ក្រចេះ៖ នាព្រឹកថ្ងៃទី០៩ ខែឧសភា ឆ្នាំ២០១៧ លោកវរសេនីយ៍ ឆុង តូរ៉ាន់ ត្រូវបានប្រកាសផ្ទេរភារកិច្ច តែងតាំងមុខតំណែង និងតម្លើងឋានន្តរសក្តិ ជាលោកវរសេនីទោ និងជាអធិការនៃអធិការរដ្ឋាននគរបាលស្រុកឆ្លូង ក្រោមអធិបតីភាពលោកឧត្តមសេនីយ៍ត្រី អ៊ំ ភី ស្នងការរងនៃស្នងការដ្ឋាននគរបាលខេត្តក្រចេះ។
មានប្រសាសន៍សំណេះសំណាលនាឱកាសនោះ លោកឧត្តមសេនីយ៍ត្រី អ៊ំ ភី ស្នងការរងនៃគរបាលខេត្ត បានធ្វើការកោតសរសើនឹងវាយតម្លៃខ្ពស់ចំពោះការខិតខំប្រឹងប្រែងរបស់កងកម្លាំងនាយនគរបាលគ្រប់រូប ដែលបានលះបង់ទាំងកម្លាំងកាយចិត្ត និងពេលវេលា ដើម្បីបម្រើជាតិមាតុភូមិ ក្នុងការការរពារសន្តិសុខសណ្ដាប់ធ្នាប់សង្គម និងផលប្រយោជន៍សាធារណៈ ជូនប្រជាពលរដ្ឋ ។
លោកឧត្តមសេនីយ៍ស្នងការរង បានបន្តថា ពិធីប្រកាសចូលកាន់តំណែងជាអធិការស្រុកនាពេលនេះ គឺជាការដាក់បន្ទុក់អំរ៉ែកការងារដ៏ធ្ងន់មួយបន្ថែមពីមុខងារនឹងតួនាទីជាអធិការស្រុក ។
លោកឧត្តមសេមីយ៍ បានលើកឡើងថា បញ្ហាថ្នាំញៀន គឺជាបញ្ហាក្ដៅគគុក នៅទូទាំងប្រទេស ដោយឡែងសម្រាប់ខេត្តក្រចេះ ក៏ដូចជាស្រុកឆ្លូង និងស្រុកឯទៀតផងដែរ ។
ដូច្នេះមន្ត្រីនគរបាលត្រូវក្ដាប់មុខសញ្ញាអ្នកជួញដូរនឹងប្រើប្រាស់គ្រឿងញៀនឲ្យបានច្បាស់ទាំងមុខសញ្ញាចាស់ និងមុខសញ្ញាថ្មី ជាពិសេសការក្ដាប់នូវតំបន់ភូមិសាស្ត្រនៅមូលដ្ឋានដើម្បីងាយស្រួល និងចុះបង្ក្រាបបានទាន់ពេលវេលានៅពេលមានបទល្មើសកើតឡើង ។
លោកឧត្តមសេមីយ៍ អ៊ំ ភី បានធ្វើការណែនាំ និងជម្រុញដល់មន្ត្រីនគរបាលទាំងអស់ត្រូវមានសាមគ្គីភាព ឯកភាពផ្ទៃក្នុង គោរពរវិន័យ បទបញ្ជានឹងតួនាទីភារកិច្ច មិនត្រូវប្រកាន់បក្ខពួកឬធ្វើការងារមិនស្ដាប់មេដោយអាងអ្នកធំឡើយ ។ មន្ត្រីនគរបាល ត្រូវបម្រើការពារសន្តិសុខសណ្ដាប់សាធារណៈធ្នាប់សង្គម និងផលប្រយោជន៍ជូនប្រជាពលរដ្ឋ និងបម្រើការពារជាតិ សាសនា ព្រះមហាក្សត្រ និងរដ្ឋាភិបាលស្របច្បាប់ ។
លោកឧត្តមសេមីយ៍ស្នងការរង បានបន្តជម្រុញដល់មន្ត្រីនគរបាល ត្រូវបង្កើនសមត្ថភាពក្នុងការទប់ស្កាត់ និងបង្ក្រាបបទល្មើសជួញដូរមនុស្ស ការធ្វើចំណាកស្រុកដោយខុសច្បាប់ បន្តពង្រឹងអនុវត្តគោលនយោបាយភូមិឃុំមានសុវត្ដិភាព ត្រូវបង្កើនការប្រុងប្រយ័ត្នគ្រប់ពេលវេលា ដាក់វេនល្បាតនៅតាមចំណុចគោលដៅនីមួយៗ ការក្ដាប់មុខសញ្ញាជនល្មើសចុះអប់រំផ្សព្វផ្សាយឲ្យបានទូលំទូលាយអំពី ករណីអំពើហឹង្សាក្នុងគ្រួសារ និងចុះបង្ក្រាបបទល្មើសល្បែងស៊ីសង់ និងបទល្មើសផ្សេងៗឲ្យកាន់តែមានប្រសិទ្ធភាព ធ្វើឲ្យប្រជាពលរដ្ឋមានទំនុកចិត្តមកលើមន្ត្រីនគរបាល ៕
