ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រីបានណែនាំឲ្យអាជ្ញាធរយកចិត្តទុកដាក់លុបបំបាត់ល្បែងស៊ីសងតាមនយោបាយភូមិឃុំមានសុវត្ថភាព។បន្ថែមលើនេះសម្តេចក៏បានបង្កើតនាយកដ្ឋាននគរបាលបង្ក្រាបល្បែងស៊ីសងថែមទៅទៀតដើម្បីឲ្យបទ្បញ្ជាររបស់លោកមានប្រសិទ្ធីភាព។តែផ្ទុយទៅវិញសមត្តកិច្ចនៃអាជ្ញាធរនៅក្បែរច្រមុះក្រសួងមហាផ្ទៃ ហាក់គ្មានសមត្តភាពឬក៏មិនអនុវត្តន៍តាមបទបញ្ជារសម្តេចក្រឡាហោមទៅវិញ?។ជាក់ស្តែងអាជ្ញាធរនគរបាលនិងសមត្ថកិច្ចខណ្ឌចំការមនបានបណ្តែតបណ្ដោយអោយល្បែងក្រឡុកខ្លាឃ្លោកដ៏ធំកំពុងដំណើរការយ៉ាងអនាធិបតេយ្យលេងយ៉ាងគគ្រឹកគ្រែងនៅតាមផ្លូវឌឿងហែមកន្លែងលក់សាច់ឆ្កែ១៦៨ខាងក្រោយអធិការដ្នាននគរបាលខណ្ឌចំការមន។
ពួកគេលេងចាប់ពីម៉ោង៥ល្ងាចរហូតដល់ម៉ោង១២យប់ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ដោយឡែកទាក់និងល្បែងស៊ីសងនេះដែរ បើតាមប្រភពពីអ្នកញៀនល្បែងបានឲ្យដឹងថា នៅក្នុងរាជធានីភ្នំពេញ ល្បែងដែលមានច្រើនជាងគេ គឺខណ្ឌ៧មករា និងខណ្ឌចំការមន ហើយសម្រាប់ខណ្ឌចំការមនវិញ គឺមានល្បែងរហូតដល់ទៅជាង៦០ទីតាំងឯណោះ នេះមិនរាប់បញ្ជូលល្បែងតូចតាចនោះទេ។
ប្រភពបានទម្លាយទីតាំងល្បែងមួយកន្លែងថា ជាប្រភពចំណូលរបស់អាជ្ញាធរ ហើយក៏ជាបណ្ដុំជនល្មើសផងដែរ ដោយផ្លាកខាងក្រៅដាក់ថា ដក ដាក់លុយវីង ឬអ៊ីនធើណែត ដោយទីតាំងស្ថិតនៅខាងក្រោយអតីតរោងកុនគិរីរម្យ ក្បែរមន្ទីរពេទ្យខេមរា ក្រៅពីនោះនៅជិតផ្សារសុវណ្ណា នឹងនៅផ្សារបឹងត្របែកជាដើម ។ គេចាំមើល តើលោកចៅហ្វាយខណ្ឌចំកាមន លោកអធិការខណ្ឌ ហ៊ានបង្ក្រាបទីតាំងខាងលើបានឫអត់?៕
