ភ្នំពេញ ៖ នាយហុងដា និងនាងឃ្មឹប អតីតប្តីប្រពន្ធមួយគូនេះបានផ្ទុះពាក្យសម្តីឌឺដងដាក់គ្នាពេលដែលកូនប្រុសត្រូវចាប់ខ្លួនដោយសារជាប់ពាក់ពន្ធរឿងធ្វើឃាតប្រពន្ធក្រោយរបស់នាយហុងដានាងស៊ឹម ចាន់ធី អាយុ១៨ឆ្នាំ ដែលជាតារាកំប្លែងដែរ ។ ពេលមកមើលកូនប្រុសដែលត្រូវប៉េអឹមចាប់ខ្លួនព្រោះរឿងសម្លាប់ប្រពន្ធក្រោយនាយហុងដាអ្នកនាងខ្មឹបឈ្មោះពិតថា រ៉េន សុធារី បានរៀបរាប់ប្រាប់ទូរទ្សន៍ថា៖មូលហេតុនាងលែងលះជាមួយនាយហុងដាដោយសារតែលោកហុង ដា វក់នឹងល្បែង និងមានស្រីថែមទៀត ទើបនាងមិនអាចរស់នៅនាយហុងដាបាន ។ អ្នកនាងឃ្មឹបដែលជាប្រពន្ធទីមួយហើយបច្ចុប្បន្នរស់នៅក្នុងស្ថានភាពតោកយ៉ាកនៅខេត្តបន្ទាយមានជ័យបានអំពាវនាវសុំសប្បុរសជនជួយក៏បានបញ្ជាក់ថា៖នាងមិនបានផិតក្បត់ទេហើយក្រោយពីលែងលះជាមួយហុងដារួច ៤ ឆ្នាំក្រោយទើបនាងរៀបការម្តងទៀត។
នាងបានត្អួញត្អែរពីទុក្ខលំបាកមិនមានថវិកាផ្គត់ផ្គង់ជីវភាព ហើយមកនេះគ្រាន់តែចង់មើលកូនប្រុសតែប៉ុណ្ណោះ ។ ទោះបីយ៉ាងណាក្នុងពេលធ្វើបុណ្យ៧ថ្ងៃ ប្រតិកម្មចំពោះអតីតប្រពន្ធដើម ដែលបរិហារ្តិ៍ថាខ្លួនជាមនុស្សខឹលខូចមានស្រីវក់ល្បែងនាយហុងដា ដែលកោក្បាលកាន់ទុក្ខប្រពន្ធក្មេងដែលត្រូវកូនខ្លួនឯង(ឈ្មោះថារី សុខខេនអាយុ១៧ឆ្នាំ)សម្លាប់ដោយរឹតកនិងខ្សែឆ្នាំងអ៊ុតបាននិយាយខ្លីថាកុហកគេបានតែមិនអាចកុហកខ្លួនឯងបានឡើយ។
នាយហុងដាបានអំពាវនាវសុំឲ្យឈប់ទុក្ខឲ្យគេបានសុខផងដែរ។ “យើងអាចកុហកគេបាន ប៉ុន្តែមិនអាចកុហកខ្លួនឯងបានទេ ហើយទុកផ្លូវខ្លួនសំរាប់ខ្លួនឯងទៅ កុំព្យាយាមបំផ្លាញអ្នកដទៃដើម្បីសេចក្តីសុខរបស់ខ្លួនឯងទៅ”។នាយហុងដាក៏បានឲ្យដឹងថានាយនឹងបោះបង់ខុនដូស្ថិតនៅភូមិតាឡីសង្កាត់ដង្កោខណ្ឌដង្កោរាជធានីភ្នំពេញដែលខ្លួននិងប្រពន្ធក្រោយឈ្មោះស៊ឹម ចាន់ធី អាយុ១៨ឆ្នាំ មានទីលំនៅក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យទិញរួមគ្នាហើយទៅនៅកន្លែងផ្សែងផងដែរ។
សូមបញ្ជាក់ដែរថា៖នាយ ហុងដា ក្នុងវ័យ៤៥ឆ្នាំឈ្មោះពិតលោកអឿន សុខា ជាតារាចម្រៀងនិងកំប្លែងជាមួយក្រុមនាយកុយ ។ គាត់ជា អតីតជាអ្នកសិល្បៈល្ខោនបាសាក់ តវង្សត្រកូលតាំងពីជីតាមក ។ នាយបានចូលប្រឡូកក្នុងវិស័យសិល្បៈតាំងពីឆ្នាំ១៩៧៩ ដែលកាលនោះជីតារបស់នាយជាតួយក្ស ឪពុកនិងម្តាយជាតួឯក ក្នុងក្រុមល្ខោនបាសាក់បាក់ ស្រេងព្រួញមាស ។
នៅឆ្នាំ២០០០ នាយហុងដា បានចូលប្រឡូកក្នុងវិស័យសិល្បៈចម្រៀងសម័យ និងសម្តែង ។ នៅពេលនាយ បានចូលរួមសម្តែងកំប្លែងជាមួយក្រុមនាយកុយ ក្នុងអំឡុងឆ្នាំ២០០៧-២០០៨ នាយក៏មានភាពលេចធ្លោទទួលការគាំទ្រពីប្រិយមិត្តទស្សនិកជនរហូតទទួលកេរ្តិ៍ឈ្មោះល្បី ។ នាយហុងដា ជួបប្រទះរឿងរ៉ាវស្នេហាបែកបាក់ជាមួយប្រពន្ធ គឺនាងរ៉េន សុធារី ហៅនាងឃ្មឹប កាលពីឆ្នាំ២០១០ ក្រោយឈ្លោះគ្នាក្នុងនាមជាភរិយាស្វាមី ហើយបានបែកគ្នាទាំងចម្រូងចម្រាស ដោយបន្សល់ទុកនូវកូនប្រុសពីរនាក់ ។
តារាកំប្លែងនាង រ៉េន សុធារី ហៅ ឃ្មឹប ឫខ្សុច មានវ័យប្រមាណជា៣៥ឆ្នាំ ។ ឃ្មឹប បានចូលប្រឡូកក្នុងពិភពសិល្បៈតាំងពីឆ្នាំ១៩៩៩មក តាមរយៈឪពុករបស់នាងគឺនាយ ជី វ៉ាន់ស៊ុយ ដែលបានទទួលមរណភាពហើយ ។ នាង ឃ្មឹប បានរៀបការជាមួយនឹងនាយ ហុងដា ជារាមច្បងរួមក្រុម ហើយបង្កើតបានកូនទាំង២ ក្រោយរស់នៅជាមួយគ្នាជាប្តីប្រពន្ធអស់រយៈពេល១២ឆ្នាំ ។
នាង រ៉េន សុធារី ការមានឱកាសសំដែងញឹកញាប់ និងទេពកោសល្យធ្វើឱ្យមានការគាំទ្រពីប្រិយមិត្ដទស្សនិកជននៅទូទាំងប្រទេស រហូតធ្វើឱ្យមានកេរិ៍្ដឈ្មោះល្បីក្នុងពិភពសិល្បៈកំប្លែង ។ នាងបានចូលប្រឡូកក្នុងវិស័យសិល្បៈកំប្លែង និងចំរៀងប្រពៃណី និងសម័យតាំងពីកុមារភាពមក ដោយដំបូងច្រៀងជាមួយឪពុកនាង អ្នកចំរៀងអាយ៉ៃឆ្លើងឆ្លង ។ ពេលពេញវ័យ នាងបានរៀបការជាមួយលោកអឿន សុខា ហៅនាយ ហុងដានៅឆ្នាំ២០០០ ។
ពួកគេមានកូនប្រុស២នាក់ គឺកូនទី១-ឈ្មោះថារី សុខខេន គិតមកដល់២០១៧នេះ អាយុប្រហែល១៧ឆ្នាំ និងទី២-ឈ្មោះថារី សុខខេម អាយុ៩ឆ្នាំ ។ ខណៈទទួលជោគជ័យក្នុងអាជីពសិល្បៈកំប្លែង នៅឆ្នាំ២០០៩ អ្នកទាំងពីរចាប់ផ្ដើមរកាំរកូសនឹងគ្នាដោយមានការសង្ស័យប្រចណ្ឌគ្នាទៅវិញទៅមកជាញឹកញាប់ ។ រហូតដល់ដើមឆ្នាំ២០១០ អ្នកទាំង២ បានចែកផ្លូវគ្នាដើរដោយលែងលះគ្នា ហើយនាយ ហុងដា ជ្រើសរើសយកកូនប្រុសច្បងទៅចិញ្ចឹម រីឯនាងឃ្មឹបយកកូនប្រុសប្អូនទៅចិញ្ចឹម ។
យុវជនថារី សុខខេនជាជនសង្ស័យបានសារភាពជាមួយសមត្តកិច្ចថា៖មូលហេតុនៃការសម្លាប់គឺដោយសាខឹងម្តាយចុងស្តីបន្ទោសនិងម៉យាងខ្លួនញៀនថ្នាំផង។ករណីយ៍នេះក្មេងស្ទាវរូបនេះអាចជាប់គុកមួយជិវិតបើតុលាកររកឃើញកំហុស។
