ក្រចេះ ៖ បុរសម្នាក់បានស្លាប់បន្ទាប់ពីមានអ្នករួមតុពេលផឹកស៊ី បានវាយមួយដៃចំសៀតថ្កាត្រូវគេដឹកទៅដល់មន្ទីរពេទ្យហើយស្លាប់។ហេតុការណ៍បានកើតឡើងនៅភូមិស្រែត្រែង២ ឃុំក្បាលដំរី ស្រុកសំបូរ ខេត្តក្រចេះកាលពីរសៀលថ្ងៃទី១៤ខែឧសភាឆ្នាំ២០១៧។
មន្ត្រីសមត្ថកិច្ចបាមឲ្យដឹងថាមុនកើតហេតុប្រហែល១២ថ្ងៃទី១៤ឧសភា ឈ្មោះចើស រីន ភេទប្រុស អាយុ៣៨ឆ្នាំទីលំនៅភូមិស្រែត្រែង២ ឃុំក្បាលដំរី ស្រុកសំបូរ ខេត្តក្រចេះនិងប្អូនថ្លៃឈ្មោះ ឆែ ដានិងគ្នីគ្នាបាននាំគ្នាផឹកស៊ីនៅលើផ្ទះឈ្មោះចើសរីន(ជនរងគ្រោះ) ពេលកំពុងផឹក ឈ្មោះ ឆែ ដាបានចុះពីលើផ្ទះបាត់មួយស្ទុះនៅវេលា ម៉ោង១៤ឈ្មោះ ឆែ ដា បានឡើងមកលើផ្ទះផឹកបន្តទៀត។
ពេលនោះឈ្មោះចើស រីន បានឡូឡា និងបោកចាននៅកន្លែងផឹកស៊ីឈ្មោះឆែ ដា ក៏បានវាយឈ្មោះចើសរីន មួយដៃចំសៀតផ្កាខាងស្ដាំ។ក្រោយពីការវាយបងប្អូនបាននាំជនរងគ្រោះទៅមន្ទីពេទ្យ។នៅវេលាម៉ោង១៥.00នាទី ប្រជាការពារភូមិ បានរាយការណ៍ មកកំលាំងនគរបាលប៉ុស្តិ៍ក្បាលដំរីថាជនរងគ្រោះស្លាប់ ។
ក្រោយពីទទួលបានការពត៌មានខាងលើភ្លាម កំលាំងនគរបាលជំនាញ និង កំលាំងប៉ុស្តិ៍ក្បាលដំរី បានចុះទៅដល់កន្លែងកើតហេតុ ហើយឃាត់ខ្លួនជនសង្ស័ឈ្មោះឆែ ដា តែម្ដង។បច្ចុប្បន្នជនសង្ស័យឈ្មោះឆែ ដា ភេទប្រុស អាយុ ១៨ឆ្នាំ ទីលំនៅភូមិស្រែត្រែង២ ឃុំក្បាលដំរី ស្រុកសំបូរ ខេត្តក្រចេ។កំពុងឃាត់ខ្លួននៅអធិការដ្ឋាននគរបាលស្រុកសំបូរ និង កសាងសំណុំរឿងតាមនីតិវិធី ៕