ខេត្តបាត់ដំបង ៖ បទល្មើសច្រើន ដូចជាការនាំចេញម៉ូតូសេរីថ្មីៗ ប្រេងម៉ាស៊ីន និងគ្រឿងបន្លាស់ជាច្រើនប្រភេទទៀត បានសំរុកនាំចូលតាមច្រកភ្នំដី ខេត្តបាត់ដំបង ដែលហាក់ដូចជាគ្មានសមត្ថកិច្ចអើពើ ឬមានវិធានការទប់ស្កាត់បង្ក្រាបទាល់តែសោះ ។
ឈរលើកំណែទម្រង់ស៊ីជំរៅ របស់រាជរដ្ឋាភិបាល មន្ត្រីគយត្រូវការធ្វើការផ្លាស់ប្តូរ សំដៅបង្កើននូវថវិកាពន្ធ និងទប់ស្កាត់បទល្មើសនានា តាមរយៈបក្ខពួកនិយម ។
លោក អ៊ុយ វិត អតីតៈប្រធានរដ្ឋការគយប្រចាំច្រកជាំច្រងាំ បន្ទាប់ពីបានផ្លាស់ មកកាន់ជាប្រធានរដ្ឋករគយច្រកភ្នំដី (ហៅគីឡូ១៣) ។ ចាប់តាំងពីពេលដែល លោក អ៊ុយ វិត មកកាន់ការជាប្រធានរដ្ឋាករគយប្រចាំភ្នំដីកាលណាមក គេពិនិត្យឃើញថា លោក អ៊ុយ វិត មិនមានវិធានការទប់ស្កាត់ឲ្យហ្មត់ចត់សោះឡើយ ។
ជាក់ស្តែង កាលពីនៅទី៧ ខែឧសភា ឆ្នាំ២០១៧ កន្លងទៅនេះ គេសង្កេតឃើញទំនិញគេចពន្ធសំរុកនាំចូលយ៉ាងអនាធិបតេយ្យ ។ ដូចជាការនាំចូលម៉ូតូសេរីថ្មីៗ ប្រេងម៉ាស៊ីន និងគ្រឿងបន្លាស់ជាច្រើនប្រភេទទៀត ។
ពាក់ព័ន្ធនឹងបញ្ហានេះ សារព័ត៌មានយើងមិនអាចទាក់ទងសុំការបំភ្លឺពីលោក អ៊ុយ វិត ពាក់ព័ន្ធនឹងបញ្ហានេះនៅឡើយ ។
គួរបញ្ជាក់ថា លោក ជា វុទ្ធី អតីតប្រធានរដ្ឋករគយច្រកភ្នំដី ត្រូវបានផ្លាស់ប្តូឬទៅកាន់ អនុប្រធានសាខារដ្ឋករគយខេត្តពោធិ៍សាត់ ៕
