បន្ទាយមានជ័យ៖ ថ្មីៗនេះដីផ្លូវមួយកន្លែងតភ្ជាប់ពីផ្សាររ៉ាចាស់បុកចំទៅសាលាប្រ៊ិជតុនឆ្ពោះទៅត្រង់ផ្សារអគ្គៈថ្មីក្រុងប៉ោយប៉ែត ដីផ្លូវនោះត្រូវបានលោក មេបញ្ជាការរងយោធា តំបន់ប្រតិបត្តិការសឹករងក្រុងប៉ោយប៉ែតឈួសឆាយរំលោភយកធើ្វកម្មសិទ្ធិករផ្តាច់មុខ។ លោកមេភូមិក្បាលស្ពាន១បាន ឲ្យដឹងកាលពីថ្ងៃទី២៥ឧសភានេះថាដីផ្លូវដែល មេយោធារំលោភយកនោះពីមុនមកមានពលរដ្ឋក្រក្រីលោកសង់ខ្ទមរស់នៅ ក្រោយមកស្រាប់តែ មេយោធានោះ ប្រើអំណាចរំលោភយកដោយ បានដេញឲ្យពលរដ្ឋដែលរស់នៅលើដីនោះចេញហើយមេយោធារូបនោញកាន់កាប់តែម្តង ។
ប្រជាពលរដ្ឋបានលើកឡើងថា៖ ក្រោយពលរដ្ឋរើផ្ទះចេញ មេបញ្ជាការរងយោធាបានចាក់ដីលើផ្លូវនោះក្នុងគោលបំណងបិទបាំង ដើម្បីប្រើប្រាស់ជាកម្មសិទ្ធិផ្ទាល់ខ្លួន។ ពួកគេថា នាសព្វថ្ងៃផ្ទះមេយោធាបានសង់រួច៩០%ហើយ ប៉ុន្តែគ្មានដែលបានឃើញមន្ត្រីជំនាញពាក់ពន្ធ័ណា ចេញមុខមកពិនិត្យ ឬហាមឃាត់សកម្មភាព របស់មេយោធានោះនៅឡើយទេ។
ករណីនេះលោកមេភូមិក្បាលស្ពាន១បានលើកឡើងដែរ ថាលោកបានសសេររបាយការណ៏រួចហើយដើម្បីជម្រាបទៅចៅសង្កាត់ ប៉ោយប៉ែត គឺលោក អាំង គីហេង ប៉ុន្តែលោកមិនសង្ឃឹមថា លោកអាំងគីហេងហ៊ានចេញមុខហាមឃាត់មន្ត្រីយោធានោះទេ ព្រោះថា លោកអាំងគី ហេង ត្រូវបានគេបិទសិទ្ធិ លោកមិនឲ្យលូកដៃជ្រៅក្នុងបញ្ហាទេ ។ បើបែបនេះមែននោះ បញ្ហាដីផ្លូវមុខជាធ្លាក់ចូលមាត់ មេយោធា ដោយស្វាយប្រវត្តិដដែល ។
សូមរំលឹកថា៖ ដីផ្លូវជាច្រើនកន្លែងស្ថិតនៅក្នុងភូមិក្បាលស្ពាន១នេះ ត្រូវបានគេរំលោភយកឥតត្រាប្រណីឡើយ ក្នុងនោះ សូម្បីតែអ្នកស្រីមេភូមិបាលិលេយ្យ២ ឈ្មោះ ធេង សុផារី បានរំលោភយកដីផ្លូវ បុកពីចំណុចផ្សាររ៉ាចាស់បុកឆ្ពោះទៅវត្តឃោសខារ៉ាមស្រះត្រាច នៅមិនទាន់អ្នកណាយកវិញបាននៅឡើយទេ ចំណែកផ្លូវមួយកន្លែងទៀតនៅសព្វហាងខារាអូខេ អិច្ឆផ្លាស់ ក៏ត្រូវបាន មន្ត្រីក្រុងប៉ោយប៉ែតកាត់លក់ឲ្យឯកជនហើយដែរ ជាមួយគ្នានេះ ដីផ្លូវមួយកន្លែងទៀតនៅជាប់និងអង្គការគ្រួសារថ្មី ក្រុងប៉ោយប៉ែតនោះ ក៏ជាប់ទាក់ទិននិង មន្ត្រីនៅក្រុងប៉ោយប៉ែតលក់យកលុយដាក់ហ៊ោប៉ៅ ចាយដែរ គឺតម្លៃ១៦០០ដូល្លារ នេះបើតាមប្រភពបានប្រាប់ ។
តែទោះជាយ៉ាងនេះក្តី ដីផ្លូវសាធារណៈនៅក្នុងភូមិក្បាលស្ពាន១នេះ ប្រជាពលរដ្ឋលោកបានស្នើឲ្យអង្គការឯករាជ ឬសមាសភាព របស់ស្ថាបន័អង្គភាពប្រឆាំងអំពើពុករលួយ គប្បីមកពិនិត្យ និងស្រាវជ្រាវលើករណី ដីផ្លូវសាធារណរបស់រដ្ឋនៅក្នុងភូមិក្បាលស្ពាន១ ហេតុអ្វីបុគ្គលមានអំណាច ចេះតែ នាំគ្នាយកលក់ជាបន្តបន្ទាប់បែបនេះបាន ?។
លោកប្រាក់ប៉ូលីន ត្រូវជាបងប្រុសបង្កើតរបស់ លោកប្រាក់ប៉ូលី ប្រធានមន្ទីរសុរិយោដី ខេត្តប/ជ និងត្រូវជាប្រធានការិយាល័យសុរិយោដីនគររូបណីយកម្មនិងសំណង់ក្រុងប៉ោយបែត លោកបាននិយាយរបៀបចុងមាត់ចុងកពីករណីទាហ៊ានរំលោភយកដីនេះប្រាប់អ្នកសារព័ត៌មាន ថា៖ ចាំលោកឲ្យមន្ត្រីក្រោមឱវាទរបស់លោក ទៅមើលសិនដើម្បីឲ្យច្បាស់ ថាដីនោះ ផ្លូវឬយ៉ាងណា ? ។
ដោយឡែក មេយោធារងលោកឧត្តមេសនីយ៍ភ្លន់ដារាដែលរងការចោទថា បានរំលោភយកដីផ្លូវសាធារណៈ ធើ្វជាកម្មសិទ្ធិករនោះ យើងមិនបានសុំការបំភ្លឺបានទេ តែមន្ត្រីយោធារូបនោះ ត្រូវបានអ្នកភូមិប្រាប់ថា គាត់មានឈ្មោះហង្ស ស៊ីផៃ ហៅប្រុស ។កាលពីថ្ងៃទី២០ឧសភា២០១៧ កន្លងទៅនេះ ស្ត្រីម្នាក់មានបិទម៉ាសមុខ អង្គុយមើល ជាងធើ្វផ្ទះ បានអះអាងថា ដីផ្លូវសាធារណៈនោះ គឺ មិនមែនជាដីរបស់ខ្លួនទេ ។ យ៉ាងណាដោយមកទល់និងពេលនេះ ដីផ្លូវនោះ ត្រូវបានមេយោធាគ្រោងនឹងចាក់សាបយកប្រើប្រាស់ហើយដែរ ។
ពាក់ពន្ធ័និងបញ្ហាដីផ្លូវ ខាងលើគេមិនសង្ឃឹមថា លោកង៉ោមេង ជ្រូន អភិបាលក្រុងប៉ោយប៉ែតហ៊ានលូកដៃទាញយកដីផ្លូវសាធារណៈនោះ ពីមេយោធាសឹករងនោះបានទេ ព្រោះអ្នកទាំងពីរ គឺជាកល្យាណមិត្តប្តូរស្លាប់រស់និងគ្នាទៀតផង ៕