ខេត្តកំពង់ស្ពឺ៖ មជ្ឈដ្ឋានប្រជាពលរដ្ឋបានធ្វើការរិះគន់លោកខន សុខុមនាយកដែនជម្រកសត្វព្រៃឱរាល់និងលោកកង ញឹបប្រធានស្នាក់ការ បរិស្ថាននៅចំណុចស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺថាបានឃុបឃិតបើកភ្លើងខៀវឱ្យក្រុមឈ្មួញដឹកជញ្ជូនឈើប្រណិតចេញពីដែនជម្រកសត្វព្រៃឱរ៉ាល់ខេត្តពោធ៌សាត់ ឆ្លងកាត់ មុខស្នាក់ការរបស់ខ្លួនគ្រប់គ្រង ទាំងយប់ ទាំងថ្ងៃ ចូលក្នុងស្រុកឱរ៉ាល់ខេត្តកំពង់ស្ពឺបានដោយសេរីគ្មានការបង្ក្រាបជាថ្នូរនិងការទទួលយកលុយរាប់ពាន់ដុល្លាក្នុង១ខែៗ។
ប្រភពពីប្រជាពលរដ្ឋបានប្រាប់សារព័ត៌មាន យើងឱ្យដឹងថា:នៅតាមដងផ្លូវចេញពីដែនជម្រកសត្វព្រៃឱរ៉ាល់ឆ្លងកាត់ភូមិស្រែកិន ឃុំត្រពាំជោរ និងច្រកជាំ ច្រកអូត្រាវស្រុកឱរ៉ាល់ ខេត្តកំពង់ស្ពឺជារៀងរាល់យប់ រាល់ថ្ងៃ មានឈ្មួញដឹកឈើប្រណិតតាមគោយន្តកន្រៃ្ដនិងរថយន្យកូរេជាច្រើនគ្រឿងដែលគេបានបង្ហើបប្រាប់ថា៖ជារបស់ក្រុមមេឈ្មួញឈើដែលគេស្គាល់ឈ្មោះ មេឈ្មួញជើងខ្លាំងចំនួន3នាក់ទី1.ឈ្មោះហាក់ ទី2.ឈ្មោះម៉ាន ទី3ឈ្មោះសាត សុងឃី ហៅ(អាម្រេច)មេឈ្មួញដុះស្លែរទាំង3នាក់ខាងលើនេះបាននឹងកំពង់ធ្វើសកម្មភាពយ៉ាងសកម្មដឹកជញ្ជូនឈើប្រណិតប្រភេទឈើធ្នង់ និងឈើរាជថ្កុលមុខកាត់ធំៗបានយ៉ាងរលូនដែលប្រជាពលរដ្ឋលើកឡើងថា:ជាឆ្នាំងបាយរបស់មន្ត្រីបរិស្ថានគឺលោកខន សុខុមនិងលោក កង ញឹប។
ប្រភពប្រភពដដែលបានបន្តថា៖ ការចរាចរណ៍ដឹកជញ្ជូនឈើខាងលើបានដោយរលូនបែបនេះខន សុខុមនិងលោកកង ញឹបតម្រូវឱ្យបង់លុយគោយន្តដឹកឈើធ្នុងឬឈើរាជថ្កុល ១គ្រឿងៗពី៤០ម៉ឺនទៅ៦០ម៉ឺនរៀល គោយន្តកន្ត្រៃដឹកឈើមូលឬឈើគ្រឿង១គ្រឿងបង់ឱ្យពី២០ម៉ឺនទៅ៤០ម៉ឺនរៀលគោយន្តដឹកអុសឬរថយន្តកូរេដឹកអុសនិងជន្លង់ម្រេច1គ្រឿងបង់១០ម៉ឺនទៅ២០ម៉ឺនរៀលទើបចេញបាន។
ប្រភពបែកធ្លាយដដែលបានបន្តថា:លោកខន សុខុមនិងលោកកង ញឹបបានប្រមូលលុយពីបទល្មើសព្រៃឈើក្នុង១ខែៗយ៉ាងតិចចាប់ពី៤ពាន់ទៅ៥ពាន់ដុល្លាប៉ុន្តែមន្ត្រីក្រោមឱវាទទទួលបានតិចតួចបំផុត។ ប្រភពបានបង្ហើបបន្ថែមថា:លោកខន សុខុមនិងលោកកង ញឹបបានត្រូវរ៉ូវចែកផលប្រយោជន៍ទៅមេៗថ្នាក់លើជាពិសេសគឺត្រូវរ៉ូវជាមួយលោកខនសុខុមនាយកដែនជម្រកឱរ៉ាល់និងលោកប្រធានមន្ទីបរិស្ថានខេត្តកំពង់ស្ពឺទើបលោកខន សុខុមនិងលោកកង ញឹបប្រព្រឹតអំពើពុករលួយនិងកំពង់អនុវត្តផ្ទុយទៅហ្នឹងបទបញ្ជារបស់រដ្ឋាភិបាលបែបនេះ។
ជាក់ស្តែងអង្គការវ៉ាយអេតកាលពីវេលាម៉ោង០១និង ៣០នាទី ថ្ងៃទី២២.០៥.២០១៧ស្ទាក់ចាប់បាននៅក្បែរស្នាក់ការដែនជម្ស្រត្វព្រៃភ្នំឱរ៉ាល់តែម្តងនូវឈើធ្នង់ជាច្រើនដុំដែលឈ្មួញបានបន្លំដឹកតាមឡានបែនចេញពីដែនជម្រកសត្វព្រៃភ្នំឱរ៉ាល់ទៅក្រុងច្បារមន នៅតាមផ្លូវជាតិលេខ ៤៤ នៅចំណុចភូមិផ្សារកន្ទួត ឃុំសង្កែសាទប ស្រុកឱរ៉ាល់ខេត្តកំពង់ស្ពឺ។
ប្រភពពីមន្ត្រីអង្គការវ៉ាយអេដប្រាប់ថា៖រថយន្តដែលខាងអង្គការឃាត់បានជារថយន្តម៉ាកនីស្សាន់(បែន ចំណុះ៥តោន) ពណ៌ស ពាក់ស្លាកលេខ ចង្កូតស្តាំ KPS.0396 ដឹកឈើប្រភេទធ្នង់ ជាច្រើនដុំពេញទ្រុងរថយន្ត តែអ្នកបើកបរចុះរត់គេចខ្លួនបាត់ ។បច្ចុប្បន្ន ឈើដែលមិនទាន់បានវ៉ាស់វែងនៅទ្បើយ ត្រូវបានយកមករក្សាទុកនៅ ស្នាក់ការអង្គការវ៉ាយអេត ស្ថិតនៅឃុំចំបក់ ស្រុកភ្នំស្រួច ខេត្តកំពង់ស្ពឺ ។
ប្រជាពលរថ្ឋបានលើកឡើងថាវាមិនមែនលើកទី១ទេដែលការបង្ក្រាបឈើរបស់សមត្ថកិច្ចផ្សេងៗធ្វើឡើងក្នុងដែនជំរកសត្វព្រៃភ្នំឱរ៉ាល់នេះ។មិនដឹងថាតើអស់លោកមន្ត្រីឧទ្យានុរ័ក្សដែលលោកសាយសំអាល់រដ្ឋមន្ត្រីក្រសួងបរិស្ថានដាក់មកអោយបំរើការងារដើម្បីការពារព្រៃឈើវល់កិច្ចការអ្វីខ្លះនោះទេទើបបានជាឈ្មួញដឹកឈើចេញពីដែនជំរកសត្វព្រៃភ្នំឱរ៉ាល់ដែលជាដែនសមត្ថកិច្ចរបស់ខ្លួនទាំងថ្ងៃបានយ៉ាងរំភើយបែបនេះ?។
រឿងដែលគួរឲ្យហួសចិត្តនៅត្រង់ថា៖សមត្ថកិច្ចបានស្គាល់និងដឹងមុខសញ្ញាឈ្មួញទាំងនោះច្បាស់ណាស់តែគេមិនចង់ចាប់មនុស្សដាក់គុកទេគឺយកតែឡាននិងឈើរឹបអូសជាសម្បត្តិរដ្ឋគឺគ្រប់គ្រាន់ហើយ!។នេះបើតាមមន្ត្រីនគរបាលមួយរូបសុំមិនបញ្ចេញឈ្មោះប្រាប់។បើចឹងមែននោះមិនយូរនោះទេព្រៃឈើក្នុងដែនជំរកសត្វព្រៃច្បាស់ជារលាយហិនហោចជាក់ជាមិនខានឡើយដោយសារតែភាពខ្វះមនសិការរបស់ក្រុមមន្ត្រីឧទ្យានុរ័ក្សនៃដែនជំរកសត្វព្រៃភ្នំឱរ៉ាល់នេះនិងភាពគ្មានទោសដែលសមត្តកិច្ចបន្ធូបន្ថយដៃ។
ជុំវិញករណីការចោទប្រកាន់ខាងលើនេះសារព័ត៌មានយើងមិនអាចសុំការបកស្រាយពីលោកខន សុខុមនិងលោកកង ញឹបបាននៅឡើយទេ ដោយទូរសព្ទ័របស់លោកមិនអាចទំនាក់ទំនងបាន។សារព័ត៌មាន យើង រងចាំធ្វើការបកស្រាយរាល់ម៉ោងធ្វើការជានិច្ច ៕
