ភ្នំពេញ ៖ តារាសម្ដែងសិចស៊ី ចូលចិត្តបង្ហាញរបស់របរកេរ្តិ៍ម៉ែដែលគេស្គាល់ថាកញ្ញា ដេននី ខ្វាន់ត្រូវបាន ក្រសួងវប្បធម៌ និងវិចិត្រសិល្បៈរបស់លោកជំទាវភឿងសក្កណាហាម មិនឲ្យមានសកម្មភាពអ្វីទាំងអស់ ក្នុងវិស័យសិល្បៈ ក្នុងនោះរួមមានការសម្តែង ថតខ្សែភាពយន្ត ថតខារ៉ាអូខេ ច្រៀងនៅតាមកញ្ចក់ទូរទស្សន៍ជាដើម រយៈពេល១ឆ្នាំ ចាប់ពីថ្ងៃទី២៥មេសាឆ្នាំ ២០១៧។
លោក ចំរើន វ៉ាន់ថា ទីប្រឹក្សាក្រសួងវប្បធម៌ និងវិចិត្រសិល្បៈ និងជាអនុប្រធានលេខាធិការដ្ឋាន ដែលដឹកនាំកិច្ចប្រជុំអារឿងដាក់ពិនយ័នេះ បានប្រាប់កាសែតថា៖ ក្រុមប្រឹក្សាពិន័យ នៃក្រសួងវប្បធម៌ និងវិចិត្រសិល្បៈបានសម្រេចថា ទី១ ក្រសួងវប្បធម៌សម្រេចដាក់ពិន័យ កញ្ញា ដេននី ខ្វាន់ មិនឲ្យធ្វើសកម្មភាពពាក់ព័ន្ធ ជាមួយនឹងវិស័យសិល្បៈវប្បធម៌រយៈពេល១ឆ្នាំ ចាប់តាំងពីថ្ងៃចុះ ហត្ថលេខា ទៅលើលិខិតនេះតទៅ។
ទី២ ក្រសួងវប្បធម៌ ក៏ដូចជាក្រុមប្រឹក្សាពិន័យ ក៏បានសំណូមពរ និងស្នើដល់សមាគមសិល្បៈទាំងអស់ ស្ថានីយទូរទស្សន៍ ផលិតកម្មនានា សូមចូលរួមសហការ ជាមួយនឹងក្រុមប្រឹក្សាពិន័យ ចំពោះការដាក់ពិន័យទៅលើ កញ្ញា ដេននី ខ្វាន់ នេះ ដោយសុំសំណូមពរមិនឲ្យយកតួនេះទៅថត ទាំងរឿង និងស្ពតពាណិជ្ជកម្មផ្សេងៗ។ ទី៣ កិច្ចប្រជុំបានស្នើដល់ផលិតកម្មទាំងអស់ ពេលចង់បានតួថត ឬសម្ដែងក្នុងរឿងរបស់ខ្លួន គួរធ្វើការទំនាក់ទំនងតាមរយៈ សមាគមសិល្បៈដែលមានស្រាប់ ដើម្បីការពារហានិភ័យ ឬការរិះគន់ណាមួយកើតឡើង។
ប្រធានសមាគមសិល្បករខ្មែរ លោក សុះ ម៉ាច និងលោក ហេង ឡុង ជាតំណាងសមាគមមិត្តសិល្បៈស្ម័គ្រជួយសង្គមរបស់អ្នកស្រីចនចន្ទលក្ខិណា អ្នកទាំងពីរ បានឯកភាពទាំងស្រុងចំពោះការដាក់ពិន័យលើ កញ្ញា ដេននី ខ្វាន់ មិនឲ្យមានសកម្មភាពរយៈពេល១ឆ្នាំ។
សូមបញ្ជាក់ថា៖កញ្ញា ដេននី ខ្វាន់ មិនបានបង្ហាញវត្តមាន ចូលរួមក្នុងកិច្ចប្រជុំ តាមការអញ្ជើញរបស់ក្រសួងឡើយ។កន្លងមក កញ្ញា ដេននី ខ្វាន់ ក៏ធ្លាប់ទទួលបានការណែនាំ ពីមន្ត្រីក្រសួងវប្បធម៌ និងវិចិត្រសិល្បៈ គឺលោក ថៃ នរៈសិត្យា រួមមកហើយដែរ ជុំវិញការបញ្ចេញរូបភាពសិចស៊ី ហួសហេតុដែលធ្វើឲ្យប៉ះពាល់ដល់តម្លៃស្ត្រីខ្មែរ និងវប្បធម៌ប្រពៃណី ជាច្រើនលើកមកហើយ ប៉ុន្តែតារាសម្ដែង រូបនេះ នៅតែចូលចិត្តបង្ហោះបង្ហាញសាច់ខ្ចីញ៉េញរបស់នាងដដែល។
មន្ត្រីក្រសួងវប្បធម៌អះអាងថា និងធ្វើឡើងឲ្យមានប្រសិទ្ធភាពខ្ពស់បំផុត និងចាត់វិធានការក្ដៅណាមួយ ប្រសិនបើសាមីខ្លួន នៅតែផ្គើនមិនគោរពតាមការណែនាំ និងដាក់ពិន័យ។ ក្រសួងក៏ស្នើដល់ភាគីពាក់ព័ន្ធទាំងអស់ មេត្តាចូលរួមសហការឲ្យមានប្រសិទ្ធភាពខ្ពស់ ចំពោះការដាក់ពិន័យលើ តារាសម្ដែងរូបនេះ ដើម្បីជាគំរូមួយ សម្រាប់អ្នកសិល្បៈដទៃទៀតបានដឹង និងអនុវត្តតាម។ចាំមើលថាក្រសួងអាករកញ្ញដេនីខ្វា់ន់ម្នាក់តើបន្លាចបានតារាសិចស៊ីប៉ុន្មាន?។
ទោះជាយ៉ាងណា ករណីមួយនេះប្រជាពលរដ្ឋដែលនិយមភាពស៊ីវីល័យក្នុងសម័យសកលូបនីយ៍កម្មបាននិយាយថា៖ក្រសួងលោកជំទាវភឿងសក្កណាចេះតែធើបាបគេហើយអាងគេស្លូត!!។អារឿងបញ្ចេញប្រដាប់វាមានទៅខូចខាតអី?ផស់គេតើចង់មើលឬមិនមើលមានអ្នកណាគេហាម!ណោះរឿងគ្រឿងញៀនចោរប្លន់ទឹកលិចក្រុងបានវាប៉ះពាល់៕
