បន្ទាយមានជ័យ៖ក្រុមពលរដ្ឋអ្នកនិយមទទួលទានសាច់ជ្រូក ប្រចាំថ្ងៃបានលើកឡើងនិងសម្តែងនូវក្តីបារម្ភខ្លាចប៉ះពាល់សុខុមាលភាពរបស់ពួកគាត់ ថ្លែងដោយទឹកមុខក្រៀមក្រំស្ត្រីកូនកាត់ចិនមានវ័យអាយុ៤៥ឆ្នាំបានប្រាប់ថា សព្វថ្ងៃនេះរូបគាត់ ពិបាកនឹងជ្រើសរើសមុខម្ហូបដើម្បីទទួលទានខ្លាំងណាស់ ព្រោះបន្លែត្រីសាច់នៅលើទីផ្សារភាគច្រើននាំចូលពីប្រទេសជិតខាង លោកស្រីថា ថ្មីៗនេះថៃគេប្រតិកម្មមិនអនុញាតឲ្យខ្មែរនាំចេញត្រីយួនចូលទៅប្រទេសគេម្តងរួចមកហើយ ហើយកាលពីប៉ុន្មានថ្ងៃនេះទៀតសោត ព័ត៌មានសង្គមហ្វេសប៊ុកបានផ្សព្វផ្សាយថា យួននាំចូលសត្វជ្រូកក្រហមដែលមានផ្ទុកមេរោគប៉ែស្ត ត្រចៀកខៀវ យកមកលក់នៅក្រុងប៉ោយប៉ែតប្រមាណជាង៤០ក្បាល ។
ពាក់ពន្ធ័និងបញ្ហានេះ ក្រុមអាជីវករអ្នកលក់សាច់ជ្រូកបានលើកឡើងថា សព្វថ្ងៃនេះ ពួកគាត់ជួលស្តង់១កន្លែងតម្លៃ៥ម៊ឺនបាត១អាណត្តិ៣ឆ្នាំ ហើយពួកគាត់ត្រូវបង់ប្រាក់ថ្លៃបាតង់១ឆ្នាំ៤០ម៉ឺនរៀល ហើយមន្ត្រីពេទ្យសត្វតម្រូវឲ្យពួកគាត់បង់ប្រាក់ចំនួន៤០ម៉ឺនរៀលទៀតថ្លៃលក់សាច់។
ក្រុមអាជីវករដដែលថា នៅខេត្តបាត់ដំបងអាជីវករគេបង់ប្រាក់ថ្លៃបាតង់អាជីវកម្មត្រឹមតែ៨ម៊ឺនរៀលទេក្នុង១ឆ្នាំ បញ្ហានេះពលរដ្ឋលោកសន្និដ្ឋានថា មន្ត្រីពេទ្យសត្វនៅក្រុងប៉ោយប៉ែត ខេត្តប/ជ អាចជាប់ជំពាក់និងអំពើពុករលួយ( យកប្រាក់ពលរដ្ឋក្រៅផ្លូវការ) ។ បែបណាក៏ដោយលោក ហ៊ុយ ទួច មន្ត្រីបសុព្យាបាលខេត្តប/ជ មិនបានលើកឡើងពីទឡ្ហ័យករណ៏ជុំវិញបញ្ហាពលរដ្ឋបារម្ភនោះឡើយ ដោយលោកហាក់ស្រពិចស្រពិលក្នុងការបង្ហាញអង្គហេតុដោះបន្ទុក៕
