រតនគិរី ៖ រោងសិប្បកម្មកែច្នៃឈើប្រណីតមួយកន្លែងក្នុងចំណោមរោងសិប្បកម្មជាច្រើននៅក្នុងក្រុងបានលុងខេត្តរត្នៈគីរី ត្រូវបានកម្លាំងចំរុះដឹកនាំដោយលោកជា ពេជ្រ ព្រះរាជអាជ្ញាចុះបង្ក្រាបកាលពីវេលាម៉ោង១០នឹង៣០ នាទី ព្រឹកថ្ងៃទី២៥ ខែមេសា ឆ្នាំ២០១៧ ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុងដោយចោទថាបើអត់ច្បាប់និង រឹបអូសឈើ ធ្នង់បាន២ រម៉ក ។
ករណីចុះបង្ក្រាបនេះមានការនិយាយដើមក្រុមបង្ក្រាបថាប្រហែលអត់បងសេវាឲ្យបានជាត្រូវបង្ក្រាបព្រោះសិប្បកម្មនេះបើកយូហើយ ។ ជាក់ស្តែង បើតាមប្រភពពីកម្លាំងចម្រុះដែលមានអធិការនគរបាលក្រុងបានលុង មន្ត្រីខណ្ឌរដ្ឋបាលព្រៃឈើ នឹងលោក អ៊ុក ស៊ីដេត អភិបាលរងក្រុងបានលុងបានឲ្យដឹងថា ផ្ទះជនជាតិវៀតណាមលួចលាក់បើករោងសិប្បកម្មដោយខុសច្បាប់ រយៈពេល៥–៦ឆ្នាំ មកហើយ ត្រូវបានព្រះរាជអាជ្ញាឡើងថ្មី ចុះបង្ក្រាប នឹងរឹបអូសឈើជាច្រើនដុំ ។
ចំណែកម្ចាស់ផ្ទះ និងម្ចាស់ផ្ទះឲ្យធ្វើកិច្ចសន្យានឹងធ្វើច្បាប់អាជីវកម្ម។ម្ចាស់ផ្ទះសិប្បកម្មនេះ ឈ្មោះ ហូ យ៉ាំងឡុក ភេទប្រុស អាយុ៤២ ឆ្នាំ ជនជាតិវៀតណាម បានបើកសិប្បកម្មអត់ច្បាប់ជាយូរឆ្នាំមកហើយតេមិនត្រូវបានសមត្ថកិច្ចជំនាញចុះបង្ក្រាបនោះទេ។
សូមបញ្ជាក់ថា រោងសិប្បកម្មកែច្នៃឈើអត់ច្បាប់ នៅក្នុងក្រុងបានលុងមាន៥០ទៅដល់៦០ កន្លែងទៀតពុំមានច្បាប់ទន្លាប់ទេ ធ្វើយ៉ាងអានាធិបតេយ្យ បំផុត។ ដូចជាសិប្បកម្មកុងលី សិប្បកម្មឈ្មោះទៀង និងសិប្បកម្មឈ្មោះ បេ និងតាមបណ្តាយស្រុកមួយចំនួនមានរហូតរាប់រយរោងសិប្បកម្មឯណោះ សង្ស័យសមត្ថកិច្ចជំនាញពាក់ព័ន្ធទាំងអស់បានដាក់ខែរួចហើយ បើមិនដូច្នោះទេ គេនឹងបង្ក្រាបភ្លាម៕
