រតនគីរី ៖ គំនរឈើប្រណិតជាច្រើនកន្លែង និងជាច្រើនរយដុំដែលពួកឈ្មួញដឹកយកមកលាក់ស្តុបទុក នៅចំណុចភូមិសមុទ្រក្រោម ឃុំសេដា ស្រុកលំផាត់ ខេត្ដរតនគីរី មិនមានសមត្ថកិច្ចណាអាចចុះបង្ក្រាបបានទេ។
ប្រជាពលរដ្ឋនៅក្នុងស្រុក លំផាត់ ខេត្ដរតនគីរី បានដាក់ការរិះគន់ និងនិយាយតៗគ្នាថា៖ លោក នូ ថេ អភិបាលស្រុកលំផាត់ កំពង់តែបើកដៃ អោយឈ្មួញដឹកជញ្ជួនឈើប្រណិតចេញ ពីស្រុកលំផាត់ ទៅលក់នៅប្រទេសវៀតណាមបានដោយសេរី និងបណ្ដែតបណ្ដោយ អោយឈ្មួញលើធំៗទាំងអស់នោះ លាក់ស្តុបទុកឈើប្រណិត នៅមាត់ព្រៃ និងតាមផ្ទះក្នុងភូមិ ក្នុងឃុំសេដា ស្រុកលំផាត់ ដោយមិនដែលឃើញមានចំណាត់ការ ទប់ស្កាត់បង្ក្រាបម្ដងណានោទេ ទោះបីជារាងរាល់ថ្ងៃនេះ មានការដឹកជញ្ជូនឈើចេញ ពីស្រុកលំផាត់ ចេញទៅវៀតណាមយ៉ាងគគ្រឹកគ្រែង និងមានគំនឈើប្រណិតស្តុបគទុក នៅក្នុងស្រុកលំផាត់ជាច្រើនយ៉ាងណាក៏ដោយក៏លោក នៅតែមិនដែលឃើញមានចំណាត់ការនោះឡើយ។
ប្រជាពលរដ្ឋដែលរស់នៅក្នុង ស្រុកលំផាត់ មួយចំនួនធំបានដាក់ការងឿងឆ្ងល់ និងបាននិយាយតៗគ្នាថា តើលោក អភិបាលនៃគណៈអភិបាលស្រុ នូ ថេ លោកបានដឹងបានលឺបានជ្រាបបានឃើញ និងចាប់អារម្មណ៌ពីបញ្ហាទាំងអស់ ដែលពួកឈ្មួដឹកជញ្ជួនឈើចេញពីក្នុងស្រុកលំផាត់ និងពួកឈ្មួញដឹកជញ្ជួនឈើមកលាកស្តុបទុកឈើប្រណិត យ៉ាងអនាធិបតេយ្យ នៅក្នុងស្រុកមួយនេះដែរឺទេ? រឺមួយលោកដឹងហើយធ្វើមិនដឹង ឫក៏លោកមានការពាក់ពន្ធ័ អ្វីផ្សេងបានមិនអាចចំណាត់ការបានយ៉ាងដូចច្នេះ។
ប្រជាពលរដ្ឋបានរាបរាប់ប្រាប់ អ្នកយកពត៌មាន យើងអោយដឹងទៀតថា ៖ ឈើទាំងអស់នេះគឺដឹកចេញមក ពីដែនការពារ ដែនជំរកអភិរក្សស្រុកលំផាត់ និងការពារដោយជំនាញរដ្ឋបាលព្រៃឈើ បើមិនមានការឃុបឃិតត្រូវរ៉ូវគ្នានោះទេ ក៏មិនអាចដឹកជញ្ជូនចេញ និងលាក់ស្តុបទុកគជាគំនបានដោយសេរីបែបនេះបានទេ ។
ចំណែកលោក មេឃុំ សេដា បានធ្វើយតាមទូរសព្ទ័មកកាន់ អ្នកយកពត៌មានយើងថា លោកមិនដឹងថា មានគំនឈើប្រណិតទាំងនោះស្តុបគទុកក្នុងឃុំលោកនោទេ ព្រោះគេមិនប្រាប់គាត់ទេ
រីឯលោក នាយប៉ុស្តិ៍សេដា ក៏បានរាបរាប់ប្រាប់អ្នកយកពត៌មានយើងតាមទូរសព្ទ័ មិនខុសគ្នាពីលោកមេឃុំនោះដែ គឺលោកបានធ្វើយថា លោកមិនបានដឹងពីរឿងនិងទេ បេីមានការលាក់ស្តុបឈើមែន ចាំលោកអោយកូនចៅ លោកចុះទៅមេីល តែជាលត្ថផលឈើនៅតែឈើ នៅគទុកនៅដដែល ហើយអ្នកធ្វើុយនៅតែធ្វើយមិនដឹងដដែល ចង់ឆ្ងល់ថា បើលោកមេឃុំ លោកមេប៉ុស្តិ៍ គ្រប់គ្រងក្នុងមូលដ្ឋានរបស់លលោក ពួកលោកមិនដឹងពីបញ្ហាកើតមានក្នុងមូលដ្ឋានរបស់លោកផង តើលោកអាចដឹងពីសុខទុក្ខប្រជាពលរដ្ឋបានយ៉ាងដូចម្ដេច ខ្ញុំក៏ដូចជាប្រជាពលរដ្ឋគ្រាន់ឆ្ងល់ទេ ។
ចំណែកលោក ថេង ចន្ទ័ធី អធិការស្រុកលំផាត់ បានធ្វើយឆ្លងតាមទូរសព្ទ័មកកាន់អ្នកយកពត៌មានយើងថា បើមានបញ្ជាពីលោក អភិបាលស្រុក លោកនិងចុះទៅភ្លៀម ព្រោះថាពួកឈ្មួញទាំងនោះប្រហើនណាស់ ហើយលោកមិនចង់អោយមានបទល្មើស គ្រប់ប្រភេទ កើតឡើងក្នុងដែនគ្រប់គ្រងរបស់លោកទេ
បាទអរគុណ លោកអធិការដែលលោក មានភាពទទួលខុសត្រូវខ្ពស់។
អ្នកយកព័ត៌មានយើងក៏បានទូរស័ព្ទទៅសុំការបំភ្លឺពីលោក នូ ថេ អភិបាលនៃគណៈអភិបាលស្រុកលំផាត់ លោកក៏បានទទួលហើយរាបរាប់ប្រាបថា លោកមិនដឹងពីរឿងនោះទេ ចាំលោកតេទៅរដ្ឋបាលព្រៃឈើអោយចុះទៅ តែយ៉ាងក៏នៅតែមិនមានចំណាត់ការអ្វីដដែល ៕