ភ្នំពេញ៖ ប្រធានប្រតិបត្តិការក្រុមហ៊ុន អែមផាយ ប៊ីក ខាភីថល ស៊ី (EBC) ប្រធានអង្គការមូលនិធិអភិវឌ្ឍន៍អាស៊ីអាគ្នេយ៍ (AIF)និងប្រធានសមាគមអ្នកប្រឹក្សាយោបល់វិនិយោគ(ICA)បានត្រូវប្រជាពលរដ្ឋរាប់រយនាក់មកពីតាមបណ្ដាខេត្តរាជធានីលើកគ្នាមកដាក់ពាក្យបណ្ដឹងនៅសាលាដំបូងរាជធានីភ្នំពេញកាលពីថ្ងៃទី៨ ខែឧសភា ឆ្នាំ២០១៧រឿងឆបោកលុយ ប្រមាណជាង៤៦លានដុល្លារអាមេរិកដែលធ្វើឡើងតាមរយៈការដាក់ទុនវិនិយោគ។នេះបើតាមការប្រកាសឲ្យដឹងនៅក្នុងសន្និសីទ្ធកាសែតមួយកាលពីព្រឹកថ្ងៃទី៣០ ខែឧសភា ឆ្នាំ២០១៧ដោយមន្ត្រីជាន់ខ្ពស់នៃក្រសួងមហាផ្ទៃយុត្តិធមិក្រសួងសេដ្ឋកិច្ចនិងហិរញ្ញវត្ថុ។
ប្រជាពលរដ្ឋចំនួន៥.៦៧៤គ្រួសារ នៅគ្រប់រាជធានី-ខេត្តទូទាំងប្រទេស បានមូលមតិគ្នា ប្ដឹងបុគ្គលឈ្មោះ ស៊ាន តាន់ ជនជាតិម៉ាឡេស៊ី ជាប្រធានប្រតិបត្តិការក្រុមហ៊ុន អែមផាយ ប៊ីក ខាភីថល (Empire Big Capital Limited) ហៅកាត់ថា ក្រុមហ៊ុន អ៊ី.ប៊ី.ស៊ី (EBC) បុគ្គលឈ្មោះ ហួត សុវណ្ណ ជាប្រធានអង្គការមូលនិធិអភិវឌ្ឍន៍អាស៊ីអាគ្នេយ៍ (AIF) និងឈ្មោះ ជិ ហ្គោសាលី ប្រធានសមាគមអ្នកប្រឹក្សាយោបល់វិនិយោគ (ICA) ទាក់ទងនឹងរឿងឆបោកលុយជាង ៤៦លានដុល្លារអាមេរិក (៤៦.២០៤.៣៥០ដុល្លារ)។
លោក ងី ច័ន្ទផល រដ្ឋលេខាធិការក្រសួងមហាផ្ទៃ បានលើកឡើងថា ប្រជាពលរដ្ឋ បានចាញ់បោកមេខ្លោង ដែល ដើរឃោសនាពីការដាក់វិនិយោគទុន ឬចងការប្រាក់ចំណេញភាគរយបានច្រើន។ទាកទងបញ្ហានេះប៉ុន្តែសម្រាប់អាជ្ញាធរវិញ ថារាងពិបាកបន្តិច តែសុំឲ្យពលរដ្ឋទាំងអស់ ដែលរងគ្រោះ ដាក់ពាក្យបណ្ដឹងឲ្យបានគ្រប់គ្នា ដើម្បីសមត្ថកិច្ចមានវិធានការតាមច្បាប់។
លោកឧត្តមសេនីយ៍ឯក ឌី វិជ្ជា ប្រធាននាយកដ្ឋាន កណ្ដាលសន្តិសុខក្រសួងមហាផ្ទៃ បានបានឲ្យដឹងថា មេខ្លោង ដែលឆបោកលុយពលរដ្ឋអស់រាប់សិបលានដុល្លារនេះ គឺមានជនជាតិម៉ាឡេស៊ី និងខ្មែរ តែសម្រាប់ជនជាតិផ្សេងអាជ្ញាធរសុំលាក់សិន។
ប្រជាពលរដ្ឋនិយាយថា៖មូលហេតុដែលធ្វើឱ្យពួកគាត់មានការទុកចិត្តទៅទាំងស្រុងទៅលើក្រុមហ៊ុនEBCខាងលើនេះដោយសាតែយោងទៅតាមលិខិតស្នាមរបស់ក្រសួងមហាផ្ទៃពីក្រសួងពាណិជ្ជកម្ម និងអនុសារណយោគយល់គ្នារវាងក្រុមហ៊ុនជាមួយ និងអង្គការមូលនិធិអភិវឌ្ឍន៍អាស៊ីអាគ្នេយ៍ (AIF) និងសមាគមន៍អ្នកប្រឹក្សាយោបល់វិនិយោគ (ICA) ផងដែរ ។
តាមប្រភពដដែលបានប្រាប់បន្តទៀតថាក្រុមហ៊ុនបានធ្វើបប្រតិបត្តិការប្រមូលដើមទុនពីប្រជាពលរដ្ឋជាច្រើនម៉ឺននាក់ទៅតាមបណ្តារខេត្ត ក្រុងនានាទូទាំងប្រទេសកម្ពុជា ចាប់តាំងពីឆ្នាំ២០១៣ មកដោយសន្យាថា «នឹងផ្តល់ប្រាក់ចំណេញជាភាគរយចំនួន១០% ក្នុងមួយខែហើយរយៈពេល១៨ខែក្រុមហ៊ុននឹងសងប្រាក់ដើមទាំងអស់ត្រឡប់មកឱ្យអក្នវិនិយោគវិញ» ដោយក្រុមហ៊ុនបានធ្វើការផ្សព្វផ្សាយជាសារធារណៈ សិក្ខាសាលានិងចុះតាមបណ្តារសាព័ត៌មាននានាអំពីគម្រោងរបស់ខ្លួនដើម្បីឱ្យប្រជាពលរដ្ឋកាន់តែមានការជឿទុកចិត្តកាន់តែខ្លាំងផងដែរ ។
ដោយក្នុងម្នាក់ៗបានដាក់ទុនចាប់ពី២.០០០ទៅ៣ ឬ៤ពាន់ដុល្លារ និងមានអ្នកខ្លះទៀតរហូតទៅដល់៤ឬ៥ម៉ឺនដុល្លារក៏មាននិងទទួលបានប្រាក់ចំណេញ១០%មកវិញក្នុងម្នាក់បានត្រឹមតែ៣ទៅ៤ខែដំបូងតែប៉ុណ្ណោះ ហើយក្រុមហ៊ុនបានរត់គេចខ្លួនបាត់ស្រមមោលតែម្តង។នេះជាលើកទីមួយហើយ សម្រាប់កម្ពុជា ដែលចាញ់បោកលុយអ្នកឃោសនា ឬអ្នកផ្សព្វផ្សាយ ដាក់វិនិយោគទុន ឬចងការប្រាក់រហូតបង់ខាតលុយអស់ច្រើនលានដុល្លារ បែបនេះ ។
លោក កើត រិទ្ធរដ្ឋលេខាធិការក្រសួងយុត្តិធម៌ បានលើកឡើងថា បណ្ដឹងបណ្តឹងរបស់ប្រជាពលរដ្ឋ ក៏ស្ថិតនៅក្នុងដៃរបស់តុលាការហើយដែរ ប៉ុន្តែលោកសុំមិនបង្ហាញអត្តសញ្ញាណ និងចំនួនជនឆបោកទាំងនេះទេ ពីព្រោះរឿងនេះ ស្ថិតក្នុងការស្រាវជ្រាវ និងតាមប្រមាញ់ ដើម្បីឈានដល់ការចាប់ខ្លួនមេខ្លោង។
លោក កើត រិទ្ធ បានបន្ថែមថា អាជ្ញាធរកម្ពុជា នឹងផ្សព្វផ្សាយឲ្យទូលាយទូទាំងប្រទេស ដើម្បីឲ្យពលរដ្ឋយល់ដឹងពីល្បិចកលរបស់ជនល្មើស ដែលប្រើប្រាស់គ្រប់រូបភាពក្នុងការឆបោកលុយពីប្រជាពលរដ្ឋ ក្នុងនោះមានដូចជា ការវិនិយោគទុននៅកម្ពុជា ចងការប្រាក់បានភាគរយខ្ពស់ និងមានចំណុចសំខាន់ផ្សេងទៀត។
ស្រដៀងនឹងលោក ងី ច័ន្ទផល លោកស្រី ងួន សុខា រដ្ឋលេខាធិការក្រសួងមហាផ្ទៃ បានបញ្ជាក់ថា ពាក់ព័ន្ធនឹងមូលបត្រ បច្ចុប្បន្ននេះមិនទាន់មានច្បាប់នៅឡើយ ដែលកន្លងមក អ្នកឆបោក តែងតែប្រើគ្រប់ល្បិចកល ដើម្បីបានលុយ ៕
