ខេត្តរតនគិរី ៖ គិតចាប់តាំងពីថ្ងៃទី10 រហូតមកទល់និងថ្ងៃទី23 ខែ មេសា ឆ្នាំ 2017 គឺមានរយៈពេល ១៣ ថ្ងៃមកហើយ គំនូគសំរាមទុកបណ្តោះអាសន្ននៅលើផ្ទៃដី(40×50ម៉ែត្រ)ស្មើ និង ២០ ម៉ែត្រការ៉េនៅត្រង់ចំណុច ក្នុងចំណតប៊េនឡាន តាមបណ្តាក្រុងស្រុកទាំង ០៩ និងនៅ (ចំពីមុខផ្សារបានលុង) កំពុង ដង្ហោយហៅ ក្រុមហ៊ុន គីម ជ្រា មានលោក ជា គួង ជាអ្នកទទួលខុសត្រូវ ដឹកនាំកម្មករដឹកជញ្ជូនចេញទៅទីលានចាកសំរាម ។ តែផ្ទុយទៅវិញ រហូតមកទល់ពេលនេះ ក្រុមហ៊ុនម៉ៅការសំរាមនេះ ពុំទាន់ឃើញលេចមុខមកប្រម៉ែប្រមូលយកចេញនៅឡើយនោះទេ។
ធ្វើអោយគំនរសំរាមកាន់តែខ្ពស់ប៉ុនកូនភ្នំ ណែនណាន់ តាន់តាប់ ពេញចំណតប៊េនឡាន ហើយឡានឈ្នួលមកពីតាមបណ្តាក្រុងស្រុកទាំង09 រកកន្លែងចតពុំបាន។ ជាហេតុធ្វើអោយពួកគាត់ម៉ួរម៉ៅក្តៅក្រហាយជេរផ្ទេច និងដាក់បណ្តាសារពាក្យអសុរសធ្វើការរិះគន់ធ្ងន់ៗទៅលើក្រុមហ៊ុនប្រមូលសំរាម។
ជាពិសេសអាជីវករលក់ដូរដែលមានតូបលក់ក្បែរគំនរសំរាម ពួកគាត់ត្រូវបង្ខំចិត្តបិតតូបលក់មួយរយៈសិន ដោយសារការទ្រាំហិតក្លិនគំរ៉ុងខ្មោចសំរាមទាំងនេះពុំបាន ។ ក៏សម្រេចចិត្តបោះបង់តូបលែងមានទឹកចិត្តចង់លក់ដូរបន្តទៅទៀត ទោះបីខាតចំណេញប៉ុនណាក៍លែងត្រូវការជាងនេះទៅទៀត ភ្ញៀវទេសចរណ៍ជាតិ និងអន្តរជាតិ ដែលមកធ្វើដំណើរទស្សនាកំសាន្តក្នុងទឹកដីខេត្តមួយនេះ ពួកគាត់ខំលើកសរសើរពីមាត់មួយទៅមាត់មួយថា៖ ទីក្រុងបានលុងស្រស់ស្អាត ផ្លូវផ្លោះ សួនច្បារចម្រុះព័ណផ្កា លំអរ ភ្លើងពណ៌តាមដងផ្លូវសាធារណៈ ។ តែអកុសល ទីក្រុងបានលុងពេញទៅដោយក្លិនកំរ៉ុងខ្មោច សំរាមជះពេញទីក្រុង គំនរសំរាមក្លាយជាមហាសាគរ ដង្កូវនៅចំពីខាងមុខផ្សារបានលុងតែម្តង ធ្វើអោយ បាត់បង់សោភ័ណ្ឌភាពមុខមាត់ខេត្តនិង បរិស្ថានរលីងទាំងស្រុង។ ដោយសារជនអគតិ ដែលថ្នាក់ខេត្តខំពឹងពាក់ជាមុខជាមាត់ ម៉ៅការប្រមូលសំរាម បានប្រាស់ចាក់ពីឧត្តមគតិ កិច្ចសន្យា របស់ខ្លួន ទៅវិញ គេបែរជាគិតតែផលប្រយោជន៍ខ្លួនឯង។ដូចជាការទៀមទាសំណងបំណុលឥតឈប់ឈរទៅវិញ ។ នេះជាកង្វល់របស់ថ្នាក់ដឹកនាំ ។
សូមបញ្ចាក់ថា ៖ ជុំវិញបញ្ហាសំរាមមុខផ្សារខាងលើ លោក ងិន ណែល អភិបាលគណៈអភិបាលក្រុងបានលុង បានអោយសារព័ត៌មាន ដឹងនៅព្រឹកថ្ងៃទី ២៣ ខែមេសា ឆ្នាំ ២០១៧នេះថា ៖ ក្រោយពីបានជ្រាបនូវពាក្យបណ្តឹងពីក្រុមហ៊ុនគ្រប់គ្រង ផ្សាររួចមកលោក ក៏បានធ្វើលិខិតអន្តរាគមន៍បន្តទៅលោកអភិបាលខេត្តរតនគិរីរួចហើយ តែលទ្ធផលយ៉ាង ណានោះ គឺសម្រេចលើលោក ព្រះរាជអាជ្ញានិងលោកអភិបាលខេត្តប៉ុណ្ណោះ ។
ដោយ ៖ ចាបសំអាន
