មណ្ឌលគិរី ៖ មន្ត្រីអាវុធហត្ថម្នាក់ដោយសារតែខឹងនិងប្រពន្ធមិនឲ្យលុយ៥០០ដុល្លារបានយកកាំភ្លើងបាញ់គម្រាមផ្អើលអ្នកភូមិអូរអាមឃុំស្រែខ្ទុមស្រុកកែវសិមាដែលខ្លះរត់ចូលក្រោមគ្រែ កាលពីថ្ងៃទី២៦មេសា២០១៧ វេលាម៉ោង២០និង៤០នាទី ។ករណីលោកស៊ុន ប៊ុនធឿន អធិការនគរបាលស្រុកកែវសីមាបានឲ្យដឹងថា កាលពីថ្ងៃទី២៦មេសា២០១៧ វេលាម៉ោង២០និង ៤០នាទី នៅភូមិអូរអាមឃុំស្រែខ្ទុមស្រុកកែវសិមា ខេត្តមណ្ឌលគិរី មានករណីផ្ទុះអាវុធចំនួន៧គ្រាប់ ដោយសាមន្ទ្រីកងរាជអាវុធហត្ថស្រុកបានបាញ់ គម្រាមប្រពន្ធ មូលហេតុសុំលុយចំនួន៥០០ដុល្លាមិនបាន។ មន្ត្រីអាវុធហត្ថនោះបានកាំភ្លើងម៉ាកឡុក បាញ់ ៧គ្រាប់តែអត់ផ្ទុះ១គ្រាប់ រួចក៏ជិះរថយន្តគេចខ្លួនបាត់ទៅ។
លោកបញ្ជាក់ថា ករណីបាញ់បោះខាងលើ ត្រូវបានកំលាំងសមត្តកិច្ចស្គាល់អត្តសញ្ញានហើយ មានឈ្មោះ ស៊ួ សុវណ្ណធី មេបញ្ជាការរងអាវុធហត្ថស្រុកកែវសីមា។ លោកអធិការនគរបាលស្រុកកែវសីមាបានបញ្ជាក់ថា៖ រហូតមកដល់ពេលនេះ កំលាំងកងរាជអាវុធហត្ថខេត្តកំពុងចាត់ការឿងនេះហើយព្រោះPMគ្នាគេ។
សុំបញ្ជាក់ថា កន្លងមកឈ្មោះលោក ស៊ួ សុវណ្ណធីនេះគឺជាថៅកែរកស៊ីឈើនិងជា ស្ដេចក្រាញ់ ផ្នែកបាញ់បោះសិរីប្រចាំស្រុកអូរាំងនិងស្រុកកែវសីមា ដោយមិនខ្លាញញើតច្បាប់នោះឡើយ។ការពិតព្រោះគ្មានអស់លោកណាហ៊ានធើអីដោយសារតែមន្ត្រីអាវុធហត្ថនិងជាឈ្មួញឈើរូបនេះគាត់ធ្លាប់ផឹកស៊ីនិងចាយសេវាជូនសមត្តកិច្ចមូលដ្ឋាននៅតំបន់នោះអស់ហើយចឹងចង់ម្សៀឈ្មោះ ស៊ួ សុវណ្ណធីបាញ់អីបាញ់ទៅកុំឲ្យតែបាញ់ក្បាលពួកគាត់ហើយមើលទៅ? ៕