រតនៈគិរី ៖ គំនឈើប្រណិតជាច្រើនកន្លែងមានរាប់រយដុំដែលពួកឈ្មួញដឹកយកមកលាក់ស្តុបទុកត្រូវបានប្រជាពលរដ្ឋរកឃើញកាលពីថ្ងៃទី៣០មេសា នៅចំណុចភូមិសមុទ្រក្រោម ឃុំសេដា ស្រុកលំផាត់ ខេត្ដរតនគីរីតែ មិនមានសមត្ថកិច្ចណាអាចចុះបង្ក្រាបដែលគេជឿថាមានការឃុបឃឺត។ករណីនេះអ្វីដែលគួរឲ្យហួសចិត្តគឺលោក មេឃុំ សេដា បានប្រាប់ទូរសព្ទ័ មកកាន់ អ្នកយកពត៌មានថា លោកមិនដឹងថា មានគំនឈើប្រណិតទាំងនោះស្តុបគរទុកក្នុងឃុំលោកនោះទេ ព្រោះគេមិនប្រាប់គាត់(ស៊ិក)។
ឯលោក នាយប៉ុស្តិ៍សេដា ក៏ មិនខុសគ្នាពីលោកមេឃុំនោះដែ គឺលោកបានឆ្លើយថា លោកមិនបានដឹងពីរឿងនិងទេ បើមានការលាក់ស្តុបឈើមែន ចាំលោកអោយកូនចៅ លោកចុះទៅមើល?។ករណីនេះប្រជាពលរដ្ឋ បាននិយាយថា៖ លោក នូ ថេ ម្ចាស់អាណាចក្រស្រុកលំផាត់ប្រាកដជាអ្នកបើកដៃ អោយឈ្មួញដឹកជញ្ជួនឈើប្រណិតចេញ ពីស្រុកលំផាត់ ទៅលក់នៅប្រទេសវៀតណាមបានដោយសេរីមិនបានអនវត្តន៍តួនាទីសមត្តកិច្ចថ្នាក់ក្រោមជាតិដែលនាយករដ្ឋមន្ត្រីប្រគលឲ្យនោះឡើយ។
ករណីនេះ លោក នូ ថេ អភិបាលនៃគណៈអភិបាលស្រុកលំផាត់ពេលរាយការណ៍ពីគនរឈើប្រណីតខុសច្បាប់នេះ លោកថាបានទទួលហើយតែលោកថា លោកមិនដឹងពីរឿងនោះទេ ចាំលោកតេទៅរដ្ឋបាលព្រៃឈើអោយចុះទៅពិនិត្យ។ តែយ៉ាងក៏នៅតែមិនមានចំណាត់ការអ្វីដដែលចំពោះឈើប្រណីតដែលឈ្មួញគរទុកនៅក្នុងឃុំសេដាដើម្បីនាំចេញទៅស្រយុកយួននោះឡើយមកដល់ថ្ងៃទី១ឧសភាឆ្នាំ២០១៧នេះ ។
ប្រជាពលរដ្ឋបានអោយដឹងទៀតថា ៖ ឈើទាំងអស់ដែលឈ្មួញស្តុកលាក់ទុកនៅក្នុងឃុំសេដានៃអាណាចក្រស្រុកលំផាត់នេះគឺដឹកចេញមក ពីដែនការពារ ដែនជំរកអភិរក្សព្រៃក្នុងស្រុកលំផាត់ដែលទទួលខុសត្រូវដោយមន្ត្រីបរិសា្ថន និងការពារដោយជំនាញរដ្ឋបាលព្រៃឈើ។ ការចោទប្រកាន់នេះគឺនៅក្រោយពេលដែលគេប្រទះឃើញបទល្មើសព្រៃឈើ ។
សូមបញ្ជាក់ដែរថា៖កាលពីថ្ងៃទី១៥ ខែកម្ភៈ ឆ្នាំ២០១៧ប្រជាពលរដ្ឋបានរកឃើញឈើប្រណិតជាច្រើនកំណាត់ដែលដាក់ពង្រាយក្នុងព្រៃនៅខាងក្រោយស្នាក់ការដែនជម្រកសត្វព្រៃស្រុកលំផាត់ ចំងាយប្រហែលជា១៥០ម៉ែត្រទៅ២០០ម៉ែត្រ ស្ថិតនៅក្នុងភូមិអូរល្វាក់ ឃុំជ័យឧត្ដម ស្រុកលំផាត់ ខេត្តរតនគិរី។
ប្រជាពលរដ្ឋនៅតំបន់នោះ បានរាយការណ៍ថា បទល្មើសព្រៃឈើ មានប្រភេទឈើធ្នង់ និង សុក្រំ ត្រូវគេដឹកជញ្ជូនជារៀងរាល់ថ្ងៃទៅលាក់ពង្រាយនៅខាងក្រោយស្នាក់ដែនជម្រកសត្វព្រៃ ដើម្បីលក់បន្តទៅឲ្យក្រុមឈ្មួញ។ ពួកគាត់បញ្ជាក់ថា អ្នកដែលដឹកទៅដាក់ពង្រាយនោះ គឺមិនក្រៅពីបក្សពួក សាច់សាលោហិតរបស់មន្ត្រីបរិស្ថានដែលមានឈ្មោះ សុខ ឡេង មានតួនាទីជាប្រធានក្រុមល្បាត ប្រចាំស្នាក់ការដែនជម្រកសត្វព្រៃលំផាត់ ព្រមទាំងបក្សពួក២នាក់ទៀតដែលមានឈ្មោះ ធី និង ឈ្មោះ រ៉ុន ជាមន្ត្រីបរិស្ថានប្រចាំការនៅទីនោះជាមួយគ្នានោះទេ។
ប្រជាពលរដ្ឋបន្តថា គំនរឈើដែលដាក់ពង្រាយនៅក្រោយស្នាក់ការនោះ គឺជាឈើដែលមន្ត្រីបរិស្ថានប្រមូលទិញពីប្រជាពលរដ្ឋ ហើយបើសិនជា ប្រជាពលរដ្ឋណា មិនលក់ឈើឲ្យក្រុមមន្ត្រីបរិស្ថានខាងលើនេះទេ ឈឺទាំងនោះ ត្រូវបានគេចាប់ឃាត់ទុក ហើយម្ចាស់ឈើក៏ប្រហែលនឹងត្រូវរងទុក្ខផ្នែកច្បាប់ផងដែរ ៕
