ខេត្តរតនគិរី ៖ អ្នកទោសជាប់ឃុំខ្លួនចំនួន៥នាក់ក្នុងពន្ធធានាគារហៅថា(គុកភ្នំស្វាយ) ស្ថិតក្នុងភូមិ ៧មកករា សង្កាត់ ឡាបានសៀក ក្រុងបានលុង ខេត្តរតនគិរី បានរួមចិត្តរួមគំនិតគ្នា ព្យាយាមលួចរត់ចេញបានសម្រេចដូចបំណង ។
ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង2hនិង30នាទីរំលងអាធ្រាតត្រូវនិងថ្ងៃទី26ឧសភា ឆ្នាំ2017 ។
លោក ទិន សុវណ្ណនី ប្រធានពន្ធធានាគារបានអោយសារព័ត៏មានដឹងនៅល្ងាចថ្ងៃទី27 ខែ ឧសភា ឆ្នាំ 2017 នេះថា:មិនគួរមានរឿងបែបនេះកើតឡើងក្នុងអង្គភាពពន្ធធានាគារ ដល់ទៅពីរដងផ្ទួនៗគ្នាទាល់តែសោះ ខណះដែលលោកកំពុងគ្រប់គ្រងមិនទាន់បានបីឆ្នាំផងនោះ។
លោកបន្តថា ៖ ការរៀបចំរចនាសម្ព័ន្ធផ្ទៃក្នុងការងារក្នុងពន្ធធានាគារដល់មន្ត្រីគ្រោមឧិវាទបានរៀបរយយ៉ាងត្រឹមត្រូវបំផុតដូចជាការចែកវេណតាមមុខព្រួញប្រចាំការជាដើម ។ល។ ជាក់ស្តែងនៅថ្ងៃកើតហេតុ គឺចំវេណ ទី១លោក ខ្យាល ប៉ា ងាំង និង លោកជាទុងមានតួរនាទីប្រធានអនុរក្ស គ្រប់គ្រង (ចំនួនពីរវេណ) ហើយក្នុងមួយវេណមានកម្លាំងចំនួន25នាក់យាម24ម៉ោង ដែលលោក ខ្យាលប៉ាងាំទទួលខុសត្រូវលើកម្លាំងយាមកាមព្រមទាំងសោរទ្វាបន្ទប់ផងដែរ ។ ហើយក្នុងមួយវេណចំនួនពីរថ្ងៃស្មើរនិង48ម៉ោង ។
លោកថានៅពេលថ្ងៃកើតហេតុ វេលាម៉ោងខាងលើ
លោក ខ្យាល ប៉ាងាំង មិនបានទទួលខុសត្រូវលើតួរនាទីការងាររបស់ខ្លួនមិនគោរពទៅតាមបទបញ្ជា ដែលបានដាក់ចេញ ដូចជាការ ត្រួតពិនិត្យសោរបន្ទប់និងផ្តល់អាវុធដល់កម្លាំងជាដើម។ល។ បណ្តោយអោយអ្នកទោសទាំង៥នាក់ឆ្កឹះសោរ ឬមួយអនុរក្សភ្លេចកិបសោរយ៉ាងណានោះអោយអ្នកទោសទាំងនោះរត់ចេញតែម្តង។
លោកប្រធានពន្ធធានាគារបន្តទៀតថា:នៅយប់ថ្ងៃទី២៦នេះ លោកជាទុងបែរជាមិនមកយាម មិនបានសុំច្បាប់ថែមទៀត។ ហើយ
អ្នកទោសទាំង៥នាក់ដែលលួចរត់ចេញនោះ រួមមាន ៖ ទី១: ឈ្មោះ កែវ ឆក ជាប់ចោតពីបទរក្សាទុកនិងប្រើប្រាស់ដោយខុសច្បាប់នូវសារធាតុញៀន ហើយឃុំខ្លួនតាមដីកាសម្រេចលេខ៧៣ចុះថ្ងៃទី០៣ ខែ មេសា ឆ្នាំ ២០១៧។ ទី២: ឈ្មោះ កែវ ចន្ទ ភេទប្រុស ជាប់ចោទពីបទរក្សាទុក និងប្រើប្រាស់ សារធាតុញៀន ឃុំខ្លួនតាមដីកាសម្រេចលេខ៧៤ចុះថ្ងៃទី០៣ខែមេសាឆ្នាំ២០១៧។ ទី៣:ឈ្មោះសុខនីភេទប្រុសជាប់ចោទពីបទដឹកជញ្ជូនផលអនុផលព្រៃឈើឃុំខ្លួនតាមដីកាសម្រេចលេខ១១០ចុះថ្ងៃទី១៥ ខែឧសភាឆ្នាំ២០១៧ ។ទី៤: ឈ្មោះ សូម ហាក់ ភេទប្រុស ជាប់ចោទពីបទអំពើផ្តល់មធ្យោបាយលួចរត់ឃុំខ្លួនតាមដីកាសម្រេចលេខ៣៩ ចុះថ្ងៃទី០៦ ខែ មិនាឆ្នាំ២០១៧ និងទី៥:ឈ្មោះ នង វណ្ណា ភេទប្រុសជាប់ចោទពីបទរក្សាទុកដោយខុសច្បាបនូវសារធាតុញៀន ឃុំខ្លួនតាមដីកាសម្រេចលេខ១០៤ចុះថ្ងៃទី០៣ខែឧសភាឆ្នាំ២០១៧ ។ ជនទាំង៥នាក់នេះបានធ្វើសកម្មភាព
ឆ្កឹះសោរចេញពីបន្ទប់លេខ៧A ហើយហែកដែកចំរឹងរនាំង លូនចេញតាមលូ រួចឡើងតាមរបងលួស បន្ទាប់មកក្រុមនេះឡើងលើប៉មយាមរបស់សន្តិសុខហើយហក់ចេញពីរបងពន្ធធានាគាររត់បាត់ទៅ ។
ដោយឡែក ក្នុងចំណោមក្រុមអ្នកទោសទាំង៥នាក់ កម្លាំងអនុរក្សពន្ធធានាគារតាមចាប់បាន១នាក់មកវិញទាន់ពេលវេលាភ្លាម ៗ គឺអ្នកទោសដែលមានឈ្មោះ នង វណ្ណា ដោយសារអ្នកទោសរូបនេះ ក្រិចកជើងខ្លាំងខណៈលោតរំលងរបងភ្លាត់ស្នៀតរត់ទៅពុំទាន់ ។
ជុំវិញបញ្ហាអ្នកទោសរត់ចេញពីបន្ទប់លេខ7A លោក ខ្យាល់ប៉ាងាំង ជាអ្នកគ្រប់គ្រងវេណ១ បានអោយក្រុមអ្នកសារព័តិមានដឹងថា កាលពីយប់កើតហេតុវេលាខាងលើគាត់កុំពុងសំរាន្ត ស្រាប់តែឮសំលេងស្រែកថាមានអ្នកទោសរត់ហើយ ។ ដោយឡែក មន្ត្រីអនុរក្សពីរនាក់ទៀតគ្រប់គ្រងអាគារ7Aដែលអ្នកទោសរត់ចេញ មានឈ្មោះ ១: លោក មិន សំអុល
២:លោក ជិម វណ្ណនី ក៏បានអោយក្រុមអ្នកសារព័តិមានដឹងក្នុងគ្រានេះផងដែរ ពេលដែលគាត់យាមបានឮសំលេងប្រាវគាត់គិតថាខ្យល់មួយពព្រិចភ្នែកអ្នកទោសក៏រត់បាត់ទៅ ៕
ដោយ ៖ ចាបសំអាន