ខេត្តពោធិ៍សាត់៖ កម្លាំងស្រាវជ្រាវ និងបង្ក្រាបបទល្មើសធនធានធម្មជាតិនៃកងរាជអារវុធហត្ថលើផ្ទៃប្រទេស ត្រូវបានក្រុមអ្នកអារឈើព័ទ្ធវាយ និងយកដុំថ្មគប់តម្រូវឲ្យរត់គេចយករួចខ្លួនថ្ងៃទី២០ ខែឧសភា ឆ្នាំ២០១៧។មន្ត្រីអាវុធហត្ថដែលត្រូវពួគប្រព្រឹត្តបទល្មើសព្រៃឈើដេញវ៉ៃគឺពេលខណៈកំពុងបន្លំខ្លួនជាមួយពលរដ្ឋចុះស្រាវជ្រាវបទល្មើដធនធានធម្មជាតិ ។
បន្ទាប់មកបាន នាំឲ្យកងកម្លាំងប្រដាប់អាវុធកងរាជអាវុធហត្ថច្រើននាក់ដាក់ពង្រាយកម្លាំងតាមមាត់ព្រៃ ដើម្បីត្រៀមបង្ក្រាបនៅ នេះ ។ប្រភពរាយការណ៍នៅល្ងាចថ្ងៃទី២០ ខែឧសភា ឆ្នាំ២០១៧ នេះថា មានកម្លាំងស្រាវជ្រាវ និងបង្ក្រាបបទល្មើសធនធានធម្មជាតិកងរាជអារវុធហត្ថលើផ្ទៃប្រទេសចំនួន ០១នាក់ បានបន្លំខ្លួនជាមួយប្រជាពលរដ្ឋដើម្បីចូលព្រៃរុករកបទល្មើស គ្រានោះក៍បានប្រទះឃើញសកម្មភាពក្រុមប្រព្រិត្តបទល្មើសជាក់ស្តែង កំពុងធ្វើសកម្មភាពអារប្តួលរលំ និងអារច្រៀកច្រើនកន្លែង ខណៈនោះក៏បានថតផ្តិតយករូបភាពជាក់ស្តែង ទើបធ្វើឲ្យក្រុមអារឈើប្រតិកម្មព័ទវាយ និងយកដុំថ្មគប់ ធ្វើកម្លាំងស្រាវជ្រាវ និងបង្ក្រាបរួមទាំងពលរដ្ឋចំនួន ០៣នាក់ទៀតបានរត់គេចខ្លួនស្ទើរតែមិនរួច។
ក្រោយមកក៏បានធ្វើសេចក្តីរាយការណ៍ហើយប្រតិកម្មដល់កងកម្លាំងកងរាជអារវុធហត្ថខេត្តពោធិ៍សាត់ សហការជាមួយកម្លាំងលើផ្ទៃប្រទេស ចុះដាក់ពង្រាយកម្លាំងតាមមាត់ព្រៃដើម្បីត្រៀមបង្ក្រាប ។ប្រតិបត្តិការខាងលើនេះ កើតឡើងនារសៀលថ្ងៃទី២០ ខែឧសភា ឆ្នាំ២០១៧ ក្នុងព្រៃភ្នំត្រង់ចំណុចស្ទឹងអន្លង់ឃូត ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ៕