ក្រចេះ ៖ កម្លាំងចម្រុះដឹកដោយលោក អួង សម្បត្តិ អភិបាលរងស្រុកចិត្របុរី និងសម្របសម្រួលដោយលោក ទុក វិនីត ព្រះរាជអាជ្ញារងសាលាដំបូងខេត្តក្រចេះ ចុះបង្គ្រាបទីតាំងស្តុកសត្វសារិការកែវវងជិត១ពាន់ក្បាល ដែលក្រុម ឈ្មួញបំរុងនាំចេញទៅលក់នៅប្រទេសវៀតណាម ។
ហេតុការណ៍ចុះបង្គ្រាប់នេះនៅវេលាម៉ោង៩និង៣០នាទីថ្ងៃទី០៣ខែឧសភាឆ្នាំ២០១៧នៅភូមិបុសលាវឃុំបុសលាវស្រុកចិត្របុរីខេត្តក្រចេះ។
លោក អ៊ួង សម្បត្តិ អភិបាលរងស្រុកចិត្របុរីបានឲ្យដឹងថា ប្រតិបត្តិការនេះ រួមមានកម្លាំងជំនាញរដ្ឋបាលព្រៃឈើ នគរបាលខេត្តកម្លាំង អាវុធហត្ថ ហើយបានរឹបអូសសត្វសារិការកែវវង ជិត១ពាន់ក្បាល់ ដែលស្តុកទុកបំរុងយកទៅលក់នៅប្រទេសវៀតណាម តែអស់លក្ខ័ត្រូវសមត្ថកិច្ចចម្រុះធ្វើការបង្គ្រាបរឹបអុសយកតែម្ដង។
លោក អ៊ីវ ហាក់នាង រងសង្កាត់រដ្ឋបាលព្រៃឈើកន្ទួតបានឲ្យដឹងថា ម្ចាស់លំនៅដ្នានដែលស្តុកសត្វសារិការកែវវងនោះ មានឈ្មោះ ពក ណេង ភេទប្រុស រស់នៅទីតាំងកើតហេតុខាងលើ បានរត់គេចខ្លួនបាត់ ហើយកំលាំងជំនាញបានរិបអូសសត្វសារិកាកែវទាំងនេះ ទៅរក្សាទុកបណ្ដុះអាសន្ននៅសង្កាតរដ្ឋបាលព្រៃឈើកន្ទួត ហើយនិងធ្វើកំណត់ប្រលែងឲ្យសត្វទាំងនេះមានសេរីវិញ ៕