ក្រចេះ ៖ គ្រោះថ្នាក់ចរាចណ៍មួយបានកើតឡើងនៅលើដងផ្លូវជាតិលេខ៧ ត្រងចំនុចផ្លូវស្ងាត់ បង្ករឡើងដោរថយន្តសាំយ៉ុងបើកបុកគោយន្តកន្ត្រៃពីក្រោយយ៉ាងពេញទំហឹង បណ្តាលឲ្យពីរនាក់ប្តីប្រពន្ធរងរបួសធ្ងន់ ។
ហេតុការណ៍នេះបានកើតឡើងនៅថ្ងៃទី២៤ ខែឧសភា ឆ្នាំ២០១៧ វេលាម៉ោង០៩ នឹង៣០នាទី ស្ថិតក្នុងភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ ។
មន្ត្រីនគរបាល បានឲ្យដឹងថា ករណីខាងលើបង្កឡើងរវាងរថយន្តសាំយ៉ុង និងគោយន្តកន្ត្រៃ ធ្វើដំណើរក្នុងទិសដៅស្របគ្នា ពីត្បូងទៅជើង លុះដល់ចំណុចកើតហេតុ រថយន្តសាំយ៉ុងបានបុកគោយន្តកន្ត្រៃពីក្រោយ បណ្តាលអោយអ្នកបើកបរគោយន្ត ០២នាក់ប្តីប្រពន្ធរបួសធ្ងន់ ។
នគរបាល បានបន្តថា ជនរងគ្រោះ ឈ្មោះ អៀង ពិសិដ្ឋ ភេទប្រុស អាយុ៣៣ឆ្នាំ របួសធ្ងន់ ជាប្តី ចំណែកឯប្រពន្ធឈ្មោះ ងាន់ សុណាត អាយុ៣១ឆ្នាំ
របួសធ្ងន់ អ្នកទាំងពីររស់នៅភូមិក្បាលជួរ ឃុំសំបុក ស្រុកចិត្របុរី បច្ចុប្បន្នជនរង គ្រោះត្រូវរថយន្តមណ្ទលសុខភាព អូរគ្រៀងដឹកយលទៅព្យាបាលនៅមន្ទីរបង្អែកខេត្តក្រចេះ ។ រីឯរថយន្តបង្កម៉ាក សាំយ៉ុង ពណ៏ស ពាក់ស្លាកលេខភ្នំពេញ ២aa ៥៨៤១ ហើយអ្នកបើករថយន្តបានរត់គេចខ្លួនបាត់ រីឯវត្ថុតាង សមត្ថកិច្ចយកទៅរក្សាទុកនៅប៉ុស្តិ៍អូរគ្រៀង ៕