បាត់ដំបង ៖ ចូលដល់ខែឧសភារៀងរាល់ឆ្នាំពពួកអ្នកញៀនលេងល្បែងភ្នាល់ ទឹកភ្លៀងនៅខេត្តបាត់ដំបងភ្លូកទឹកភ្លូកដី នាំគ្នាលេងភ្នាល់ដាក់ លុយរាប់ពាន់ដុល្លារ ស្ថិតនៅ ភូមិស្រែ១០០ សង្កាត់ស្រែចារ ក្រុងបាត់ដំបង និងកំពុងពង្រឹង សាខាភ្នាល់បន្ថែមទៀត នៅតាម ផ្សារទូទាំងខេត្តបាត់ ដំបងតែម្តងដោយគ្មានខ្លាចញញើតអាជ្ញាធរមានសមត្តកិច្ច នៃ អាណាចក្រដែលចៅហ្វាយខេត្តទទួលបានការសសើរពីនាយករដ្ឋមន្ត្រីថា ៖ ជាចៅហ្វាយខេត្តគំរូនោះអីទិច!។ដោយសារតែល្បែងភ្នាល់ ទឹកភ្លៀងក្លាយជាល្បែងដ៏ពេញនិយមរបស់ អ្នកញៀនល្បែងនៅក្រុងបាត់ដំបង ខេត្តបាត់ដំបងចឹងហើយបានជាមេបនល្បែងមួយនេះត្រូវបានគេស្គាល់ជាទូទៅថាឈ្មោះ តាល់ និងឈ្មោះ ហេងព្រោះម្សៀពីនាក់នេះគឺ ជាប្រភពនាំមកនៅអំពើទុច្ចរិតបង្កើតឲ្យមានបទល្មើសក្នុងសង្គម។
មេខ្លោងឈ្មោះតាល់និងត្នោតជុំបើកល្បែងលេងទឹកភ្លៀងយ៉ាងចំហរមិនមានការរំខានដល់កងកម្លាំងមានសមត្ថកិច្ច និងអាជ្ញាធរ ខេត្តបាត់ដំបងឡើយ។ ជារៀងរាល់ឆ្នាំក្រុមញៀនល្បែងលេងទឹកភ្លៀង ក្នុងក្រុងបាត់ដំបង បានប្រាប់ឱ្យដឹងថា ជាទូទៅមេល្បែងទឹកភ្លៀង ចាប់ផ្ដើមលេងចាប់ពី ខែឧសភា រហូតអស់ទឹកភ្លៀង។ ចំណែកសមត្ថកិច្ចគ្រប់ស្ថាប័ន អាជ្ញាធរគ្រប់លំដាប់ថ្នាក់ក្នុងខេត្តបាត់ដំបង តាំងពីចៅហ្វាយខេត្តដែលជាប្រធានគណបញ្ជាការឯកភាពខេត្តរហូត ដល់ស្ថាប័នតុលាការផងនោះគ្មានអ្នកណាម្នាក់មាត់កអីឡើយដែលធ្វើឲ្យគេជឿថា ត្រូវបានមេល្បែងទឹកភ្លៀងរៀបចំទុកដាក់ស្រោមសំបុត្រតាមជំនាញអស់ហើយព្រោះគេមានចំណូលរាប់សែនដុល្លារពីបនល្បែងនេះ ។
ស្នងការនគរបាលខេត្តបាត់ដំបង លោក ស ថេត បានដិសេធសំណួរអ្នកកាសែតក្នុងស្រុកចំពោះការចោទប្រកាន់នេះ ។ លោកបានឌឺវិញថា«យើងគិតតែពីបង្ក្រាបមើលនៅភ្នំពេញមើល ប៉ុន្មានសួរមើលនៅភ្នំពេញ ធ្វើបានស្អាតនៅហើយនៅនេះបង្ក្រាបរហូតបានថាពួកហ្នឹងវាទៅមានភស្តុតាងណាដើម្បីយើងចុះទៅ បើវាលេងតែតាមទូរស័ព្ទអីហ្នឹង។ លោកសថេតវាយបកកាសែតវិញថា៖ខ្ញុំគ្មានការពាក់ព័ន្ធអីទេ ការចុះដោយគ្មានមូលដ្ឋានចឹង ឡូវធ្វើសិក្សាស្រាវជ្រាវឡើងវិញបាន។
ខ្ញុំដឹងហើយប៉ុន្តែសិក្សាទៀតមើល! សួរថាសមត្ថកិច្ចខិតខំបង្ក្រាបដែលឬអត់ ហើយយើងសំខាន់បុកមកតែខេត្តមួយចុះនៅរាជធានីភ្នំពេញគិតម៉េចយ៉ាងម៉េចដែរ? ។ យើងខ្ញុំអនុវត្តទៅតាមបទបញ្ជារបស់អគ្គ របស់ក្រសួងរហូតដល់ប្រមុខរដ្ឋាភិបាលពីល្បែងស៊ីសងគ្រប់ប្រភេទមិនមែនតាអាហ្នឹងទេ។ អានេះវាទៅជាទំនៀមទម្លាប់ ហើយទៅលេងណាមានភស្តុតាង ដើម្បីឲ្យយើងទៅចាប់ទៅអីបាន ដូចល្បែងអាប៉ោង ល្បែងអីផ្សេង យើងខ្ញុំខិតខំហើយ សូមពិចារណាឡើងវិញ ឃើញសិក្សាទៅបើថាមានភស្តុតាងយើងធ្វើតាមច្បាប់ទៅ»ប្រ។ស្តាប់ទៅពិរោះគួរសមព្រោះនិយាយបានល្អតាមជំនាញ។
ប្រភពពីអ្នកលេងល្បែងភ្នាល់ទឹកភ្លៀងបានប្រាប់ថា៖ ល្បែងភ្នាល់ទឹកភ្លៀង នៅខេត្តបាត់ដំបង គេបង្កើតការិយាល័យ (កន្លែងចាក់ភ្នាល់) បើកចំហរតែម្តង គ្មានអ្វីជាអាថ៌កំបាំង សម្រាប់បិទបាំងភ្នែកសមត្ថកិច្ច ស្នងការនគរបាលខេត្ត និងមេប៉េអឹមខេត្តបាត់ដំបងនោះទេ បើសិនបើគ្មានការឃុបឃិតដើម្បីតែផលប្រយោជន៍ផ្ទាល់ខ្លួននោះ។ គោលគោលនយោបាយភូមិ-ឃុំមានសុវត្ថិភាព របស់រាជរដ្ឋាភិបាល និងស្រមតាមបទបញ្ជា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ គឺតម្រូវឱ្យលប់បំបាត់ល្បែង ស៊ីសង គ្រប់ប្រភេទទាំងប្រទេស ព្រោះល្បែងស៊ីសងជាប្រភព នៃការបង្កឱ្យមានបទល្មើសដូចជា ៖ ករណីចោរកម្ម ,លួច ,ឆក់ ,និងប្លន់ប្រដាប់អាវុធ ដូច្នេះដើម្បីរក្សាសុខសុវត្ថិភាព ធានាដល់ភូមិ ឃុំមានសុវត្ថិភាព សមត្ថកិច្ចគ្រប់លំដាប់ថ្នាក់ ត្រូវតែសហការគ្នាទប់ស្កាត់ បង្ក្រាប់រាលល្បែងស៊ីគ្រប់ប្រភេទឱ្យមានប្រសិទ្ធភាពតែម្តង។
ក្រុមអ្នកលេងល្បែងពេលឈ្នះបានលុយសប្បាយរីករាយផឹកស៊ី ។ចំណែក ទីតាំងដែលជនសង្គមងងឹតបើកល្បែងភ្នាល់ចាក់ទឹកភ្លៀង ហើយធ្វើឲ្យពលរដ្ឋម្ចាស់ឆ្នោតក្តៅក្រហាយ នេះស្ថិតនៅក្រោយវត្តទួលដូនប៉ុក ភូមិអូរចារ សង្កាត់អូចារ ក្រុងបាត់ដំបង និងនៅវាលស្រែ ១០០ ភូមិចំការ សំអោង សង្កាត់ចំការសំអោង ក្រុងបាត់ដំបងនិងផ្សារបឹងឈូកតែម្តង។
សូមបញ្ជាក់ដែរថា៖កាលពីព្រឹកថ្ងៃទី២១កក្កដាឆ្នាំ២០១៦ សម្ដេចនាយក រដ្ឋមន្ត្រីតេជោ ហ៊ុន សែន បានបន្តសរសើរ និងលើកពីគុណសម្បត្តិលោក ច័ន្ទ សុផល អភិបាលខេត្តបាត់ដំបងជាថ្មីម្តងទៀត ដោយសម្ដេចចាត់ទុកថា ជាថ្នាក់ដឹកនាំខេត្តដ៏ល្អនិងអនុវត្តការងារដែលបម្រើផលប្រយោជន៍ ប្រជាពលរដ្ឋយ៉ាងពិតប្រាកដ។
ថ្លែងចំពោះមុខមន្ត្រីបក្សនៅសាលាខេត្ត ប្រមុខរាជរដ្ឋាភិបាលកម្ពុជា បានបន្ថែមថា បើសិនជាមានអភិបាលខេត្ត មានអភិបាលស្រុក អភិបាលក្រុង អភិបាលខណ្ឌល្អនោះ ការដោះស្រាយបញ្ហាប្រជាពលរដ្ឋនឹងប្រព្រឹត្តិទៅបានល្អ ដោយមិនចាំបាច់នាំការអំពុលទុក្ខ ដល់នាយករដ្ឋមន្ត្រី «ឈឺក្បាល»ឡើយ។ក្រោយពីការសសើត្រូវបានចេញផ្សាយតាមបណ្តាញឃោសនាធ្វើឲ្យប្រជាពលរដ្ឋលើកខេត្តបាត់ដំបងសើចហើយលើកជាសំណួរថា៖តើសម្តេចហ៊ុនសែនមានដឹងថានៅក្នុងអាណាចក្របើកល្បែងស៊ីសងខុសច្បាប់ផ្ទុយពីគោលនយោបាយភូមិឃុំមានសុវត្ថភាពដែរអត់?។តាំងពីពេលនោះមកដល់ពេលនេះល្បែងស៊ីសងនៅក្នុងអាណាចក្រខេត្តបាត់ដំបងគ្មានអ្វីប្រែប្រួលឡើយ។
ដូចគ្នានិងលោកឧត្តមសេនីយ៍សថេតដែរ លោកចាន់សុផលធ្លាប់បានអះអាងថា៖លោកមិនបានទៅពាក់ព័ន្ធនឹងរឿងកំប៉ិចកំប៉ុកនេះទេ ហើយលោកមាន ប្រសាសន៍ បន្ថែមថា “ល្បែងនេះកើតជាទម្លាប់យូរមកហើយ”។
ដោយឡែក ក្រៅបើកឲ្យមានល្បែងស៊ីសងក្នុងអាណាចក្រខេត្តបាត់ដំបងលោកចាន់សុផល ក៏ធ្លាប់បានចេញមុខការពារចៅហ្វាយស្រុកថ្មគោលដែលជាប់សង្ស័យថាប្រព្រឹត្តអំពើពុករលួយកឹបកេងប្រាក់មួយចំនួននៃថវិកា៧០លានរៀល (១៧.៥០០ដុល្លារ) ដែលទុកសម្រាប់សាងសង់ផ្លូវពីរខ្សែ ដោយបដិសេធមិនឲ្យអង្គភាពប្រឆាំងអំពើរពុករលួយស៊ើបអង្កេតករណីនេះ ឡើយដោយលោកចាន់សុផលនិយាយថាចៅហ្វាយស្រុកថ្មគោលជាកូនចៅរបស់លោកចឹងលោកមានភារកិច្ចធ្វើការងារនេះដោយមិនចាំបាច់មានអង្គភាពប្រឆាំងពុករលួយទេ(ស៊ិក)។
ផ្ទុយទៅវិញ ច្បាប់ប្រឆាំងនិងអំពើពុករលួយមាត្រា១៣មាត្រា២២មាត្រា ២៧បានប្រគល់សិទ្ធឲ្យតែអង្គភាពនិងមន្ត្រីនៃអង្គភាពប្រឆាំង អំពើពុករលួយតែមួយគត់មានភារកិច្ចធ្វើការងារស្រាវជ្រាវស៊ើបអង្កេត បទល្មើសពុករលួយ ។ ការប្រឆាំងត្រូវមានទោស។ដោយសាអង្គភាពប្រឆាំងអំពើអុករលួយអត់ហ៊ានប៉ះចឹង
អាជ្ញាធរខេត្តបាត់ដំបងរបស់លោកប្រាជ្ញចន្ទ័ក៏ម៉ាបាវហ្ម៉ងទៅ!៕
