ប៉ៃលិន ៖ លោក សំ សុវណ្ណរិទ្ធអតីមន្ត្រីគយខេត្តរតនៈគិរី ត្រូវបានប្រកាសឲ្យឡើងកាន់ជាប្រធាន សាខាគយនឹងរដ្ឋាករក្នុង ខត្តប៉ៃលិនកាលពីថ្ងៃទី២៩ ខែមិនា ឆ្នាំ២០១៧ដោយមានលោក ទី ប៊ុនឡង់មន្ត្រីគយមកពីកោះកុងមកជាអនុទទួលបន្ទុកគយច្រកទ្វារអន្តរជាតិព្រុំ។ប៉ុន្មានខែបន្ទាប់ពីការប្រកាសឲ្យចូលកាន់តំណែងដោយលោកហ៊ីវ គឹមហេង អគ្គនាយរងនៃ អគ្គនាយកដ្ឋានគយ និងរដ្ឋាករកម្ពុជានិងលោកអៀងវុធអភិបាលរងខេត្តប៉ៃលិនដែលបានស្នើសុំឲ្យលោកមេគយថ្មីខិតខំបង្កើនចំណូលពន្ធមកមាន ។
សេចក្តីរាយការណ៍ពីអាជីវករតូចតាចឲ្យដឹងថា ៖លោកសំ សុវណ្ណារិទ្ធនិងលោកទី ប៊ុនឡង់ធ្វើការងារមិនខុសគ្នាអីពីសម័យលោកទុំណូកាលនៅជាមេគយប៉ៃលិននិងលោករិតគង់កាលនៅជាមេគយច្រកព្រុំអញ្ចឹងដែរគឺការឃុបឃឺតគ្នាជាមួយឈ្មួញមានឥទ្ធិពលក្នុងខេត្តនាំចូលទំនិញគេចពន្ធ និងទំនិញបង់ពន្ធមិនគ្រប់ដដែល។
សេចក្ដីរាយការណ៍ បានឲ្យដឹងថា ក្រុមឈ្មួញជាច្រើននាក់ បានធ្វើសកម្មភាព ដឹកជញ្ជូនទំនិញ ឆ្លងកាត់ច្រកព្រំ ខេត្តប៉ៃលិន ដោយមានការ ឃុបឃិតគ្នា ជាមួយស្ថាប័នគយ ដែលគេដាក់ការសង្ស័យ ថាបានប្រព្រឹត្ត អំពើពុករលួយ យ៉ាងពេញបន្ទុក។ ក្នុងនោះឈ្មួញម្នាក់ ក្នុងចំណោមជាច្រើននាក់ទៀត ត្រូវបានគេស្គាល់ថា យាយ(ញ៉) ជាឈ្មួញដុះស្លែប្រចាំច្រកព្រំបាន នាំចូលផលិតផល ពីសត្វដែលគេហាមឃាត់ និងបង្កប់ទំនិញ គេចពន្ធ យ៉ាងគគ្រឹកគគ្រេង មិនត្រូវបាន សាខាគយនិងរដ្ឋាករ ខេត្តប៉ៃលិន និងគយច្រកព្រំ ធ្វើការបង្ក្រាបនោះឡើយ។នេះមិននិយាយពីឈ្មួញធំៗដូចជាក្រុមហ៊ុនគាធីនិងក្រុមហ៊ុនជំទាវដ៏មានអំណាចនៅខេត្តប៉ៃលិនដែលគយមិនហ៊ានក្អកជាមួយនិងដេកចាំតែទទួលលាភសក្ការៈជាជាងបង្ក្រាបនោះឡើយ។
គេបានរាយការណ៍មកថា ច្រកព្រំ ខេត្តប៉ៃលិន មានឈ្មួញជាឧកញ៉ា២រូប គឺលោក គា ធី ជានាយនគរបាលពាក់ស័ក្តិ៥នៅក្រសួងមហាផ្ទៃ និងលោក ស៊ីន ឃឹម ជាអ្នកដែលរកស៊ីដឹកជញ្ជូនទំនិញគេចពន្ធគ្រប់ប្រភេទ ក្នុងនោះគេបានបញ្ជាក់ថា ឧកញ៉ា គា ធី នាំទំនិញជាគ្រឿងអេឡិចត្រូនិក ជារថយន្តទំនើបៗកាត់ត ប៉ុន្តែបង់ពន្ធស្របច្បាប់ជាប្រភេទទំនិញចាប់ហួយ ។
ប្រការដែលស្ថាប័នគយខេត្តប៉ៃលិនទាំងសម័យលោកទុំណូរិតគង់ចូលមកដល់សម័យ លោក សំ សុវណ្ណរិទ្ធនិងលោកទីប៊ុនឡង់មិនមានការ បង្ក្រាបនូវទំនិញ គេចពន្ធរបស់ឈ្មួញធំៗបែបនេះ ទទួលរង នូវការរិះគន់ថា នាំឲ្យបាត់បង់ ចំណូលចូលថវិការរដ្ឋ ក្នុង១ខែៗ យ៉ាងច្រើនសន្ធឹកសន្ធាប់។កន្លងមកមាន សារព័ត៌មាន ក្នុងស្រុកមួយចំនួន បានចុះផ្សាយ អំពីការ បែកធ្លាយ រឿងអាស្រូវ ចំពោះការនាំ ចូលទំនិញ គេចពន្ធ ទំនិញបង្កប់ និងការបង់ពន្ធ មិនគ្រប់ជាហេតុ ធ្វើអោយបាត់ បង់ចំណូលរដ្ឋយ៉ាងច្រើន។
ប្រភពបន្ថែមថា រាល់ឈ្មួញ ដឹកជញ្ជូន ទំនិញឆ្លងកាត់ ប៉ុស្ដិ៍ច្រកព្រំ ត្រូវបាន ទំនាក់ទំនង ជាមួយសាខា គយខេត្តប៉ៃលិន និងការិយាល័យ គយច្រកព្រំ ជាប្រចាំ បើមិនដូច្នេះ ទេ មិនអាច រកស៊ីនៅ ច្រកព្រំ បានឡើយ។
ប្រភពពីមន្ត្រីគយតូចតាចនៅក្នុងខេត្តប៉ៃលិន ដែលសុំលាក់ឈ្មោះ បានឲ្យដឹងថា លោក សំ សុវណ្ណារិទ្ធ មកកាន់ដំណែង ជាប្រធានសាខាគយ ខេត្តប៉ៃលិន គឺមានកេរ្តិ៍ឈ្មោះ មិនសូវល្អ តាំងពីនៅធ្វើ ជាប្រធានសាខាគយ និងរដ្ឋាករ ខេត្តរតនៈគិរីមកម្ល៉េះ។បច្ចុប្បន្ននៅការិយាលយ័គយខេត្តប៉ៃលិននិងច្រកព្រុំគ្មានការកែប្រែអ្វីជាដុំកំភួននោះទេគឺពួគគេធ្វើតាមលំនាំចាស់របស់លោកទុំណូនិងខ្មោចលោករឹតគង់ដដែលហ្នឹងដើម្បីស្រង់ដើមសេវាដែលចំណាយក្នុងការដូប៉ុស្តិពីរតនៈគីរីមកប៉ៃលិននេះ។
ពាក់ព័ន្ធការលើកឡើង នឹងរិះគន់ខាងលើសារពិតមានយើងមិនទាន់អាចសុំកាបំភ្លឺ ពីលោក សំ សុវណ្ណារិទ្ធ ប្រធានសាខាគយនឹងរដ្ឋាករ ខេត្តប៉ៃលិនចំពើសេចក្តីរាយការណ៍ខាងលើ បានទេ ដោយគ្មានលេខទូរស័ព្ទ ធ្វើការទំនាក់ទំនង។ អង្គភាពយើងសង្ឃឹមថា៖និងមាន ការបកស្រាយពីលោក សំ សុវណ្ណារិទ្ធមេគយប៉ៃលិននិងលោកទីប៊ុនឡង់មេគយច្រកព្រុំ នៅរៀងរាលម៉ោង់ធ្វើការ។
គួរបញ្ជាក់ថា៖ យោងតាមលិខិតបង្គាប់ការលេខ០៦៥៦/១៧អ គ រ ថ្ងៃទី២៤ ខែមីនា ឆ្នាំ២០១៧ ត្រូវបានផ្ទេរភារកិច្ចមន្ត្រីរាជការ គយ និងរដ្ឋាករកម្ពុជាគឺ លោក សំ សុណ្ណារឹទ្ធ អត្តលេខ១១១៩ បច្ចុប្បន្នជាប្រធានការិយាល័យគយ និងរដ្ឋាករខេត្តរតនៈគីរី ត្រូវបានផ្ទេរភារកិច្ចអោយទៅបំពេញការងារជាប្រធានសាខាគយ និងរដ្ឋាករខេត្តប៉ៃលិន លោក ទី ប៊ុន ឡង់ អត្តលេខ១០៨២ បច្ចុប្បន្នជាអនុប្រធានការិយាល័យរដ្ឋបាល និងគ្រប់គ្រងនៃសាខាគយ និងរដ្ឋាករខេត្តកោះកុង ត្រូវបានផ្ទេរភារកិច្ចឱ្យទៅបំពេញការងារជាអនុប្រធានក្តាប់រួមនៃការិយាល័យគយនិងរដ្ឋាករព្រំ ខេត្តប៉ៃលិន និង លោក ស្រី រុន អត្តលេខ១១៦៣បច្ចុប្បន្នជាភ្នាក់ងារការិយាល័យគយនិងរដ្ឋាករភ្នំដី នៃសាខាគយនិងរដ្ឋាករខេត្តបាត់ដំបង ត្រូវបានផ្ទេរភារកិច្ចឱ្យទៅបំពេញការងារជាភ្នាក់ងារការិយាល័យគយនិងរដ្ឋាករព្រំ នៃសាខាគយនិងរដ្ឋាករខេត្តប៉ៃលិន៕
