រភពពីសមត្ថកិច្ច ដូចគ្នាដែលត្រូវបានលោកស្នងការដកតំណែងបានមកខ្សិបថា អ្នកប្រមូលលុយពិតប្រាកដហើយជាមនុស្យមានឥទ្ធិពល និងជាសេនាដៃស្តាំលោកអាត់ ខែម គឺឈ្មោះយឹម នី ហៅ ធី នាយរងការិលយ័ប្រឆាំងបទល្មើសសេដ្ឋកិច្ច ។
ប្រភពថាមន្ត្រីម្នាក់នេះគឺជាអ្នករកចំណូលប្រចាំថ្ងៃឲ្យលោកស្នងការធើ្វមានបាន ក្រុមនេះមិនបានគិតថា ពលរដ្ឋអត់ស៊ី ខ្វះស៊ីនោះទេ ។ ពាក់ពន្ធ័និងរឿងរ៉ាវខាងលើ លោក យឹម នី ហៅធី ដែលរងការចោទប្រកាន់ពីពលរដ្ឋ អ្នករកស៊ីដឹកទំនិញ ថា បានដាក់កុងត្រូវចាំទារប្រាក់លើពួកគាត់នោះ នៅថ្ងៃទី២៩ឧសភា២០១៧ អង្គភាពយើងមិនអាចសុំការអធិប្បាយបាននៅឡើយទេ ដោយឡែកលោក ផ្កាយ២អាត់ ខែម ស្នងការខេត្តបន្ទាយមានជ័យ ដែលល្បីល្បាញខាងមិនហ៊ាន បង្ក្រាបបនល្បែងឆ្នោតយួន ឬ បនល្បែងអញឡាញនោះ មិនអាចសុំឲ្យប្រតិកម្មលើបញ្ហាចោទប្រកាន់របស់ពលរដ្ឋបានទេ៕
