ខេត្តកំពង់ឆ្នាំង៖ ដីព្រៃលិចទឹកដែលជាដីព្រៃជំរកត្រីពងរាប់រយហិកតាបានរងនឹងត្រូវពួកឈ្មួញឃុបឃិតជាមួយអាជ្ញាធរនិងមន្ត្រីជំនាញធ្វើការឈូសឆាយបំផ្លិចបំផ្លាញទាំងស្រុងបើគ្មានការបង្រាបទប់ស្គាត់នោះទេ ។
សេចក្តីរាយការណ៍ពីប្រជាពលរដ្ឋបានឲ្យដឹងថា៖ផ្ទៃដីលិចទឹកដែលជាជម្រក់សម្រាប់ត្រីពងកូនដែលរងការបំផ្លាញនោះស្ថិត នៅ ចំណុច ចុងខ្សាច់ ចំណុច ព្រៃធំ ចំណុច តាព្រំ ចំណុច បឹងស្នំ ចំណុច កប់ចែស ចំណុច ខ្វែងចំណុច បឹងខ្វែងឆ្លុះ ចំណុច បឹងវាលសំណាប ចំណុច បឹងរូង ដែលស្ថិតក្នុង ឃុំ ពាមឆ្កោកស្រុកជលគីរីខេត្តកំពង់ឆ្នាំង។
ប្រជាពលរដ្ឋដែលពួកគាត់រស់នៅក្នុងឃុំពាមឆ្កោកបានប្រាប់ឲ្យដឹងថា ដីនៅចំណុចខាងលើធ្លាប់ត្រូវបានជនខឹលខូចដាក់គ្រឿងចក្រលួចឈូសឆាយអស់មួយចំនួនធំហើយកាលពីឆ្នាំកន្លងទៅដោយសារតែអាជ្ញាធរបើកដៃឲ្យ។
សព្វថ្ងៃទៀត គេដឺងថា មានឈ្មួញខ្លាំងចំនួន បីនាក់កំពុងរត់ការគ្រោងដាក់គ្រឿងចក្រចំនួន ៧ គ្រឿងដើម្បីចុះធ្វើសកម្មភាពឈូសឆាយដីនេះបន្តទៀត។
ព័ត៌មាននេះយើងរង់ចាំសរសេរលំអឹតបន្តនៅពេលក្រោយ ពេលដែលគ្រឿងចក្រចុះមកដល់ ៕
