រតនៈគិរី ៖ គិតចាប់ពីពេលដែលគណបក្សនយោបាយនិងសមត្តកិច្ចមមាញឹកនិងយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥នេះនៅឯច្រកព្រុំដែនកម្ពុជាវៀតណាមអូរយ៉ាដាវខេត្តរតនៈគិរីឯណុះវិញគេក៏ឃើញមានសកម្មភាពដឹកឈើប្រណិតឆ្លងកាត់ខុសច្បាប់យ៉ាងមមាញឹកផងដែរដែលគេជឿថាជាការឃុបឃឹតបើកដៃឲ្យជាថ្នូរនិង លាភសក្ការៈពីសមត្តកិច្ចនៅទីនោះ។យើងតាមសេចក្តីរាយការណ៍ជាក់ស្តែងគ្រាន់តែនៅថ្ងៃទី២៧ខែឧសភាឆ្នាំ២០១៧នេះ មានរថយន្តសាំយ៉ុងប្រមាណជិត២០ទៅ៣០គ្រឿងបានដឹកជញ្ជូនឈើប្រណិតឆ្លងដែនទៅស្រុកយួន។ប្រភពពីអ្នករកស៊ីឈើនៅខេត្តរតនៈគីរីបានឲ្យដឹងថាឈ្មួញឈើដែលរកស៊ីដឹកឈើតាមច្រកព្រុំដែនមួយនេះជាអាទិ៍មានដូចជា៖ឈ្មោះ ម៉េងម្ចាសស់ឡាន សាំយ៉ុងលេខ7911 ។ឈ្មោះ អាស្មី សាំយ៉ុងលេខ5473 ។ឈ្មោះ អាឡុង សាំយ៉ុងលេខ6475 ។
ឈ្មោះ ចែនាង សាំយ៉ុងលេខ1250 ។ឈ្មោះ ចែរ៉ាន សាំយ៉ុងលេខ4034 ។ឈ្មោះ អាប៊ុន សាំយ៉ុងលេខ3934 ។ឈ្មោះ ចែរ៉ាន ហៅយាយទឹកនោមផ្អែម សាំយ៉ុងលេខ1604 ។ឈ្មោះ ស្រីគា សាំយ៉ុងលេខ0666 ១គ្រឿងទៀតលេខ5204 ។ឈ្មោះ ល័ក្ខ តុ សាំយ៉ុងលេខ0885 ។ឈ្មោះ យាយងងិត សាំយ៉ុងលេខ1290 ឈ្មោះ ស្រីដា សាំយ៉ុងលេខ4935 ឈ្មោះ យាយចេន សាំយ៉ុងលេខ1297។ល។
ក្រៅពីក្បួនឡានថ្ងៃទី២៧ឧសភានេះប្រមាណ៣០ឡានកាលពីថ្ងៃទី២២ឧសភាសេចក្តីរាយការណ៍បានឲ្យដឹងថា មានរថយន្តដឹកឈើដែលគេស្គាល់ឈ្មោះ ស្រី តី រួមជាមួយរថយន្ដផ្សេងៗទៀតប្រមាណ៥០គ្រឿង បានធ្វើចរាចរនៅពេលយប់មកដល់មាត់ច្រកទ្វារ រួចឈប់ត្រៀបត្រារងចាំដល់ពេលព្រលឹម ទើបឃើញមានកំលាំងចម្រុះរបស់មន្ត្រីសមត្ថកិច្ចប្រចាំការបើកទ្វារឲ្យឆ្លងទៅវៀតណាម។ចឹងបើគិតចាប់ពីថ្ងៃទី២២ឧសភាមកគឺមានខ្ទង់រយឡានទៅហើយ។បើគិតជាឈើវិញក៏ខ្ទង់ពាន់ម៉ែតគូបផងដែរ។
ក្បួនរថយន្តសាំយ៉ុងទាំងនោះដឹកឈើចេញពីក្រុងបានលុងឆ្ពោះទៅកាន់ច្រកទ្វារអន្តជាតិអូរយ៉ាដាវតាមបណ្តោយផ្លូវជាតិលេខ៧៨ ដែលតាមដងផ្លូវជាតិនេះមានសមត្តកិច្ចប្រមាណ ៦០ស្ថាប័នប្រចាំការ ។ថាពួកសមត្តកិច្ចតាមដងផ្លូវចុះគ្នាគ្រាន់តែបានបាយទឹកបន្តិចបន្តួចចុះនៅច្រកទ្វារអូយ៉ាដាវជាកន្លែងដែលហាមមិនឲ្យអ្នកកាសែតចូលថតទទួលបានប៉ុន្មានបានជាមិនបំពេញភារកិច្ចដែលរដ្ឋប្រគល់ឲ្យចឹង។ប្រជាពលរដ្ឋនិយាយថា៖ក្រុមឈ្មួញដឹកជញ្ជូនបទល្មើសព្រៃឈើទៅវិញរថយន្តសាំយ៉ុងដឹកឈើប្រណិតចេញទៅប្រទេសវៀត ណាម យ៉ាងកគ្រឹកកគ្រេងបើមិនបង់លុយឲ្យសមត្តកិច្ចស្មានថាចេញទៅរួចឬ? ។កន្លងមកមានសេចក្តីរាយការណ៍ថាលោកអ៊ីចំរើនមេនគរបាលច្រកទ្វារអូយ៉ាដាវគឺជាអ្នកបោះមេឲ្យសមត្តកិច្ចផ្សេងទៀតនៅច្រកមានគយកាំកុងត្រូលជាដើម។
ពាក់ព័ន្ធបញ្ហាខាងលើនេះលោក អ៊ី ចំរើន ប្រធានច្រកទ្វារអន្តរជាតិអូរយ៉ាដាវមិនអាចសុំការបំភ្លឺបាននោះទេដោយមិនអាចទំនាក់ទំនងបាន។សូមបញ្ជាក់ដែរថាថ្មីៗនេះប្រទេសនៅសហគមន៍អ៊ឺរ៉ុបបានចេញសំណុមពរឲ្យរាចរដ្ឋាភិបាលកម្ពុជានិងវៀតណាមជួយទប់ស្កាត់បទល្មើសឈើប្រណិតដែលកាប់ដឹកជញ្ជូនដោយឈ្មួញចេញពីកម្ពុជាដែលមានប្រមាណជាង៣០ម៉ឺនម៉ែតគូប។ឈ្មួញវៀតណាមជាច្រើនចាំប្រមូលទិញឈើខ្មែរនៅខេត្តចាឡាយជាប់ព្រុំដែនខ្មែរ ខេត្តរតនគិរី ៕
