រតនគិរី៖ កម្លាំងនរគបាលកណ្ដាលការិយាល័យព្រហ្មទណ្ឌកំរិតធ្ងន់បានបញ្ជូនខ្លួនជនសង្ស័យចំនួនពីរនាក់ ពាក់ព័ន្ធនិងករណីពីផ្សេងគ្នាទៅសាលាដំបូងខេត្តដើម្បីឱ្យជួយចាត់ការបន្ដតាមច្បាប់កាលព្រឹក ថ្ងៃទី២៩ ខែឧសភា ឆ្នាំ២០១៧ ។
លោកឧត្តមសេនីយ៏ត្រី ផែន ឌីណា ស្នងការរងទទួលផែនកណ្ដាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ដរតនគិរីបានប្រាប់ឲ្យដឹងថា ជនសង្ស័យទី១ឈ្មោះ ណុប សុខល័ក្ខ ភេទប្រុស អាយុ២១ ឆ្នាំជនជាតិ់់ខ្មែរមុខរបរមិនពិតប្រាកដមានទីលំនៅភូមិមួយ ឃុំឡាមិញ ស្រុកបកែវ ខេត្តរតនគីរី។
ជននេះបានធ្វើសកម្មភាពលួចចូលក្នុងបន្ទប់ទីចាត់ការសាលាបឋមសិក្សាបរកែវកាលពីថ្ងៃទី២៤ខែឧសភាគឺលួចយកកុំព្យូទ័រដៃ១គ្រឿង និងកុំព្យូទ័រដាក់លើតុ១គ្រឿង ទូរស័ព្ទដែ១គ្រឿងរួមនិងធុងបាស់ចំនួន១គ្រឿង។
លោកស្នងការរងបានឱ្យដឹងទៀតថា ជនសង្ស័យទី២ឈ្មោះ រិត ក្ដិត អាយុ២៧ឆ្នាំជនជាតិព្រៅ មានទីលំនៅភូមិកាទៀងឃុំល្បាំង២ស្រុកលំផាត់ខេត្តរតនគីរី។ជននេះកាលពីយប់ថ្ងៃទី២៥ខែឧសភាបានចាប់កូនស្រីចុងដែលមានអាយុទើបតែ៧ឆ្នាំបោកផ្ទុបទៅលើដីបណ្ដោយឱ្យរបួសធ្ងន់គឺបាក់ដៃខាងធ្វេង។
បន្ទាប់ពីជនសង្ស័យឈ្មោះ រិត ក្ដិត បានប្រើអំពើហឹង្សារទៅលើកូនចុងនៅថ្ងៃទី២៦ខែឧសភា ប៉ូលិសបានឃាត់ខ្លួនជននោះរួចនៅថ្ងៃទី២៧ខែឧសភាដដែលនោះបានបន្ដឃាត់ខ្លួនឈ្មោះណុបសុខល័ក្ខបញ្ជូនទៅស្នងការដើម្បី់បង្កសំណុំរឿង ។
ប្រភពពីតុលាការបានដឹងឱ្យទៀតថា ជនសង្ស័យឈ្មោះ ណុប សុខល័ក្ខ ជាប់ចោទពីបទលួចនិងជនសង្ស័យទី២ឈ្មោះ រិត ក្ដិត ជាប់ចោទពីបទប្រើប្រាស់អំពើហឹង្សាក្នុងគ្រួសារពួកគេត្រវបានឃុំខ្លួនជាបន្ដោះអាសន្ននៅពន្ធនាគារភ្នំស្វាយដើម្បីបន្ដស្រាវជ្រាវ៕
រតនគីរី