ខេត្តមណ្ឌលគិរី ៖ ករណីគ្រោះថ្នាក់ចរាចរណ៍នេះបានធ្វើឱ្យមនុស្ស
ម្នាក់បានស្លាប់ និងពីរនាក់ទៀតរងរបួសធ្ងន់ ខណ:ពួកគេផឹកស្រវឹងរួចជិះម៉ូតូលឿន ចុះចំណោត បានជ្រុលទៅបុករបងផ្ទះប្រជាពលរដ្ឋ ។ កាលពីវេលាម៉ោង១០យប់ ថ្ងៃទី០៧ ខែធ្នូ ឆ្នាំ២០១៤ នៅចំណុចខាងមុខហាង កោះឋានសូគ៌ ស្ថិតនៅក្នុងភូមិ ចំការតែ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
បើតាមសំដីរបស់មន្ត្រី សមត្ថកិច្ចនគបាល បាននិយាយប្រាប់ឪ្យដឹងថា ជនរងគ្រោះក្នុងហេតុការណ៍គ្រោះថ្នាក់ចរាចរណ៍នេះមួយមានឈ្មោះភាពចាន់ វឌ្ឍន: ភេទប្រុសអាយុ២១ឆ្នាំមានមុខរបរជាមន្ត្រីនគបាលបានស្លាប់បាត់បង់ជីវិតពេលបញ្ជូនមកដល់មន្ទីពេទ្យទី២មានឈ្មោះ សានសុភាព អាយុ២៣ឆ្នាំមានទីលំនៅ ភូមិចំការតែ សង្កាត់ស្ពានមានជ័យក្រុងសែមនោរម្យ ជនជាតិខ្មែរនិងទី៣ឈ្មោះ ក្រូយ ប៊ុនធឿនភេទប្រុសអាយុ១៩ឆ្នាំរស់នៅក្នុងភូមិប៊ូស្រា ស្រុកពេជ្រាដាខេត្តមណ្ឌលគិរី រងរបួសធ្ងន់ កំពុងសំរាកព្យាបាលនៅគ្លីនិកឯកជនមណ្ឌលគិរី ។
សមត្តកិច្ចនគបាលបានឪ្យដឹងទៀតថា សពជនរងគ្រោះត្រូវបានប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី ចំណែកម៉ូតូត្រូវយកមកតក្សារទុកនៅអធិការដ្ឋាននគបាលក្រុងសែនមនោរម្យរងចាំដោះស្រាយពេលក្រោយ ៕
ហ៊ិន សុគន់
