ខេត្តរតនគិរី ៖ នាល្ងាចថ្ងៃទី២៣ ខែ មេសា ឆ្នាំ ២០១៧ វេលាម៉ោងប្រមាណ5,និង10នាទី នៅទូទាំងខេត្តរតនគិរី មានភ្លៀងធ្លាក់មួយមេយ៉ាងធំលាយឡំនិងខ្យល់កន្ត្រាក់ផងនោះ បានកញ្ឆក់យកជីវិតមនុស្សម្នាក់ និងទ្រព្យសម្បត្តិសាធារណៈ ធ្វើអោយបាត់បង់ខូចខាតយ៉ាងដំណំ ។ ហេតុការណ៍ភ្ញាក់ផ្អើលខាងលើនេះកើតឡើងប្រមាណជាងមួយម៉ោងប៉ុណ្ណោះក្នុងទឹកដីខេត្តរតនគិរី។
តាមប្រភពពីប្រជាពលរដ្ធពេញក្រុងបានលុងបានអោយដឹងថា៖ ស្របពេលមេឃកំពុងធ្លាក់ភ្លៀងលាយឡំនិងខ្យល់បោកបក់ខ្ទរ័ផែនដី ផ្លេកបន្ទោរឆ្វេតឆ្វាតរន្ទះបាញ់ផុងផាំងដូចគ្រាប់ផ្លោង។ល។ និងមានជ្រុះគ្រាប់ព្រិលទឹកកកលាន់ឭពេញដំបូលសង្ក័សី តាមដងផ្លូវសាធារៈមានភាពស្ងប់ស្ងាត់ជ្រងំក្នុងការចរាចរណ៍ ។
ប្រភពបានបន្តទៀតថា៖ ចំឡែកតែរឺម៉កម៉ូតូមួយគ្រឿងជិះគ្នា04នាក់ខំប្រឹងបើកបរកាត់ដំណក់ព្យុះទឹកភ្លៀងយ៉ាងរំភើយ គ្មានការភ័យព្រួយបារម្មណ៍អ្វីបន្តិចសោះ ហោ៑រកញ្ជ្រៀវសប្បាយរីករាយនិងទឹកភ្លៀងទៅវិញ ។ ធ្វើដំណើរពីត្បូងទៅជើង ខណៈមកដល់ចំណុចកើតហេតុ ទល់មុខទីបញ្ជាការតំបន់ប្រតិបត្តិការសឹករងខេត្តរតនគិរី (ដំរីលើកជើង) ស្ថិតក្នុងភូមិភ្នំស្វាយសង្កាត់បឹងកន្សែងក្រុងបានលុងខេត្តរតនគិរី ក៏ត្រូវចរន្តរន្ទះបាញ់តែម្តង បណ្តាលអោយយុវជនម្នាក់ស្លាប់ភ្លាមៗនៅលើរ៉ឺម៉ក នៅកន្លែងកើតហេតុ។
ប្រភពពីអ្នករួមដំណើរបានអោយដឹងថា ៖ ជនរងគ្រោះរន្ទះបាញ់ស្លាប់មានឈ្មោះ ឯម វិរះ ភេទប្រុស អាយុ 17ឆ្នាំ ជនជាតិខ្មែរ មុខរបរ កម្មករ មានទីលំនៅបច្ចុប្បន្ន ភូមិជ័យជំនះ សង្កាត់ ឡាបានសៀក ក្រុងបានលុង ខេត្តរតនគិរី ។ (ទល់មុខហាង ងួន ទ្រី ម្ហូបការ ភូមិថ្មី) រី់ឯ អ្នករួមដំណើរ03នាក់ទៀតពុំស្គាល់ឈ្មោះមានសុវត្ថិភាពល្អសូម្បីតែរបួសស្នាមក៍គ្មាន ។
ប្រភពដដែលបន្តថា ៖ ជនរងគ្រោះឃើញពាក់នាឡិការដៃ (សង្ស័យនាឡិការទូរស័ព្ទដៃ) មិនបានបិទប្រព័ន្ធ និងពាក់ខ្សែក ផ្លាក់ទីន ត្រូវរន្ទះបាញ់ដាច់ខ្សែកជាពីរ។
ក្រោយពេលកើតហេតុ ជនរងគ្រោះត្រូវអ្នករួមដំណើរដឹកបន្ត ទៅប្រគល់អោយក្រុមគ្រួសារ ដើម្បីធ្វើបុណ្យតាមប្រពៃណី។
ដោយឡែក ក្នុងឧបទ្វិវះហេតុដ៍កំណាចនេះផងដែរ ដែលបង្កឡើងដោយខ្យល់ព្យុះកន្ត្រាក់ នោះ គេសង្កេតឃើញតាមផ្លូវសាធារណះពុះចែកទ្រូងផ្លូវ ទល់មុខស្នងការដ្ធាននគរបាលខេត្តរតនគិរី បាក់ស្លាកប៉ាន់ណូលំអរភ្លេឺងព័ណក្រុងបានលុងដួលបាក់រលំកាត់ថ្នល់ និង តូបល្វែងលក់ឥវ៉ាន់ក្នុងផ្សាររាត្រី់ត្រូវរំលើងទាំងគ្រឹះដួលរាបដល់ដី បាត់បង់ខូចខាតជាច្រើនផ្ទាំង។
ដោយ ៖ ចាប សំអាន