ភ្នំពេញ៖ រដ្ឋមន្ត្រីក្រសួងព័ត៌មានរបស់កម្ពុជាលោក ខៀវ កាញារីទ្ធបានចេញសារខ្លីមួយតាមរយៈហ្វេសប៊ុកដោយសសើរចំពោះរដ្ឋាភិបាលវៀតណាម ដែលចេះប្រើលុយឲ្យអាមេរិក ផ្សព្វផ្សាយពីខ្លួន ធ្វើឲ្យចំណងទំនាក់ទំនងអាមេរិក និងវៀតណាមកាន់តែល្អប្រសើរដែលជាហេតុនាំឲ្យប្រធានាធិបតីអាមេរិកអញ្ជើញនាយករដ្ឋមន្ត្រីវៀតណាម លោក ង្វៀន សួនហ្វ៊ុក ទៅទស្សនកិច្ចនៅសេតវិមាន ។ ប្រសាសន៍លោកត្រូវបានអ្នកខ្លះថាមិនគួសសើរវៀតណាមក្នុងពេលនេះតែអ្នកខ្លះថាលោកខៀវកាញារិទ្ធគ្រាន់តែជួយរុញទូកលោកប្រាក់សុខុនរដ្ឋមន្ត្រីក្រេសួងការបរទេសដែលប្រកាសឲ្យដឹងពីការផ្លាស់ប្តូរនយោបាយកាបរទេសជាប្រពៃណីយ៍មកជានយោបាយដើម្បីទេសចរណ៍សេដ្ឋកិច្ចទៅវិញទេតើ!។នៅក្នុងពិធីចែករំលែកបទពិសោធទៅកាន់ក្រុមនិស្សិតប្រមាណ៥រយនាក់ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)ប្រមុខការទូតខ្មែរ បានអះអាងថា បន្ទាត់នយោបាយការទូតរបស់កម្ពុជា គឺកែប្រែការទូតបែបប្រពៃណី ទៅការទូតសេដ្ឋកិច្ច វប្បធម៌ និងទេសចរណ៍។
តាមការបញ្ជាក់របស់លោក ប្រាក់ សុខុន, កំណែទម្រង់នេះ គឺដើម្បីសម្របតាមស្ថានភាពវិវត្តរបស់ពិភពលោក និងភាពពិតជាក់ស្តែងរបស់កម្ពុជា។ ជាក់ស្តែងលោកប្រាក់សុខុនបានពន្យល់ពីជំហររបស់កម្ពុជាក្នុងការទទួលស្គាល់របបសឹកថៃ ថា៖ត នេះគឺមិនមែនជាលើកទី១ទេ ដែលកម្ពុជាទទួលស្គាល់របបថ្មីកើតក្រោយរដ្ឋប្រហារនៅថៃ។ ចំណែកប្រទេសក្នុងតំបន់អាស៊ាន និងលើពិភពក៏ទទួលស្គាល់ដូចគ្នាដែរ។ ការធ្វើដូច្នេះ គឺដើម្បីផលប្រយោជន៍ជាតិ រួមមានជាអាទិ៍ ផលប្រយោជន៍ពាណិជ្ជកម្ម ដំណោះស្រាយទល់ដែន ហើយក្នុងនោះ ក៏មានដែរ ពលករខ្មែរជាង១លាននាក់ ដែលកំពុងធ្វើការនៅក្នុងប្រទេសថៃ។
សូមបញ្ជាក់ថា៖លោក ង្វៀន សួនហ្វ៊ុកនាយករដ្ឋមន្ត្រីវៀតណាម នឹងក្លាយជាមេដឹកនាំប្រទេសសមាជិកអាស៊ានដំបូងគេ ដែលនឹងត្រូវចេញទៅបំពេញទស្សនកិច្ចនៅសេតវិមានតបតាមការអញ្ជើញ របស់លោក ដូណាល់ ត្រាំ។ តាមការគ្រោងទុកលោក ង្វៀន សួនហ្វ៊ុក នឹងត្រូវជួបជាមួយលោក ដូណាល់ ត្រាំ នៅសេតវិ មាននៅថ្ងៃទី៣១ ខែឧសភា ឆ្នាំ២០១៧នេះ (ម៉ោងនៅអាមេរិក)។ ដែល បញ្ហាជាច្រើននឹងត្រូវលើកយកមកពិភាក្សា ជាពិសេសការពង្រឹងទំនាក់ទំនងរវាងអាមេរិក និងប្រទេសវៀតណាមក្នុងពេលដែលវៀតណាមកំពុងប្រឈមមុខនិងប្រទេសចិន។
លោក ប្រធានាធិបតីអាមេរិក ក៏ធ្លាប់បានអញ្ជើញនាយករដ្ឋមន្ត្រីថៃ លោក ប្រាយុទ្ធ ចាន់អូឆា និងប្រធានាធិបតីហ្វីលីពីន លោក រ៉ូឌ្រីហ្គោ ឌុយទែតេដែលជាមិនចាស់របស់អាមេរិកឲ្យទៅបំពេញទស្សនកិច្ចនៅសហរដ្ឋអាមេរិកផងដែរ។តែមេដឹកនាំនៃប្រទេស ទាំងពីរនេះ ហាក់សម្តែងការព្រងើយកន្តើយចំពោះសំណើនេះដោយសាពួកគេកំពុងចង់បង្កើនចំណងទំនាក់ទំនងជាមួយប្រទេសចិននិងរុស្ស៊ីវិញ។
ទាក់ទងបញ្ហានេះលោក ខៀវ កាញារីទ្ធ បានឲ្យដឹងថា ប្រទេសទាំងពីរនេះកំពុងតែស្តីបន្ទោសមន្ត្រីការទូតរបស់ពួកគេ មិនសូវសកម្មដូចមន្ត្រីការទូតរបស់វៀតណាម ជាហេតុធ្វើឲ្យមេដឹកនាំប្រទេសទាំងពីរនេះមានភាពយឺតយ៉ាវជាងប្រទេសវៀតណាម ក្នុងការចេញទៅទស្សនកិច្ចនៅសេតវិមាន។
តាមការស្រាវជ្រាវប្រភពព័ត៌មានពីបរទេសលោក ខៀវ កាញារីទ្ធ បានគូសបញ្ជាក់ថា ក្រៅពីភាពប៉ិនប្រសព្វ និងសកម្មលើការងារទូតហើយនោះ បច្ចុប្បន្នវៀតណាម បានចាយលុយក្នុងមួយខែបីម៉ឺនដុល្លារ ដើម្បីជួលក្រុមហ៊ុនរបស់អាមេរិក ជួយបញ្ចុះបញ្ចូលឃោសនាពីវៀតណាមនៅលើទឹកដីសហរដ្ឋអាមេរិកថែមទៀតផង។
លោក ខៀវ កាញារីទ្ធ បន្តថា លុយបីម៉ឺនដុល្លារជាចំនួនមួយដ៏ច្រើន ប៉ុន្តែផលប្រយោជន៍ដែលវៀតណាម ទទួលបានពីអាមេរិកមកវិញគឺមហាសាល។ លោករដ្ឋមន្ត្រីក្រសួងព័ត៌មាន ក៏ចង់ឲ្យមន្ត្រីការទូតខ្មែរពិចារណា និងគិតគូរលើចំណុចនេះផងដែរ។សូមបញ្ជាក់ថាលោកជុំប៊ុនរ៉ុងជាឯកអគ្គរាជទូខ្មែរប្រចាំសហរដ្ឋអាមេរិក៕