ក្រុងបាត់ដំបង ត្រូវបានជាប់ចំណាត់ថ្នាក់ ជា ទីក្រុងស្អាត កាលពីថ្ងៃទី ៣០ ខែតុលា ឆ្នាំ២០១៤ កន្លង នៅប្រទេសឡាវ ក្នុងចលនាប្រឡងប្រណាំងទីក្រុងស្អាតនៅទូទាំងប្រទេស ដោយបានជាប់ចំណាត់ ទីក្រុងស្អាត ទទួលបានផ្ការំដួល ៣ ទង ។
ដើម្បីរក្សាបាននៅកេរ្ត៍ឈ្មោះដ៏ល្អត្រចេះត្រចង់នេះឱ្យបាន ស្ថិតថេគង់វង់ ឯកឧត្តម ច័ន្ទ សុផលអភិបាលខេត្ត បាត់ដំបង រូបជាមួយមន្ត្រីពាក់ព័ន្ធ បានយកចិត្តទុកយ៉ាងខ្លាំង លើកការរៀបចំបោសសំអាត និងបន្តធ្វើបង្គន់អនាម័យតាមទីសួនសាធារណៈ នឹងធ្វើកន្លែងហាត់ប្រាណ កីឡាផ្សេងៗ។ ជាងនេះទៀត ឯកឧត្តមបានសម្រេចទិញរថយន្ត ១ គ្រឿងម៉ាកនីសាន់ ចំណេះដាក់ទឹកមានចំនួន ៧៥០០ លីត្រ មានតម្លៃទឹកប្រាក់ចំនួន ២ ម៉ឺនដុល្លាប្រគល់ទៅឱ្យសាលាក្រុង សម្រាប់ស្រេចស្រប តាមសួនច្បារនាៗ នៅក្នុងក្រុងបាត់ដំបង ខេត្តបាត់ដំបង កាលពីល្ងាចថ្ងៃទី០៨ ខែធ្នូរ ឆ្នាំ២០១៤ ៕
