ខេត្តរតនគិរី : នាព្រឹកថ្ងៃទី ២៨ ខែមេសាឆ្នាំ ២០១៧ វេលាម៉ោង ៨ :៣០ នាទី នៅចំណុចសាលាស្រុកលំផាត់ នឹងកន្លែងផ្ទះជនរងគ្រោះ ប្រជាពលរដ្ឋចំនួន 0៩ គ្រួសារ ដែលរងគ្រោះមហន្តរាយគ្រោះធម្មជាតិ (ខ្យល់កន្ត្រាក់) កាលពីចុងសប្តាហ៍កន្លងមកនេះ។
ពិធីចែកអំណោយ របស់សាខាកាកបាទក្រហមជូនដល់ប្រជាពលរដ្ឋទាំង 0៩ គ្រួសារខាងលើ តាមរយៈឯកឧត្តម ថង សាវុន អភិបាលគណៈអភិបាលខេត្តរតនគិរីនិងជាប្រធានកាកបាទក្រហមកម្ពុជាខេត្តរតនគិរី និងជាតំណាងដ៏ខ្ពង់ខ្ពស់របស់ សម្តេចគតិព្រិទ្ធបណ្ឌិត ប៊ុន រ៉ានី ហ៊ុនសែន បានពាំនាំនៅអំណោយដ៏ថ្ថ្លាថ្លៃ ជូនដល់ប្រជាពលរដ្ឋផ្ទាល់ដៃទាំង 0៩ គ្រួសារ ។ ក្រោយពីបានទទួលអំណោយប្រជាពលរដ្ឋទាំង 0៩ គ្រួសារដែលមានពីរភូមិ គឺភូមិការឡែង 0៨ គ្រួសារនិងភូមិប៉ាតាងចំនួនមួយគ្រួសារបានសំដែងនូវការសោមនស្សរីករាយយ៉ាងក្រៃលែង និងអំណរអរគុណដល់សាខារកាកបាទក្រហម ដែលមានសម្តេច គតិព្រិទ្ធបណ្ឌិត ហ៊ុន រ៉ានី ហ៊ុនសែន ជាប្រធានបានយកចិត្តទុកដាក់ ដល់ប្រជាពលរដ្ឋ ទាល់ពេលគ្រប់ទីកន្លែងដោយមិនប្រកាន់ និន្នាការ នយោបាយ ជាពិសេសដូចជាថ្ងៃនេះផ្ទាល់ ហើយពួកគាត់បានជូនពរដល់ថ្នាក់ដឹកនាំឲ្យជ័យជំនះគ្រប់ភារកិច្ច ។
ជាចុងក្រោយឯកឧត្តម ថង សាវុន ក៏បានផ្តាំផ្ញើដល់ប្រជាពលរដ្ឋទាំង0៩គ្រួសារ ក៏ដូចជាបងប្អូនទាំងអស់ សូមអោយមានការប្រុងប្រយ័ត្នជានិច្ច ចំពោះហានិភ័យផ្សេងៗ ដែលកើតមានជាយក្ខថាហេតុ មិនថា ខ្លល់កន្ត្រាក់ ឬគ្រោះមហន្តរាយផ្សេងៗ ។ល។ ព្រោះរដូវនេះ តែងជួបផលប៉ះពាល់ជានិច្ច ។
ដោយ ៖ ចាប សំអាន