ខេត្តពោធិ៍សាត់ ៖ ប្រធានគណបក្សសង្គ្រោះជាតិឈ្មោះ យ៉ាន់ សេងហ៊ត ត្រូវបានព្រះរាជអាជ្ញារងសាលាដំបូងខេត្តពោធិ៍សាត់សម្រេចធ្វើការចោទប្រកាន់ជាផ្លូវការហើយ ពីបទ «បើកបរបណ្តាល ឲ្យអ្នកដទៃ របួសមានស្ថានទម្ងន់ តាមមាត្រា៨៣ ក.២ ចំណុចឃ»។ នេះបើតាមការថ្លែងពីលោក តន់ សីហតេជៈ ព្រះរាជអាជ្ញាអមសាលាដំបូងខេត្តពោធិ៍សាត់។
លោកព្រះរាជអាជ្ញាបានបញ្ជាក់ថា នៅពេលនេះជនត្រូវចោទ ត្រូវបានបញ្ជូនបន្តទៅ សួរនាំនៅដៃចៅក្រមស៊ើបសួរ ដើម្បីចាត់ការបន្តទៀត។
បើតាមលោកព្រះរាជអាជ្ញា តាមច្បាប់ ជននេះត្រូវប្រឈមមុខនឹងជាប់ពន្ធនាគារពី១ឆ្នាំទៅ៣ឆ្នាំ ហើយពិន័យប្រាក់ផងដែរ។ នៅក្នុងការចោទប្រកាន់របស់ព្រះរាជអាជ្ញានោះ ក៏បានស្នើសុំឲ្យឃុំខ្លួនបណ្តោះអាសន្នផងដែរ៕